ވެރިކަން ކުރަން މުއިއްޒު ކުފޫ ހަމަނުވޭ، ގެޔަށް ކަނޑާލާ: ޔާމީން

ޕީއެންއެފްގެ ޖަލްސާއެއްގައި ޔާމީން ވާހަކަ ދައްކަވަނީ

ޕީއެންއެފްގެ ޖަލްސާއެއްގައި ޔާމީން ވާހަކަ ދައްކަވަނީ

ރައީށް މުހައްމަދު މުއިއްޒު ވެރިކަން ކުރައްވަން ތަސައްރަފު ނުފުދޭ ކަމަށާއި، އިސްލާމީ ދައުލަތެއްގައި ވެރިކަން ކުރަން އެމަނިކުފާނު ކުފޫ ހަމަނުވާ ކަމަށް ވިދާޅުވެ، ރައީސް މުއިއްޒު މަގާމުން އިސްތިއުފާ ދެއްވުމަށް ކުރީގެ ރައީސް އަބްދުﷲ ޔާމީން ގޮވާލައްވައިފި އެވެ.

ޕީޕަލްސް ނެޝަނަލް ފްރަންޓް (ޕީއެންއެފް) އިން ރޭ ބޭއްވި ޖަލްސާއެއްގައި، ރާއްޖޭގެ ބިންތައް ބޭރުގެ ޣައިރު މުސްލިމުންނަށް ދެމުންދާ ކަމަށް ތުހުމަތުކުރައްވައި ޔާމީން ވަނީ ވަރަށް ބޮޑަށް ފާޑުވިދާޅުވެފަ އެވެ.

"މުއިއްޒު ވެރިކަން ކުރާކަށް ތަސައްރަފެއް ނުފުދޭ. ގެޔަށް ކަނޑާލާށޭ، ގެޔަށް ދާށޭ، ގެޔަށް ދާށޭ. އެއީ މީގެ ކުރިއަކުންނެއް އަޅުގަނޑުމެންނަކަށް އެއްވެސް ވެރިއަކު ނުފެނޭ މި ގޮތަކަށް ބިން ބޭރު ބަޔަކު ވަޒަންވެރިކުރާކަށް ދިން ތަނެއް އަދި މި ދެނީ ޣައިރު މުސްލިމުންނަށް، ޔަހޫދީންނަށް މި ދެނީ އިނގޭތޯ،" ޔާމީން ވިދާޅުވި އެވެ. 

މުއިއްޒަކީ މާއްދިއްޔަތަށް ގެއްލި ހުސްވެފައިވާ ބޭފުޅެއް ކަމަށް ސިފަކުރައްވައި، ކުރީގެ އުއްތަމަ ފަނޑިޔާރު އަހުމަދު އަބްދުﷲ ދީދީއާ ހަވާލާދެއްވައި ޔާމީން ވިދާޅުވީ މި ސަރުކާރަކީ އިސްލާމީ ސިފަހުރި ވެރިކަމެއް ނޫން ކަމަށާއި މިއީ މުޅިން "ސެކިއުލާ" ވެރިކަމެއް ކަމަށެވެ.

ބީލަމަކަށް ނުލައި ރަސްމާލެއިން 500 ހެކްޓަރުގެ ދިނުމަށް މުއިއްޒު ނިންމާފައިވަނީ ޔަހޫދީންގެ ވާގިވެރިޔާ ޔޫއޭއީއަށް އުފަން އަލައްބާރުގެ ކުންފުނި، އީގަލް ހިލްސްއަށެވެ. 

އެއްބަސްވުމުގައި ސޮއިކޮށްފި ނަމަ މުއިއްޒު އަށް ރާއްޖޭގެ ވެރިކަމުގައި ނުހުންނެވޭނެ ކަމަށާއި ރާއްޖޭން ބޭރަށް ވަޑައިގެން ވެސް ފިއްލަވާ ނޯއްވެވޭނެ ކަމުގެ އިންޒާރު ޔާމީން ދެއްވި އެވެ. 

ރަސްމާލެ ދިނުމުގެ ކޮމާޝަލް ޓާމްސްގައި ސޮއިކުރީ ސެޕްޓެމްބަރު 21 ގަ އެވެ. މި މުއާމަލާތުގެ އަސްލު އެއްބަސްވުމުގައި ނޮވެމްބަރު 17 ގެ ކުރިން ސަރުކާރުން ސޮއިކުރަން ތައްޔާރުވެފައިވާ ކަމަށް ވަނީ މައުލޫމާތު ލިބިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox