ފުވައްމުލަކު ބަނދަރުގައި އޮތް ތެޔޮ ހުސްކުރި ޓޭންކެއްގައި އަލިފާން ރޯވެ ދެ މީހަކަށް އަނިޔާވެއްޖެ އެވެ.

އެމްއެންޑީއެފުން ބުނީ ރޯވީ ފުވައްމުލަކު ބަނދަރުގައި އޮތް ފިއުލް ޓޭންކެއްގައި ކަމަށާއި އެ ހާދިސާގައި އަނިޔާވީ ބަންގްލަދޭޝް މީހަކަށް ކަމަށެވެ.

ނަމަވެސް މައުލޫމާތު ލިބިފައިވާ ގޮތުގައި އެ ހާދިސާގައި ދެ މީހަކަށް އަނިޔާވި އިރު އެކަކުގެ ހާލު ސީރިއަސް އެވެ.

އެމްއެންޑީއެފުން ބުނީ އެހާދިސާ ހިނގީ ގޭސްކަޓަރު ބޭނުންކޮށްގެން މަސައްކަތް ކުރަނިކޮށް ކަމަށެވެ. އެކަމަކު އެ ހާދިސާއާ ބެހޭ އިތުރު ތަފްސީލެއް އަދި ނުލިބެ އެވެ.