ވޯލް ސްޓްރީޓް ޖާނަލްއާ ދެކޮޅަށް ޓްރަމްޕް ހުށަހެޅުއްވި ދައުވާ ބޭރުކޮށްލައިފި

Nov 2, 2026, 7:00 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

އެމެރިކާގެ ރައީސް ޑޮނަލްޑް ޓްރަމްޕް، ދަ ވޯލް ސްޓްރީޓް ޖާނަލްއާ ދެކޮޅަށް ހުށަހެޅުއްވި 10 ބިލިއަން ޑޮލަރުގެ އަބުރުގެ ދައުވާ، އެއީ އެއްވެސް އަސާސެއް ނެތް ކަމެއް ކަމަށް ކަނޑައަޅައި ކޯޓުން ބޭރުކޮށްލައިފި އެވެ.

ޓްރަމްޕް މި ދައުވާ އެ ނޫހުގެ މައި ކުންފުނި ކަމަށްވާ ޑޯ ޖޯންސް އާއި އޭގެ ވެރިޔާ ރޫޕަޓް މާޑޮކްއާ ދެކޮޅަށް ހުށަހެޅުއްވީ މިދިޔަ އަހަރު އެވެ. އެއީ ޖިންސީ ކުށްވެރިއެއްގެ ގޮތުގައި ފާހަގަކުރެވުނު ޖެފްރީ އެޕްސްޓީންގެ މައްޗަށް ޖިންސީ ކުށުގެ ދައުވާތައް އުފުލުމުގެ ކުރިން، 2003 ވަނަ އަހަރު އޭނާގެ އުފަންދުވަހުގެ ހަދިޔާއެއްގެ ގޮތުގައި ތައްޔާރުކުރި ފޮތެއްގައި ޓްރަމްޕް ލިޔުއްވި ކަމަށް ބުނާ ސިޓީއަކާ ގުޅޭ ރިޕޯޓެއް އެ ނޫހުން ޝާއިއުކުރުމާ ގުޅިގެންނެވެ.

އަންހެނެއްގެ ހަށިގަނޑުގެ ކުރެހުމަކާއި ނޭދެވޭ މާނަ ދޭހަވާ ފަދަ ބަސްތަކެއް ހިމެނޭ އެ ސިޓީއަކީ އޭނާ ލިޔުއްވި ނުވަތަ ސޮއިކުރެއްވި އެއްޗެއް ނޫން ކަމަށް ވިދާޅުވެ ޓްރަމްޕް ވަނީ އެކަން ދޮގުކުރައްވާފަ އެވެ.

Advertisement

ފަނޑިޔާރު ޑެރިން ގޭލްސް މި މައްސަލަ ބޭރުކޮށްލެއްވީ، ނޫސްވެރިކަމުގެ މިނިވަންކަން ކަށަވަރުކޮށްދޭ އެމެރިކާގެ ގާނޫނުއަސާސީގެ ފުރަތަމަ އިސްލާހާ މި ދައުވާ ފުށުއަރާ ކަމަށް ނިންމެވުމަށް ފަހު އެވެ.

މީގެ ކުރިން ވެސް 20 ބިލިއަން ޑޮލަރުގެ ބަދަލު ހޯދުމަށް ޓްރަމްޕް ހުށަހެޅުއްވި އަބުރުގެ ދައުވާ ގޭލްސް ވަނީ ބޭރުކޮށްލައްވާފަ އެވެ. އޭގެ ފަހުން ޓްރަމްޕްގެ ގާނޫނީ ޓީމުން 10 ބިލިއަން ޑޮލަރުގެ ބަދަލު ހޯދުމަށް އަލުން މައްސަލަ ހުށަހެޅުމުން، މި ފަހަރު ފަނޑިޔާރު މައްސަލަ ބޭރުކޮށްލެއްވީ "ވިތް ޕްރެޖުޑިސް" ނުވަތަ ދެން ދުވަހަކުވެސް އެ މައްސަލަ ހުށަނޭޅޭނެ ގޮތަށެވެ.

އެޕްސްޓީންގެ 50 ވަނަ އުފަންދުވަހުގެ ފޮތާއި ޓްރަމްޕްގެ ނަން އޮތް ސިޓީއާ ގުޅޭ ގޮތުން އެ ނޫހުން ރިޕޯޓުކުރީ، އެޕްސްޓީންގެ ލިޔެކިޔުންތައް ގެންގުޅުނު ގޮތާ މެދު ޓްރަމްޕްގެ ސަރުކާރަށް އެމެރިކާގެ ދެ ޕާޓީގެ މެންބަރުންގެ ފާޑުކިޔުން އަމާޒުވެފައި އޮތް ދަނޑިވަޅެއްގަ އެވެ.

ޓްރަމްޕް ވިދާޅުވި ގޮތުގައި އެ ނޫހުން އެ ލިޔުން ޝާއިއުކޮށްފައިވަނީ އޭނާގެ އަބުރު ކަތިލުމަށެވެ.

ނަމަވެސް، 20 ސަފުހާގެ މައްޗަށް އެކުލެވޭ ނިންމުމުގައި ފަނޑިޔާރު ގޭލްސް ފާހަގަކުރެއްވި ގޮތުގައި، އެ ނޫހުން އެ ރިޕޯޓު ތައްޔާރުކޮށްފައިވަނީ ވަރަށް ފުންކޮށް އަދި ތަފްސީލީ ގޮތެއްގައި ތަހުގީގު ކުރުމަށް ފަހު އެވެ. 

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox