މިއަދު މަޖިލީހަށް ވަޑައިގެން އާންމު ރައްޔިތުންނަށް ސައީދު ކުރެއްވީ މަލާމާތް: މީކާއިލް

މީކައިލް އަހްމަދު ނަސީމް

މީކައިލް އަހްމަދު ނަސީމް

އިކޮނޮމިކް މިނިސްޓަރު މުހައްމަދު ސައީދުގެ އިތުބާރު ނެތްކަމުގެ މައްސަލައަށް ޖަވާބުދާރީވާން އޭނާ މަޖިލީހަށް ވަޑައިގެން އާންމު ރައްޔިތުންނަށް ކުރެއްވީ މަލާމަތް ކަމަށް ގަލޮޅު ދެކުނު ދާއިރާގެ މެންބަރު މީކައިލް އަހަމަދު ނަސީމް ވިދާޅުވެއްޖެ އެވެ.

މިއަދު މަޖިލީހަށް ފަހު އިދިކޮޅު އެމްޑީޕީން ބޭއްވި ކުއްލި ބައްދަލުވުމުގައި ވާހަކަ ދައްކަވަމުން މީކާއިލް ވިދާޅުވީ, މިނިސްޓަރު ސައީދުގެ އިތުބާރު ނެތްކަމަށް ހުށަހެޅި ގަރާރަކީ ހަމައެކަނި މިނިސްޓަރާ ގުޅޭ މައްސަލަ އެއް ނޫން ކަމަށާއި, މިކަހަލަ ހައްސާސް މައްސަލަތަކުގައި މަޖިލީހަށް ލެވޭ ގަރާރުތަކަކީ ސީދާ އާންމު ރައްޔިތުންނާ ގުޅުންހުރި ކަންކަން ކަމަށެވެ.

"އާންމު ރައްޔިތުންނަށް ދިމާވެފައިވާ ހާލަތައް ރިއާޔަތްކޮށް, އެމްޑީޕީން ހުށަހެޅި ނޯ ކޮންފިޑެންސް އަށް ޖަވާބު ދެއްވުމުގެ ބަދަލުގައި މި ފެނުނީ ރައްޔިތުންނަށް މަލާމަތް ކުރެއްވި ތަން. ބޭންކް އޮފް މޯލްޑިވްސް އިން ކޮންމެ އަހަރަކު އެއްފަހަރު ދޫކުރާ ޑޮލަރު ގެ އަދަދު ވިދާޅުވުމުގެ ގޮތުން, އެހެންނަމަވެސް ވިދާޅެއް ނުވެވޭ އަޅުގަނޑުމެންގެ އަމިއްލަ އެކައުންޓްގައި ހުރި ޑޮލަރުގެ ޓީޓީ އެއް ހެދީމައި ރިއަލައިޒް އެއް ނުވޭ ދެ ހަފްތާވާއިރު،" މީކާއީލް ވިދާޅުވި އެވެ. 

Advertisement

މި މައްސަލައިގެ ސަބަބުން ގައުމުގެ އިގުތިސާދުގެ ހާލަތު ދަށަށް ގޮސްފައިވާ މިންވަރު އެންގެން އެބަ އޮތް ކަމަށާއި, މިއަދު އިކޮނޮމިކް މިނިސްޓަރާއި, ޕީއެންސީގެ މެންބަރުން ރައްޔިތުންނަށް ކުރެއްވީ މަލާމަތް ކަމަށް މީކައިލް ވިދަޅުވެފައިވެ އެވެ.

މީކައިލް އިތުރަށް ވިދާޅުވީ, ސުޕްރީމް ކޯޓާ ގުޅުވައިގެން ހުށަހެޅުނު ގަރާރު ބޭރުކޮށްލީ ބޭރުގެ މަހުޖަނެއްގެ ނުފޫޒުން ކަމަށާއި ރަސްމާލެއާ ގުޅުންހުރި އަމުރަކަށް ސުޕްރީމް ކޯޓުގައި އެދިފައި އޮއްވައި، އެ ކޯޓާ ގުޅޭ ގަރާރުތައް ބޭރުކޮށް، އުއްތަމަ ފަނޑިޔާރުގެ މުސާރަ ބޮޑެއް ނުކުރެވޭނެ ކަމަށެވެ.

"ސުޕްރީމް ކޯޓަށް އެބަ އޮތް މިއަދު ރަސްމާލެ އާ ގުޅުން އޮތް އިންޖަކްޝަން އަކަށް އެދިފައި. އެ މައްސަލަ ހިންގަ ހިންގަ އޮއްވައި ހަގީގަތުގައި ސުޕްރީމް ކޯޓާއި ގުޅޭ ގަރާރު ބޭރެއް ނުކުރެވޭނެ. އުއްތަމަ ފަނޑިޔާރުގެ މުސާރަ ބޮޑެއް ނުކުރެވޭނެ. މިއީ ހަމަ ސީދާ ރިޝްވަތު. ސީދާ ނުފޫޒު،" މީކާއިލް ވިދާޅުވިއެވެ.

މީގެ އިތުރުން މި ނުރައްކާތެރި ނިންމުންތަކާ ދެކޮޅަށް ދިވެހި ރައްޔިތުން ނޮވެމްބަރު 6، ވަނަ ދުވަހު ބާއްވާ ބޮޑު އެއްވުމަށް ނުކުމެ އިހުތިޖާޖު ކުރަންޖެހޭ ކަމަށް މީކާއިލް ވިދާޅުވި އެވެ. އަދި އިހުތިޖާޖަކުން ނޫނީ ރައީސް މުއިއްޒު ބައްޔެއް ނުކުރެވޭނެ ކަމަށާއި، މިފަދަ ގޮތަކަށް މަޖިލީހުގައި އަމަލުކުރައްވާފައި  އަންނަ ފެބުރުއަރީ މަހު ރިޔާސީ ބަޔާން އިއްވޭނެ ކަމަށް ރައީސް ހީފުޅުކުރައްވައިގެން ނުވާނެ ކަމަށް މީކައިލް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލެ މަޝްރޫއު ކުރިއަށްނުގެންދަން އަދާލަތުން އެދިއްޖެ

ރަސްމާލެ މަޝްރޫއުގެ ދަށުން ބޭރު މީހުންނަށް ދިގު މުއްދަތަކަށް ދިރިއުޅެވޭނެ ވަކި ސަރަހައްދުތަކެއް އުފެދޭތީ، އެކަމުގެ ސަބަބުން ރާއްޖޭގެ ދީނީ އެއްބައިވަންތަކަމާއި ސަލާމަތަށް ނުރައްކާވެދާނެ ކަމަށް ބުނެ އަދާލަތު ޕާޓީން ކަންބޮޑުވުން ފާޅުކޮށްފިއެވެ. އެ ޕާޓީން ސަރުކާރަށް އިލްތިމާސްކުރީ ބޭރު މީހުން ވަޒަންވެރިވާ ގޮތަށް މަޝްރޫއު ކުރިއަށް ނުގެންގޮސް، އޭގެ ބަދަލުގައި ހޮލިޑޭ ހޯމްސް ފަދަ ވަސީލަތްތައް ތަރައްޤީކުރުމަށެވެ.

ރިސޯޓުތައް އޮޑިޓް ކުރަން ޖެހޭ ކަމަށް ގަވަރުނަރު ވިދާޅުވެއްޖެ

ރާއްޖޭގައި ހިންގާ 150 ރިސޯޓުގެ ތެރެއިން އިންކަމް ޓެކްސް ދައްކަނީ އެންމެ 50 ރިސޯޓުން ކަމަށްވާތީ، އެ ތަންތަނުގެ ހިސާބުތައް މީރާއިން އޮޑިޓްކުރަން ޖެހޭ ކަމަށް ގަވަރުނަރު ވިދާޅުވި. އަދި ބޭންކިން ސިސްޓަމަށް ވަންނަންޖެހޭ ޑޮލަރު އިތުރުކުރުމަށްޓަކައި އަންނަ އަހަރު މޮނިޓަރިން ވަރުގަދަކޮށް، ބައެއް އުސޫލުތައް ހަރުކަށި ކުރާނެ ކަމަށް ގަވަރުނަރު ފާހަގަކުރެއްވި.

ޑޮލަރުގެ އަގު މިއަދު ހުރީ 23.55ރ. އަށް ކަމަށް ސަލީމް ވިދާޅުވެއްޖެ

ރާއްޖޭގެ ކަޅުބާޒާރުގައި ޑޮލަރުގެ އަގު މިހާރު ހުރީ 23.55ރ. އަށް ކަމަށް މަޖިލީހުގެ ނައިބުރައީސް ސަލީމް ވިދާޅުވި. މިއީ އިއްޔެއާ އަޅާބަލާއިރު ބޮޑު އަދަދެއް ނަމަވެސް، މީގެ ކުރިން ޑޮލަރުގެ އަގު 23.70ރ. އަށް އުފުލުނު ކަމަށް އޭނާ ފާހަގަކުރެއްވި.

2027 ގެ ބަޖެޓަކީ ގައުމު ލޫޓުވައިލަން ހުށަހެޅި ސްކޭމެއް: އަމީން

އަންނަ އަހަރަށް ލަފާކޮށް ސަރުކާރުން ހުށަހެޅި ބަޖެޓަކީ ރައްޔިތުންނަށް އޮޅުވާލައި ގައުމު ލޫޓުވާލުމަށް ހިންގާ ބޮޑު "ސްކޭމެއް" ކަމަށް މެންބަރު އަމީން ވަނީ ތުހުމަތު ކުރައްވާފައި. އޭނާ ވިދާޅުވީ ބަޖެޓުގައި މަޝްރޫއުތަކުގެ ތަފްސީލު ނެތުމާއި، ސަރުކާރުން ވެފައިވާ ވައުދުތައް ފުދެމުން ނުދިއުމަކީ ރައްޔިތުންނަށް ވާ ފައިދާއެއް ނެތް ކަމެއްގެ ހެއްކެއް ކަމަށް.

ބޮޑު އަގުގައި ތަކެތި ގަތް މައްސަލަ: މުވައްޒަފުންނަށް ދައުވާކުރަނީ

އައްޑޫ އިކުއަޓޯރިއަލް ހޮސްޕިޓަލަށް ބޭނުންވާ ތަކެތި މާކެޓް އަގަށް ވުރެ ބޮޑު އަގުގައި ގަނެ ދައުލަތަށް މާލީ ގެއްލުން ދިން މައްސަލައިގައި، އެ ހޮސްޕިޓަލުގެ ހަތަރު މުވައްޒަފަކަށް ދައުވާކުރަން އޭސީސީން ވަނީ ނިންމާފައި. މީގެ ތެރޭގައި އޭއީއެޗްގެ ޕްރޮކިއުމަންޓް ހެޑާއި ބިޑް ކޮމިޓީގެ ތިން މުވައްޒަފަކު ހިމެނޭ.

ތަރައްގީގެ 22 މަޝްރޫއެއް ހިންގަން އެމްޓީސީސީއާ ހަވާލުކޮށްފި

ރާއްޖޭގެ އެކި ރަށްރަށުގައި މަގުހެދުމާއި، ބަނދަރު ތަރައްގީކުރުމާއި، ގޮނޑުދޮށް ހިމާޔަތްކުރުން ހިމެނޭހެން ތަރައްގީގެ 22 މަޝްރޫއެއް ހިންގުމަށް އެމްޓީސީސީއާ މިއަދު ވަނީ ހަވާލުކޮށްފައި. އޭގެ ތެރޭގައި ފުވައްމުލައް ސިޓީގައި އޮފީސް ކޮމްޕްލެކްސްއެއް އެޅުންވެސް ހިމެނޭއިރު، މީގެ ކުރިން އެ ކުންފުންޏާ ހަވާލުކުރި ގިނަ މަޝްރޫއުތަކެއް ހުއްޓިފައިވާކަން ފާހަގަކުރެވޭ.

"އިންވޮސްއަށް މަކަރުހަދާތީ ދައުލަތަށް ބޮޑެތި ގެއްލުންތަކެއް ލިބޭ"

މުދާ އެތެރެކުރާއިރު އިންވޮއިސްތަކުގެ އަސްލު އަގަށް މަކަރު ހަދައިގެން (އަންޑަ އިންވޮއިސް ކޮށްގެން) ދައުލަތަށް ލިބެންޖެހޭ އާމްދަނީން އަހަރަކު 2.5 ބިލިއަން ރުފިޔާ ގެއްލޭ ކަމަށް މަޖިލީހުގެ ނައިބު ރައީސް އަހުމަދު ސަލީމް ވިދާޅުވެއްޖެއެވެ. އޭނާ ފާހަގަކުރެއްވި ގޮތުގައި ކަސްޓަމްސްއަށް ލިބެންޖެހޭ ޑިއުޓީގެ ގާތްގަނޑަކަށް ދެބައިކުޅަ އެއްބައި މި މަކަރުވެރި އަމަލުތަކުގެ ސަބަބުން ދައުލަތަށް ނުލިބި ގެއްލިގެންދެއެވެ.

Newsletter

Get the latest news delivered straight to your inbox