ދެ ދިވެހިން އަސާސީ ހައްގުތަކުން މަހުރޫމުކޮށް، ޔޫއޭއީގައި ހައްޔަރުކޮށްފައި ތިބޭތާ 12 ދުވަސް

ޔޫއޭއީގެ މައި ޖަލެއް: ދެ ދިވެހިން ހައްޔަރު ކޮށްފައި ތިބި ތަނަކާއި އެމީހުންގެ ހާލު ހާމަކޮށްފައިނުވާއިރު އާއިލާއާ ވާހަކަ ދެއްކުމުގެ ފުރުސަތެއް ވެސް ނުލިބޭ -- ފޮޓޯ: އަލްޖަޒީރާ

ޔޫއޭއީގެ މައި ޖަލެއް: ދެ ދިވެހިން ހައްޔަރު ކޮށްފައި ތިބި ތަނަކާއި އެމީހުންގެ ހާލު ހާމަކޮށްފައިނުވާއިރު އާއިލާއާ ވާހަކަ ދެއްކުމުގެ ފުރުސަތެއް ވެސް ނުލިބޭ -- ފޮޓޯ: އަލްޖަޒީރާ

ޔުނައިޓެޑް އެރަބް އެމިރޭޓްސްގެ ޑުބާއީ އިން ފުރައިގެން އިޒްރޭލުގެ ތެލް އަވީވަށް ދަތުރު ކުރި ފްލައި ޑުބާއީގެ މަތިންދާބޯޓު ވައްޓާލަން އުޅުނު މައްސަލައިގެ ތަހުގީގަށް ކަމަށް ބުނެ ހައްޔަރުކުރި ދެ ދިވެހީން އަސާސީ ހައްގުތަކުން މަހުރޫމްކޮށްފައި ތިބޭތާ 12 ދުވަސް ފާއިތުވެއްޖެ އެވެ.

އެނގިފައިވާ ގޮތުގައި ޔޫއޭއީގައި ހައްޔަރު ކުރި ދެ ދިވެހިންނަކީ ފްލައިދުބާއީގައި މަސައްކަތް ކުރާ ހަ ދިވެހި ޕައިލެޓުންގެ ތެރެއިން އެންމެފަހުން އެތަނާ ގުޅުނު ދެ މީހުންނެވެ. 

އެ މައްސަލައިގެ ތަހުގީގަށް ކަމަށް ބުނެ އެ ދެ ދިވެހިން ހައްޔަރުކުރީ މި މަހު 3، ގަ އެވެ. ނަމަވެސް، މިއަދާ ހަމައަށް ވެސް އެ މީހުންނަށް ގާނޫނީ އެހީތެރިކަން ހޯދުމުގެ ހައްގު ލިބިފައި ނުވާކަން އަދަދުއަށް ވަނީ އެނގިފަ އެވެ. އަދި، އެ މީހުންގެ އާއިލާއާ ގުޅައި ވާހަކަދެއްކުމުގެ ހައްގު ވެސް އެ މީހުންނަށް ދީފައި ނުވާކަން މި ނޫހަށް ވަނީ އެނގިފަ އެވެ.

އެ ދެ މީހުން ހައްޔަރުކުރިކަން ޔޫއޭއީގައި ހުންނަ ދިވެހި އެމްބަސީން އާއިލާއަށް އެންގީ މި މަހު 8، ގަ އެވެ. އޭގެ ކުރިން އެމީހުންނަށް ވީނުވީ އެއްވެސް މިންވަރަކަށް، ދިވެހި އެމްބަސީއަށް ވެސް ޔޫއޭއީން ހާމަކޮށްފައެއް ނުވެ އެވެ. އަދި އެމްބަސީގެ އޮފިޝަލުންނާ ބައްދަލު ކުރުމުގެ ފުރުސަތު މިހާތަނަށް ވެސް ދީފައެއްނުވެ އެވެ 

ބަންދު ކުރެވޭ މީހާއަށް ގާނޫނީ އެހީތެރިކަން ހޯދުމުގެ ފުރުސަތު ދިނުމަކީ، ބަންދު ކުރެވޭ މީހާއާމެދު އަމަލު ކުރަންޖެހޭ އދ. ގެ މަންޑޭލާ ރޫލްސްގެ ދަށުން ގޮވާލާ ކަމެކެވެ. ގާނޫނީ އެހީތެރިކަން ހޯދުމުގެ ފުރުސަތު ކޮންވެންޝަން އެގެއިންޓްސް ޓޯޗާއިން ވެސް ލިބެ އެވެ. އެއީ ޔޫއޭއީ އިން ވެސް ސޮއިކޮށްފައިވާ މުއާހަދާއެކެވެ. 

އޭގެ އިތުރުން، ބިދޭސީއަކު ހައްޔަރުކޮށްފި ނަމަ، އެމީހަކު ހައްޔަރު ކޮށްފައިވާކަން އޭނާގެ ގައުމަށް ލަސްނުކޮށް އެންގުމުގެ ހުއްދަ އާއި އޭނާގެ ގައުމުގެ އޮފިޝަލުންނާ ބައްދަލު ކުރުމުގެ ހައްގު ވިއެނާ ކޮންވެންޝަން ކޮންސިއުލާ ރިލޭޝަންސްގެ ދަށުން ވެސް ލިބެ އެވެ. އެއީ ވެސް ޔޫއޭއީ އިން ބައިވެރިވާ މުއާހަދާއެކެވެ. 

އެ ދެ ދިވެހިންގެ ބަންދާމެދު ދިވެހި ސަރުކާރުން ރަސްމީކޮށް މިހާތަނަށް އެއްޗެއް ބުނެފައެއް ނުވެ އެވެ. އެކަން ޔޫއޭއީއަކުން ވެސް ހާމައެއް ނުކުރެ އެވެ. އެ ގައުމުގެ ނޫހެއްގައި ވެސް އަދި އެ ވާހަކައެއް ނުލިޔެ އެވެ. ނަމަވެސް ދެ ދިވެހިން ބަންދުކުރިކަން ސަރުކާރުގެ ތަރުޖަމާނު ވަނީ ޔަގީންކޮށްދީފަ އެވެ. 

އިޒްރޭލުގެ 182 މީހުންނާއެކު ދަތުރުކުރަމުންދިޔަ އެފްޒެޑް 1073 ފްލައިޓު ވައްޓައިލަން މަސައްކަތްކުރީ އެ ބޯޓުގެ ކޯ-ޕައިލެޓެވެ. އެ ޓެރަރިސްޓު ހަމަލާގައި ކޯ-ޕައިލެޓު ވަނީ ކޮކްޕިޓްގައި އޮންނަ ކުއްލި ހާލަތްތަކުގައި ބޭނުންކުރާ ކޯރާޑި ބޭނުންކޮށްގެން ބޯޓުގެ ކެޕްޓަނަށް ހަމަލާދީ ބޯޓު ވައްޓައިލަން މަސައްކަތްކޮށްފަ އެވެ.

އޭނާގެ މި އަމަލުގެ ސަބަބުން ބޯޓު ކޮންޓްރޯލުން ނެއްޓި، ކުޑަ ވަގުތުކޮޅެއްގެ ތެރޭގައި ގާތްގަނޑަކަށް 17,000 ފޫޓު (5,180 މީޓަރު) ތިރިއަށް ވެއްޓުނެވެ. ނަމަވެސް، އެ ބޯޓު ވެއްޓެން ދަނިކޮށް، އިންޑިއާގެ ކެޕްޓަން ކޮކްޕިޓްގެ ދޮރު ހުޅުވުމުން ފަސިންޖަރުންނާއި އެހެން މީހުން ވަދެ ހަމަލާދިން މީހާ ވަނީ ހިފަހައްޓައިފަ އެވެ. އެ ބޯޓުގެ ކޮންޓްރޯލް އަލުން ހޯދައި ރައްކާތެރިކަމާއެކު ޖެއްސީ އެ ބޯޓުގައި ތިބި އިތުރު ދެ ޕައިލެޓުންނެވެ.

ކޮމެންޓް

ފަހުގެ ޚަބަރު

އެފްޕީއޭ މުވައްޒަފުންނަށް ލޯންޗިން ޖަލްސާއަށް ދާން އަންގައިފި

ފެމިލީ ޕްރޮޓެކްޝަން އޮތޯރިޓީ (އެފްޕީއޭ) ގެ މުވައްޒަފުންގެ މުސާރަ ބޮޑުކުރުމުގެ މަޝްވަރާތައް ކުރިއަށްދާ ދަނޑިވަޅެއްގައި، ސަރުކާރުން ބާއްވާ "އިހުތިރާމް އަދާކުރުމުގެ ކެމްޕެއިން" ލޯންޗުކުރުމުގެ ރަސްމިއްޔާތަށް ހުރިހާ މުވައްޒަފުން ދިއުމަށް އެ އޮތޯރިޓީން ވަނީ އަންގާފައި.

އެއްވުމުގައި ބައިވެރިވާން އެމްޑީޕީން ގޮވާލައިފި

ރަސްމާލެއިން ބޮޑު ބައެއް ބޭރު ކުންފުންޏަކަށް ދޫކޮށްލުމާ ދެކޮޅަށް، އާންމުންގެ ފެންނަ ނުފެންނަ ވޯޓަކަށް ގޮވާލައި މާދަމާ ރޭ އާޓިފިޝަލް ބީޗުގައި ބާއްވާ އެއްވުމުގައި ބައިވެރިވުމަށް އެމްޑީޕީން ވަނީ ގޮވާލާފައި. "ދިވެހިންގެ ބިން ދިވެހިންނަށް" ހަރަކާތުން އިންތިޒާމުކުރާ މި އެއްވުމުގައި އެމްޑީޕީގެ އިތުރުން ޕީއެންއެފް އިން ވެސް ބައިވެރިވޭ.

ރަސްމާލެ ޑީލު މަޑު ޖައްސާލަން ގޮވާލައި އަލައްބާރަށް ސިޓީއެއް

ރަސްމާލެ މަޝްރޫއުގެ ދަށުން ބޭރުގެ ކުންފުންޏަކަށް ބިން ދިނުމާ ދެކޮޅަށް "ދިވެހިންގެ ބިން ދިވެހިންނަށް" ހަރަކާތުން އީގަލް ހިލްސްގެ ވެރިޔާއަށް ހުޅުވާލެވިފައިވާ ސިޓީއެއް ފޮނުވައި، އެ މަޝްރޫއު މަޑުޖައްސާލުމަށް ވަނީ ގޮވާލާފައި. މި ސިޓީގައި ބިން ދިނުމުގެ ކުރިން ރައްޔިތުންގެ ފެންނަ ނުފެންނަ ވޯޓެއް ނެގުމަށް ބާރުއަޅާފައިވޭ.

ކެފޭއެއް ތެރޭގައި ބަޔަކު ހިފެހެއްޓި މީހަކު ހައްޔަރުކޮށްފި

ކެފޭއެއްގެ ތެރޭގައި ބަޔަކަށް ބިރުދައްކައި، ތިން ގަޑިއިރު ވަންދެން ހިފެހެއްޓި މައްސަލައެއްގައި 19 އަހަރުގެ ފިރިހެނަކު ހައްޔަރުކޮށް، އޭނާގެ ބަންދަށް ކޯޓުން 20 ދުވަސް ވަނީ ޖަހާފައި. އެ މީހާގެ މައްޗަށް މާރާމާރީ ހިންގުމާއި، ބިރުދެއްކުމާއި، ހުއްދަ ނޫން ގޮތުގައި މީހުން ހިފެހެއްޓުމުގެ ތުހުމަތު ކުރޭ.

ބަނގުރާގެ މައްސަލައެއްގައި ސިފައިންގެ މީހަކު ހައްޔަރުކޮށްފި

ބަނގުރާ ގެންގުޅެ ބޭނުންކުރި މައްސަލައެއްގައި 19 އަހަރުގެ ސިފައިންގެ މީހަކު ހައްޔަރުކޮށް، އޭނާގެ ބަންދަށް ކޯޓުން ވަނީ ފަސް ދުވަސް ޖަހާފައި. މި މައްސަލައާ ގުޅިގެން އެމްއެންޑީއެފް އިން އަދި ވަކި އެއްޗެއް ބުނެފައިނުވާއިރު، ދައުލަތުގެ މުއައްސަސާތަކުގެ މުވައްޒަފުން ކުށްތަކަށް އަރައިގަންނަ މައްސަލަ ވަނީ އިތުރުވެފައި.

މިސްކިތެއްގައި ބަދުއަހުލާގީ އަމަލު ހިންގި މައްސަލައެއް

މީގެ ކުރިންވެސް މިސްކިތްތަކުގެ ހުރުމަތް ކެނޑުމުގެ ގިނަ މައްސަލަތަކެއްގައި ހައްޔަރުކޮށްފައިވާ ނައުޝާދު މިފަހަރު ހައްޔަރުކުރީ، ޖަލު ހުކުމެއް ތަންފީޒުކޮށް ނިމިގެން މިމަހުގެ 4 ވަނަ ދުވަހު މިނިވަންވެފައި ވަނިކޮށެވެ.

އިހުތިރާމު ޖަލްސާއަށް ދާން ވެމްކޯ މުވައްޒަފުންނަށް މަޖުބޫރުކޮށްފި

ވެމްކޯގެ ބައެއް މުވައްޒަފުންނަށް މިދިޔަ މަހުގެ މުސާރަ ނުދީ، "އިހުތިރާމު" ކެމްޕޭން ލޯންޗުކުރުމުގެ ޖަލްސާއަށް ދާން އެ ކުންފުނީގެ މެނޭޖުމަންޓުން މަޖުބޫރު ކުރަމުންދާ ކަމުގެ ޝަކުވާ ވަނީ ބޮޑުވެފައެވެ. މި ޖަލްސާގައި ބައިވެރިވުމަށް ވެމްކޯގެ އިތުރުން އެހެން ސަރުކާރު ކުންފުނިތަކާއި ސިވިލް ސާވިސް މުވައްޒަފުންނަށް ވެސް ސަރުކާރުން ދަނީ އަންގަމުންނެވެ.

Newsletter

Get the latest news delivered straight to your inbox