13 ސެޕްޓެންބަރު 2022 - 20:19 0
ވިލާ އެއާ އަދި އާސަންދަ ދެމެދު ޓްރެވެލް ޕާޓްނާޝިޕް އެގްރިމެންޓެއްގައި ސޮއިކުރަނީ - ފޮޓޯ: ވިލާ
13 ސެޕްޓެންބަރު 2022 - 20:19 0
ބަލި މީހުން އުފުލުމުގައި އެހީތެރިކަން ފޯރުކޮށްދޭން އާސަންދަ ކުންފުންޏާއި ވިލާ އެއާއާ ދެމެދު ޓްރެވެލް ޕާޓްނާޝިޕް އެގްރިމެންޓެއްގައި ސޮއިކޮށްފި އެވެ.
މި އެއްބަސްވުމުގައި ސޮއިކުރީ މިދިޔަ އާދީއްތަ ދުވަހު އެވެ.
ވިލާ އެއާގެ ފަރާތުން އެއްބަސްވުމުގައި ސޮއިކުރެއްވީ ވިލާ އެއާގެ މެނޭޖިން ޑިރެކްޓަރު އަބްދުﷲ ނާޝިދެވެ. އާސަންދަގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މަރިޔަމް ޝަފީގެވެ.
މި އެއްބަސްވުމުގެ ދަށުން ވިލާ އެއާގެ ޑޮމެސްޓިކް ރޫޓް ތެރެއިން އާސަންދައިގެ ކްލައިންޓުން ނުވަތަ ބަލި މީހުން އުފުލައިދޭނެ އެވެ.
ވިލާ އެއާއިން ކޮންމެ ދުވަހަކު ޝެޑިއުލްކޮށްފައި އޮންނަ ފްލައިޓްތަކުގެ ޑޮމެސްޓިކް ރޫޓްގެ ބޭރުން ވެސް ބަލި މީހުން އުފުލުމުގައި ފްލައިޓް ޗާޓަރުކޮށްދިނުމުގެ ހިދުމަތް ވެސް ދެމުން ގެންދާނެ ކަމަށް ބުނެފައިވެ އެވެ.
Comment