2008ގެ ކާމިޔާބީ މޯހަން އަށް ހާއްސަވަނީ ކީއްވެ؟

"އަދަދު" ގެ ސާފް ޗެމްޕިއަންޝިޕް ކަވަރޭޖަށް މޯހަން ދިން ވީޑިއޯ އިންޓަވިއު.

"އަދަދު" ގެ ސާފް ޗެމްޕިއަންޝިޕް ކަވަރޭޖަށް މޯހަން ދިން ވީޑިއޯ އިންޓަވިއު.

އިންޑިއާގެ މެޑްރާހުގައި 1995 ވަނަ އަހަރު ބޭއްވި ސާފް ގޭމްސްގައި ވާދަކުރި ގައުމީ ފުޓްބޯޅަ ޓީމުގެ އެސިސްޓަންޓް ކޯޗުކަން، ދުވަހަކު ވެސް ފުޓްބޯޅަ ކުޅެފައިނުވާ މުހައްމަދު ޝިޔާޒް (މޯހަން) އަށް ލިބުންވީ، ފުޓްބޯޅަ އާއިލާގެ ބައެއް މީހުންނަށް ގަބޫލުކުރަން ދަތިވި ކަމަކަށެވެ. ޕްރޮފެޝަނަލް ފެންވަރުގައި ފުޓްބޯޅަ ނުކުޅެ، ޓެކްނިކަލް މާސްޓާމައިންޑުންނަށްވެ މިއަދު ދުނިޔޭގެ ފުޓްބޯޅައިގެ އެތައް ކޯޗުންނެއް ކާމިޔާބު ހޯދާފައިވީ ނަމަވެސް މާބޮޑު ހޭލުންތެރިކަމެއް އޭރު ނެތް ރާއްޖޭގެ މާހައުލަށް އެކަން ފެނަށް ދިރޭގޮތެއް ނުވި އެވެ.

އެކަމަކު އޭނާގެ އެސިސްޓަންޓް ކޯޗުކަމުގައި ރާއްޖޭން 1997 ވަނަ އަހަރު ނޭޕާލުގެ ވެރިރަށް ކަތުމަންޑޫގައި އޮތް ސާފް ޗެމްޕިއަންޝިޕުގެ ދެ ވަނަ ހޯދި އެވެ. އެހެންވިޔަސް އޭގެ ދެ އަހަރު ފަހުން ކަތުމަންޑޫގައި އޮތް ސާފް ގޭމްސް ވެގެންދިޔައީ އެފަދަ އެތައް ބަޔަކަށް މޯހަންއާ ދެކޮޅަށް ހަތިޔާރު ނަގަން ލިބުނު ފުރުސަތަކަށެވެ. އެ މުބާރާތުގެ މެޗެއްގައި ރެފްރީ ރާއްޖެއާ ދެކޮޅަށް ނިންމުންތަކެއް ނިންމުމުން އެކަމާ ދެކޮޅަށް މޯހަން ހަޅުތާލުކުރުން ވެގެންދިޔައީ މޯހަން އަށް ފާޑުކިޔުން އޮއްސާލި ސަބަބަކަށެވެ. އަދި އެކަމާ ގުޅިގެން ފުޓްބޯޅައިން އޭނާ ޒާތަކަށް ސަސްޕެންޑްކޮށް ބާކީކުރި އެވެ.

އޭނާ އަށް އަލުން ގައުމީ ޓީމުން ފުރުސަތެއް ލިބުނީ 2007 ވަނަ އަހަރު އެވެ. އޭރު ރާއްޖެ އައީ ޖެހިގެން އައި އަހަރު އޮންނަ ސާފް ޗެމްޕިއަންޝިޕަށް ތައްޔާރުވަމުންނެވެ. ހުންގާނުގައި ހުރީ 2003 ވަނަ އަހަރުގެ ސާފް ޗެމްޕިއަންޝިޕުގެ ފައިނަލަށް ރާއްޖެ ގެންގޮސްދިން ސްލޮވާކިއާގެ ޔޯސެފް ޔަންކޭ އެވެ. މޯހަންއާ އެކު އެސިސްޓަންޓް ކޯޗަކަށް ހުރީ އޭނާގެ ގާތް އެކުވެރިޔާ އިހުސާން އަބްދުލްގަނީ (ސާންތީ) އެވެ.

މި ފަހަރު ވެސް ފާޑުކިޔުންތައް އޮހެން ފެށި އެވެ. މޯހަން އާއި ސާންތީއާ ދެކޮޅަށް އަޑުތައް އުފުލެން ފެށި އެވެ. ކޯޗިން ސްޓާފުން ބަދަލުކުރަން ޕެޓިޝަނެއް ވެސް ހިންގަން އުޅުނެވެ. އެ ހުރިހާ ކަމެއްގެ ތެރެއިން ކުޅުންތެރިންގެ މެދުގައި ވެސް މައްސަލަތައް ޖެހުނެވެ. ޓީމު ބައިބައިވި އެވެ. ދުވަހަކު ގައުމީ ޓީމުގެ ތެރޭގައި ރޯނުވާ ވަރަށް ނަފުރަތުގެ ހުޅު ރޯވި އެވެ. އެކަމަކު އެ ހުރިހާ ކަމެއް ގިރާކޮށް، ގައުމީ ޓީމުން 2008 ވަނަ އަހަރު ސާފް ޗެމްޕިއަންޝިޕް ކާމިޔާބުކުރި އެވެ.

ފުޓްބޯޅައިގެ ހަނދާން މޯހަންގެ ސިކުނޑީގައި ކޮއްޓާލާ ކޮންމެ ފަހަރަކު، އޭނާގެ ހިތަށް 2008 ގެ ކާމިޔާބީ ވަދެގެންދަނީ އެ ސަބަބާ ހެދި އެވެ. އެ ދުވަހުގެ އިހުސާސްތައް ކިޔައިދޭން އެދުމުން، އެއީ ބަޔާންކުރަން އުނދަގޫ އިހުސާސްތަކެއް ކަމަށް ބުނެ އޭނާ ޖަވާބުދިނީ ވެސް އެހެންވެ އެވެ. އެ ވާހަކަ ދައްކަން ފަށާ ކޮންމެ ފަހަކު އޭނާގެ ގައިން ހީބިހި ނަގަނީ ވެސް އެހެންވެ އެވެ.

"އަޅުގަނޑުމެން 2007 ގެ ފަހުކޮޅުން ފެށިގެން ގައުމީ ޓީމާ އެކީގައި އެ މަސައްކަތްކުރިއިރު ގައުމީ ޓީމުގެ ތެރޭގައި އެ ދިމާވި ކަންތައްތަކާއި އުޅެން ޖެހުނު އުނދަގޫ ތަކުލީފުތައް....އެ ހުރިހާ އުނދަގުލެއްގެ އަދި ތަކުލީފެއްގެ ފޮނިމީރުކަން ލިބިގެން ދިޔައީ ލަންކާގެ ސުގަތަދާސަ ސްޓޭޑިއަމުގައި ކުޅުނު ފައިނަލް މެޗުް މޮޅުވެ ތަށި ލިބުނު ހިސާބުން،" "އަދަދު" ގެ ސާފް ޗެމްޕިއަންޝިޕް ކަވަރޭޖަށް މޯހަން ދިން ވީޑިއޯ އިންޓަވިއުގައި މޯހަން ބުންޏެވެ.

އެ ފަހަރު މޯހަންމެނަށް ލިބިފައި އޮތީ ރާއްޖޭގެ ރަން ޖީލުގެ ކުޅުންތެރިން ކަމަށް ވަރަށް ގިނަ ބަޔަކު ބުނެ އެވެ. ގޯލްކީޕަރު އިމްރާން މުހައްމަދު ފެށިގެން ޑިފެންޑަރުން ކަމަށްވާ އައްސަދު އަބްދުލްގަނީ އާއި ސޮބާހު މުހައްމަދާއި މުހައްމަދު ޖަމީލު އަދި މެދުތެރެއިން އިބްރާހިމް ފަޒީލް (އޮއްޕޮ) އާއި އެންމެ ކުރިން އަލީ އަޝްފާގް (ދަގަނޑޭ) އާއި އަލީ އުމަރާއި އަހުމަދު ތޯރިގް (ޓޮމް) އަށް ބަލާއިރު އެއީ ރާއްޖޭގައި އުފެދުނު އެންމެ މޮޅު ކުޅުންތެރިންގެ ތެރޭގައި ހިމެނޭ ކުޅުންތެރިންނެވެ.

އެކަމަކު މޯހަން ބުނީ އެއީ ރަން ޖީލު ކަމަށް މުޅިއަކުން އެއްބަސްނުވާނެ ކަމަށާއި އެހެންވިޔަސް އެއީ ވަރަށް ބޮޑަށް ކާމިޔާބަށް ފެންބޮވައިގެންފައި ތިބި ކުޅުންތެރިންތަކެއް ކަމަށެވެ. ފުރަތަމަ އެގާރައިގެ އިތުރުން ސްކޮޑުގައި ހިމެނޭ 20 ކުޅުންތެރިން ވެސް ކުޅުނީ އެގޮތުގައި ކަމަށް މޯހަން ބުންޏެވެ.

"ހާއްސަކޮށް ފާހަގަކުރަން ޓީމުގެ ތެރޭގައި އޮތް ބައިބައިވުންތައް ކޭމްޕް ތެރެއިން ހައްލުކޮށް އެންމެން އެއް ގަލަކަށްއަރާ، ތަށި ހޯދަން ބޭނުންވެގެން އެ ކުރި މަސައްކަތް ވަރަށް ރަނގަޅަށް ފެނިގެން ދިޔަ. އެ ޖޯޝާ އެކު ކުޅެ މުބާރާތް ކާމިޔާބުކުރީ،" ނިއު ރޭޑިއަންޓަށް މެޗަކުން ބަލިނުވެ 2012 ވަނަ އަހަރުގެ ދިރާގު ދިވެހި ޕްރިމިއާ ލީގު ކާމިޔާބުކޮށްދިން ކޯޗު މޯހަން ބުންޏެވެ.

އެ މުބާރާތް ހާއްސަވާ އަނެއް ސަބަބަކީ، ދިވެހި ފުޓްބޯޅައާ ކާމިޔާބީއާ ދެމެދަށް އާއްމުކޮށް ވަންނަ އިންޑިއާގެ މައްޗަށް އެ ފަހަރު ރާއްޖެ ކުރި ހޯދައިގެން ތަށި ހޯދުމެވެ. ފައިނަލުން އިންޑިއާ އަތުން 1-0 އިން ރާއްޖެ މޮޅުވީ ހަމަ އެ ނަތީޖާ އިން ގްރޫޕް ސްޓޭޖުގައި އިންޑިއާ އަތުން ބަލިވި ބަލިވުން އަނބުރާލުމަށް ފަހު އެވެ. މޯހަން ބުނީ، މުބާރާތުގެ ކޮންމެވެސް ހިސާބަކުން އިންޑިއާއާ ވާދަކުރަން ޖެހޭނެ ކަމަށް ބަލައި އެކަމަށް ވަރަށް ބޮޑަށް ތައްޔާރުވި ކަމަށެވެ.

"އަޅުގަނޑުމެން އިންޑިއާ އަތުން ބަލިވެފައި ހުރީ ސެޓްޕްލޭތަކުން ވަންނަ ލަނޑުތަކުން. އެކަމަށް ވަރަށް ބޮޑަށް ތައްޔާރުވިން. ކޮންމެ ދެ ދުވަހަކުން އެއް ދުވަހު ދޮޅުގަޑިއިރު ވަރު ސެޓްޕްލޭގައި ޑިފެންސް ކުރަން ތައްޔާރުވިން. އެވަރުން ވެސް ގްރޫޕް ސްޓޭޖުގައި އިންޑިއާ އަތުން ބަލިވީ އެއްލުމަކުން އައި ބޯޅައަކުން. މާކްކުރަން ބުނި ކުޅުންތެރިޔާ މާކްނުކުރެވި، ކޮންސެންޓްރޭޝަން ގެއްލިގެން ވީ ކަމެއް އެއީ،" މޯހަން ބުންޏެވެ.

ކަންދިމާކުރި ގޮތުން ރާއްޖެ ފައިނަލުގައި އިންޑިއާ ކޮޅަށް ލަނޑު ޖެހީ ސެޓްޕްލޭއަކުން އުފެއްދި ހަމަލައެއްގަ އެވެ. މުޚުތާރު ނަސީރު (ޓޫކިލޯ) ވައްދާލި އެ ގޯލުގެ އިތުރުން ވެސް ރާއްޖޭން މުބާރާތުގައި ވަރަށް ހިތްގައިމު ގޯލްތަކެއް ޖެހި އެވެ. ނޭޕާލް ކޮޅަށް އިސްމާއިލް މުހައްމަދު (އިއްސޭ) ޖެހި ދެ ގޯލާއި ސެމީ ފައިނަލުގައި ސްރީ ލަންކާ ކޮޅަށް އިބްރާހިމް ފަޒީލް (އޮއްޕޮ) ޖެހި ގޯލް ފާހަގަކުރެވެ އެވެ. އެކަމަކު މޯހަންގެ ހިތުގައި އެންމެ ބޮޑަށް ހަރުލާފައި ވަނީ ފުރަތަމަ މެޗުގައި ޕާކިސްތާން ކޮޅަށް މުހައްމަދު ސިފާން (ކުޑައްޓޭ) ޖެހި ގޯލެވެ.

"ފެށުން ރަނގަޅުވުން އެންމެ ބޮޑު ހިތްހަމަޖެހުމަކަށްވާނީ. ކުޑައްޓޭ އެ ޖެހި ގޯލު، އެއީ މާ މޮޅު ގޯލެއް ނޫން. ކޯނަރަކުން ވެއްޓުނު ބޯޅައެއް ކުޑައްޓޭ ވެއްޓިގެން ބޫޓުގެ ކޮޅުން ވައްދާލި ގޯލެއް އެއީ. އެކަމަކު އެ ގޯލަކީ ކުރިއަށްދާން ލިބުނު ވަރަށް ބޮޑު ހިތްވަރެއް. އެ ގޯލް ވަރަށް ފާހަގަކުރެވޭ،" މޯހަން ބުންޏެވެ.

އެ ކާމިޔާބީގެ ވާހަކަދައްކާއިރު މޯހަން އެންމެ ބޮޑަށް ފާހަގަކުރަން ބޭނުންވަނީ އެ ފަހަރު ކުޅިބަލާ މީހުންގެ ފަރާތުން އެ ލިބުނު ސަޕޯޓެވެ. އެ ފަހަރު ރާއްޖެ ކުޅުނު ކޮންމެ މެޗަކަށް، ގަލޮޅު ދަނޑަށް، ރަތް ހެދުމުގައި ބާރަ ހާހެއްހާ ސަޕޯޓަރުން ވަދެ ފުރިހަމަ ތަރުހީބެއް ދިނެވެ. އަދި ލަންކާގައި ކުޅުނު ސެމީ ފައިނަލާއި ފައިނަލަށް އެ ގައުމުގައި ދިރިއުޅޭ ދިވެހިންނާއި ރާއްޖޭން ދިޔަ ދިވެހިން ވަދެ އެހާމެ ފުރިހަމަ ސަޕޯޓެއް ދިނެވެ.

"ތެދަށް ދަންނަވަންޏާ އެ ދިމާވި ކަންތައްތަކުގައި ތެރޭގައި އެންމެ ބޮޑު ހިތްވަރަކަށްވީ ހަމައެކަނި ސަޕޯޓަރުންނާއި އެފްއޭއެމްގެ މުވައްޒަފުން. އެ ފަހަރު ފުޓްބޯޅަ ކޮމިއުނިޓީގެ މާބޮޑު އެހީއެއް ނުލިބެޔޭ ބުންޏަސް ދޮގަކަށް ނުވާނެ. އަޅުގަނޑުމެންނަށް ދިން ސަޕޯޓަށް ދިވެހި ހުރިހާ ރައްޔިތުންނަށް ޝުކުރުއަދާކުރަން ބޭނުން ކުރި ސަޕޯޓަށް،" މޯހަން ބުންޏެވެ.

އޭގެ ފަހުން 2018 ވަނަ އަހަރު ވެސް ރާއްޖޭން ވަނީ ސާފް ޗެމްޕިއަންޝިޕް ކާމިޔާބުކޮށްފަ އެވެ. އަންނަ މަހުގެ 1 ވަނަ ދުވަހު އަމިއްލަ ގައުމުގައި، ރާއްޖެ މި ނުކުންނަނީ ޖެހިޖެހިގެން ދެ ވަނަ ފަހަރަށް އަދި ޖުމްލަ ތިން ވަނަ ފަހަރަށް ތަށި ނަގާށެވެ. މޯހަން ބުނީ އެކަން ކާމިޔާބުވާނެ ކަމުގެ ފުރިހަމަ އިތުބާރު އެބައޮތް ކަމަށެވެ. މި ފަހަރު ޓީމުގައި މޯހަންގެ ރަސްމީ ދައުރެއް ނެތަސް، ރާއްޖޭން ކާމިޔާބު ހޯދައިފި ނަމަ އެއީ އޭނާ އަށް ބޮޑު އުފަލަކަށްވާނެ އެވެ. އެއީ 2008 ގެ ކާމިޔާބީއާ އެކު، އެ މުބާރާތަށް އޭނާގެ ހިތުން ހާއްސަ ޖާގައެއް ދީފައިވާތީ އެވެ. އެ މުބާރާތުގެ ކާމިޔާބީ އަކީ އޭނާއާ ދެކޮޅަށް އުފުލި އަޑުތަކަށް ދެވުނު ވަރަށް ރަނގަޅު ޖަވާބެކެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox