އަހަރެންގެ ހިޔާގެ މައުލޫމާތު ދިނުމަށް އެލައިޑުން ހުޅުމާލެ ފޭސް 2 ގަ ބޭއްވި ހަރަކާތް-- ފޮޓޯ އެލައިޑު
ހުޅުމާލޭ ދެ ވަނަ ފިޔަވަހީގައި އިމާރާތް ކޮށްފައިވާ ހިޔާ ފުލެޓުތައް ހިމެނޭ އުސް ޓަވަރު ތަކުގައި އަގުބޮޑެތި މުދަލާއި އެކު އެތައް ސަތޭކަ ބަޔަކު މިހާރު ވަނީ މި ފުލެޓު ތަކުގައި ދިރިއުޅެން ފަށައިފަ އެވެ. އެހެންކަމުން ކުރިމަގަށް މިއެޅި ބިންގަލައް ދުރާލާ ރައްކައުތެރިވެ ކުރިމަތިވެދާނެ ހާދިސާ އަކަށް ނުވަތަ ނުރައްކަލަކުން އަރައިގަނެވޭނެ ގޮތެއް ހޯދިފައި އޮތުމަކީ ނުހަނު ބޭނުންތެރިކަމެކެވެ.
އަޔާދީ ތަކާފުލްއިން ތަޢާރަފްކޮއްފައިވާ "އަހަރެންގެ ހިޔާ" މި ޕްލޭން އަކީ ހިޔާ ފްލެޓްތަކަށް ހާއްސަކޮށް ތައްޔާރު ކުރެވިފައިވާ ނުހަނު އަގުހުރި، އަދި ފަސޭހަ އިން ނެގޭނެ ރައްކާތެރިކަމުގެ ތަކާފުލް ޕްލޭން އެކެވެ. އެގޮތުން މި ޕްލޭންގެ ދަަށުން ފްލެޓްތަކަށް ބަދަލުވާ ފަރާތްތަކުން، ބޮޑު ހޭދައެއް ކުރައްވައިގެން ގެއަށް ހޯއްދަވާ ފަރުނީޗަރާއި ބަދިގޭ ކަރަންޓް ސާމާނު އަދި އެހެނިހެން އަގުހުރި މުދާ ވަރަށް ކުޑަ ހޭދައެއް ކުރައްވައިގެން ރައްކާތެރިކަން ހޯދިދާނެ އެވެ. މި ޕްލޭނުގައި ތިން ޕެކޭޖެއް ހިމެނެ އެވެ.
އަހަރެންގެ ހިޔާގެ ތިން ޕެކޭޖު:
• ބޭސިކް: އަހަރަކަށް 200ރ. އިން 150،000ރ. ގެ ރައްކާތެރިކަން
• އެކްސެލް: އަހަރަކަށް 300ރ. އިން 250،000ރ. ގެ ރައްކާތެރިކަން
• ޕްރިމިއަމް: އަހަރަކަށް 400ރ. އިން 350،000ރ. ގެ ރައްކާތެރިކަން
ބަދަލު ލިބޭނީ ކޮންކަހަލަ ގެއްލުމަކަށްކަން
1. އަލިފާން ރޯވެގެން، ގޮވައިގެން، ހޮނުއެޅައިގެން ނުވަތަ ބިންހެލުމުން ލިބޭ ގެއްލުން
2. ދުމުގެ އަސަރުކޮށްގެން ލިބޭ ގެއްލުން
3. ތޫފާން އަދި ފެންބޮޑުވެގެން ލިބޭ ގެއްލުން
4. ފެން ހޮޅިއެއް ފަޅައިގެން ގޮސްގެން ނުވަތަ އެއްޗަކުން ފެން ލީކުވެގެން ލިބޭ ގެއްލުން
5. ވައްކަމުން ލިބޭ ގެއްލުން
6. ގަސްދުގައި މީހަކު ދޭ ގެއްލުން
މިސާލެއްގެ ގޮތުން ބޭސިކް ޕެކޭޖު ނަންގަވާ ކަމުގައިވާނަމަ އަހަރަކަށް ދައްކަން ޖެހެނީ އެންމެ 200ރ. އެވެ. އެއް އަހަރު ދުވަހުގެ މިޕްލޭންގެ މުއްދަތުގެ ތެރޭގައި، މަތީގައި ފާހަގަ ކުރެވިފައިވާ ކަންކަމުން ކުރެ ކަމަކާއި ގުޅިގެން މިސާލަކަށް އޭ.ސީ.ތައް ހަލާކު ވެއްޖެ ނަމަ، 18،000ރ. އާއި ހަމައަށް އަދި ދޮންނަ މެޝިނެއް ނަމަ 8،000ރ. އާއި ހަމައަށް ގެއްލުމުގެ ބަދަލު ލިބިގެންދާނެ އެވެ.
"އަހަރެންގެ ހިޔާ" މިޕްލޭންގައި ބައިވެރިވެވޭނީ ހުޅުމާލެ ދެ ވަނަ ފިޔަވަހީގެ ހިޔާ ފްލެޓެއްގައި ދާއިމީކޮށް ދިރިއުޅޭ ކޮންމެ ފަރާތަކަށެވެ. މިގޮތުން މިޕްލޭންގައި ބައިވެރިވުމަށް އަޔާދީގެ އޮންލައިން ޕޯޓަލް ހިޔާރުކުރައްވާ!
Comment