ލަންކާގެ ކުރީގެ ފަސްޓް ލޭޑީ ޝިރާންތީ ރާޖަޕަކްސަ ހައްޔަރުކޮށްފި

Oct 7, 2026, 2:09 PM
ފޮޓޯ: އޭއެފްޕީ

ފޮޓޯ: އޭއެފްޕީ

ސްރީލަންކާގެ ކުޑަކުދިންގެ ހޮސްޕިޓަލަކަށް އެހީގެ ގޮތުގައި އެއްކުރި ފައިސާއަށް ޚިޔާނާތްތެރިވި ކަމުގެ ތުހުމަތުގައި، އެ ގައުމުގެ ކުރީގެ ފަސްޓް ލޭޑީ ޝިރާންތީ ރާޖަޕަކްސަ އެ ގައުމުގެ އެންޓި-ކޮރަޕްޝަން އިދާރާއިން ބުދަ ދުވަހު ހައްޔަރުކޮށްފި އެވެ.

ސްރީލަންކާގެ ސިޔާސީ މަސްރަހުގައި ގާތްގަނޑަކަށް ވިހި އަހަރު ވަންދެން ބާރުގަދަކޮށް އޮތް ރާޖަޕަކްސަ އާއިލާގެ މެންބަރުންގެ މައްޗަށް ހިންގާ ކޮރަޕްޝަނުގެ ތަހުގީގުތައް ރައީސް އަނޫރާ ކުމާރާ ދިސާނަޔަކަގެ ސަރުކާރުން މިހާރު ވަނީ އަލުން ފަށާފަ އެވެ.

ކުރީގެ ރައީސް މަހިންދަ ރާޖަޕަކްސަގެ އަނބިކަނބަލުން، އުމުރުން 73 އަހަރުގެ ޝިރާންތީ ރާޖަޕަކްސަ ހައްޔަރުކުރީ ކޮލަމްބޯއިން ކަމަށާއި، އޭނާ މެޖިސްޓްރޭޓް ކޯޓަކަށް ހާޒިރުކުރާނެ ކަމަށް ކޮމިޝަން ޓު އިންވެސްޓިގޭޓް އެލިގޭޝަންސް އޮފް ބްރައިބަރީ އޯ ކޮރަޕްޝަން (ސީއައިއޭބީއޯސީ) އިން ބުނެފައިވެ އެވެ.

ކޮލަމްބޯގައި ހުންނަ ރާޖަޕަކްސަގެ ގެކޮޅުގައި ނޫސްވެރިންނާ ވާހަކަދައްކަވަމުން ސީ.އައި.އޭ.ބީ.އޯ.ސީގެ އޮފިޝަލަކު ވިދާޅުވީ، ޝިރާންތީ ހައްޔަރުކުރީ އޭނާ ހިންގަވާ "ސިރިލިޔާ ސަވިޔާ ފައުންޑޭޝަން" އާ ގުޅޭ މައްސަލައެއްގައި ކަމަށެވެ.

ބޭސްފަރުވާއަކަށް ސެޕްޓެމްބަރު މަހުގެ 16 ވަނަ ދުވަހު ސިންގަޕޫރަށް ވަޑައިގަތުމަށް ފަހު، އެނބުރި ވަޑައިގަތުމުން ކޮލަމްބޯ އެއާޕޯޓުން ވަނީ އޭނާގެ ޗެރިޓީއާ ގުޅޭ ގޮތުން ފުލުހުންނަށް ބަޔާން ދިނުމަށް އަމުރެއް ހަވާލުކޮށްފަ އެވެ.

ހައްޔަރުކުރުން ހުއްޓުވުމުގެ އަމުރަކަށް އެދި ކޯޓަށް މައްސަލައެއް ހުށަހެޅުމަށް ފަހު އޭނާ އެނބުރި ގައުމަށް ވަޑައިގަތީ މިދިޔަ ހޯމަ ދުވަހު އެވެ. ނަމަވެސް، ކޯޓުން ވަނީ ކަފާލާތުގެ ދަށުން ދޫކޮށްލުމާ މެދު ގޮތެއް ނިންމުމުގެ އަޑުއެހުން އޮކްޓޫބަރު 12 ވަނަ ދުވަހަށް ތާވަލުކޮށްފަ އެވެ.

ފުލުހުން ބުނި ގޮތުގައި، ކެންސަރު ހޮސްޕިޓަލަކަށް ޕެޓް ސްކޭނަރެއް ގަތުމަށް "ސިރިލިޔާ ސަވިޔާ" ޖަމިއްޔާއިން އެހީގެ ގޮތުގައި އެއްކުރި 10 މިލިއަން ރޫޕީޒް (30,300 އެމެރިކާ ޑޮލަރު) އާ ގުޅޭ ގޮތުން ޝިރާންތީއާ ސުވާލުކުރަން ކަމާބެހޭ ފަރާތްތަކުން ބޭނުންވެ އެވެ.

ތަހުގީގު ކުރާ ފަރާތްތަކުން ކޯޓުގައި ބުނެފައިވަނީ، އެ ސްކޭނަރަކީ ޗައިނާ ސަރުކާރުން ހަދިޔާކޮށްފައިވާ އެއްޗެއް ކަމަށާއި، ނަމަވެސް އެ ޖަމިއްޔާއިން އެހީ ހޯދުން ކުރިއަށް ގެންގޮސް، އެ ފައިސާ ނަހަމަ ގޮތުގައި ބޭނުންކޮށްފައިވާ ކަމަށެވެ.

ޝިރާންތީ ވަނީ އެއްވެސް ގޯސް ކަމެއް ކުރައްވާފައި ނުވާނެ ކަމަށް ވިދާޅުވެ، ފައިސާއަށް ޚިޔާނާތްތެރިވެފައިވާ ކަމަށް ކުރެވޭ ތުހުމަތުތައް ދޮގުކުރައްވާފަ އެވެ.

ރާޖަޕަކްސަ އާއިލާގެ އެހެން މެންބަރުންނަށް ވެސް ވަނީ ގާނޫނީ ގޮތުން ބޮޑެތި ގޮންޖެހުންތަކަކާ ކުރިމަތިލާން ޖެހިފަ އެވެ.

ކުރީގެ ފަސްޓް ލޭޑީގެ ދޮށީ ދަރިކަލުން އަދި އިދިކޮޅު މަޖިލިސް މެންބަރު ނާމަލް ރާޖަޕަކްސަ މިހާރު ހުންނެވީ ބަންދުގަ އެވެ. އޭނާ ހައްޔަރުކޮށްފައިވަނީ ބައްޕާފުޅުގެ ރިޔާސަތުގައި 2013 ވަނަ އަހަރު އެއާބަސް މަތިންދާބޯޓު ގަތުމަށް ވެވުނު އެއްބަސްވުމަކާ ގުޅޭ ކޮރަޕްޝަނުގެ ތުހުމަތުގަ އެވެ.

ރާޖަޕަކްސަ އާއިލާއިން އަބަދުވެސް ކޮރަޕްޝަނުގެ ތުހުމަތުތަކަށް އިންކާރު ކުރެ އެވެ. އަދި އެ އާއިލާއާ ދެކޮޅަށް ހިންގާ މައްސަލަތަކަކީ ސިޔާސީ މަގްސަދެއްގައި ހިންގާ ކަންކަން ކަމަށް އެ އާއިލާއިން ސިފަކުރެ އެވެ.

މަހިންދަ ރާޖަޕަކްސަ 2005 އިން 2015 އަށް ރައީސްކަން ކުރެއްވިއިރު، އޭނާއަކީ އަދިވެސް ސްރީލަންކާގެ ސިޔާސީ މަސްރަހުގައި ނުފޫޒުގަދަ ބޭފުޅެކެވެ. ނަމަވެސް، 2022 ވަނަ އަހަރު އާންމުން ނުކުމެ ކުރި މުޒާހަރާތަކާ ގުޅިގެން އޭނާގެ ކޮއްކޯފުޅު ގޮތާބަޔާ ރާޖަޕަކްސަ ވެރިކަމުން ދުރުވުމަށް ފަހު، އެ އާއިލާގެ ސިޔާސީ ބާރުވެރިކަން ވަނީ ވަރަށް ބޮޑަށް ދަށަށް ގޮސްފަ އެވެ.

ކޮމެންޓް

ފަހުގެ ޚަބަރު

ޑިމޮކްރެޓުންގެ މެޖޯރިޓީން އީރާން ހަނގުރާމަ ހުއްޓުވޭތަ؟

އެމެރިކާގެ މިޑްޓާމް އިންތިހާބުގައި ކޮންގްރެސްގެ ދެ ގޭގެ އަގުލަބިއްޔަތު ޑިމޮކްރެޓުން ހޯދުމާ ގުޅިގެން، ރައީސް ޓްރަމްޕްގެ ސިޔާސަތުތަކަށް ބޮޑެތި ގޮންޖެހުންތަކެއް ކުރިމަތިވާނެއެވެ. މީގެ ތެރޭގައި އީރާނާ ދެކޮޅަށް ކުރާ ހަނގުރާމައަށް ހުރަސްއެޅުމާއި، ތަކެތީގެ އަގުބޮޑުވުން ހުއްޓުވުމަށް ޑިމޮކްރެޓުން ބާރުއަޅާނެއެވެ. ނަމަވެސް، ކޮންގްރެސްގެ ހުއްދައާ ނުލައި ރައީސަށް ކުރެވޭނެ ބައެއް ކަންކަން އަދިވެސް ހުރިކަން ފާހަގަކުރެވެއެވެ.

ހޮންކޮންގުގެ އެކްޓިވިސްޓު ޖޯޝުއާ ވޮންގް 10 އަހަރަށް ޖަލަށް

ހޮންކޮންގުގެ ގައުމީ ސަލާމަތާ ބެހޭ އާ ގާނޫނުގެ ދަށުން، ބޭރުގެ ބާރުތަކާ ގުޅިގެން މަސައްކަތް ކުރި ކަމުގެ ކުށުގައި އެކްޓިވިސްޓު ޖޯޝުއާ ވޮންގް 10 އަހަރަށް ޖަލަށްލުމަށް ކޯޓުން ވަނީ ހުކުމްކޮށްފައެވެ. މި ހުކުމާއެކު، އަންނަ ޖެނުއަރީ މަހު މިނިވަންވާން އޮތް ވޮންގްގެ ޖަލު މުއްދަތު އިތުރުވެގެންދާއިރު، އޭނާ ވަނީ ދައުލަތާ ދެކޮޅަށް ރޭވުންތައް ރޭވި ކަމުގެ ދައުވާތަކަށް އިއުތިރާފުވެފައެވެ.

ނޯވޭ ރަސްގެފާނުގެ ދޮންދަރިކަލުން ޓެގް އަޅުވައި ގޭ ބަންދުގައި

ނޯވޭގެ ރަސްގެފާނުގެ ދޮންދަރިކަލުން މާރިއަސް ބޯގް ހޮއިބީގެ މައްޗަށް ސާބިތުވެފައިވާ ރޭޕްގެ މައްސަލަތަކުގެ އިސްތިއުނާފު މަރުހަލާ ނިމެންދެން، ފައިގައި ޓެގް އަޅުވައި ގޭބަންދުގައި ބެހެއްޓުމަށް އެ ގައުމުގެ ކޯޓަކުން ވަނީ ހުކުމްކޮށްފައެވެ. ޖަލު ހުކުމެއް އިއްވާފައިވާ ހޮއިބީގެ މައްޗަށް ރޭޕްގެ އިތުރުން ގެވެށި އަނިޔާގެ ތުހުމަތުތައް ކުރެވިފައިވާއިރު، އޭނާގެ އިސްތިއުނާފީ ޝަރީއަތް ފެށުމަށް ހަމަޖެހިފައިވަނީ އަންނަ ފެބްރުއަރީ މަހުގައެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

އެމެރިކާގެ ނަތީޖާއާއެކު ނަތަންޔާހޫ ބާކީކުރުމުގެ ފުރުސަތެއް ހޯދަނީ

އެމެރިކާގެ ކޮންގްރެސްގެ އަޣުލަބިއްޔަތު ޑިމޮކްރެޓުން ހޯދުމާ ގުޅިގެން، އިޒްރޭލުގެ ބޮޑުވަޒީރު ނަތަންޔާހޫ ނުހިމެނޭ އާ ސަރުކާރެއް އެކުލަވައިލުމުގެ ފުރުސަތަކަށް އިދިކޮޅު ފަރާތްތަކުން ދަނީ މަސައްކަތް ކުރަމުންނެވެ. ނަތަންޔާހޫގެ ސިޔާސަތުތަކުގެ ސަބަބުން އެމެރިކާގެ އެއްބާރުލުން ކުޑަވެފައިވާ ކަމަށް ބެލެވޭއިރު، އިޒްރޭލުގެ ރައީސް އަންނަނީ އާ ސަރުކާރު އެކުލަވައިލުމުގެ ފުރުސަތު ދޭނެ ފަރާތެއް ކަނޑައެޅުމަށް ސިޔާސީ ޕާޓީތަކާ މަޝްވަރާ ކުރައްވަމުންނެވެ.

އިންތިހާބުގައި އެމެރިކާ ރައްޔިތުން ބުނީ "ހަނގުރާމައަށް ނޫނެކޭ"

އެމެރިކާގެ އިންތިޚާބުގައި ރިޕަބްލިކަން ޕާޓީއަށް ލިބުނު ނާކާމިޔާބީއަކީ އެމެރިކާ ރައްޔިތުން ހަނގުރާމައަށް "ނޫނެކޭ" ބުނުން ކަމަށް އީރާނުން ސިފަކޮށްފިއެވެ. މި ނަތީޖާއަކީ ހަނގުރާމައާއި ތެލުގެ އަގު އުފުލުމާ ގުޅުންހުރި ކަމެއް ކަމަށް ޓްރަމްޕް އެއްބަސްވެވަޑައިގަންނަވާއިރު، އީރާނުން ވަނީ އެމެރިކާގެ ރައްޔިތުންގެ ނިންމުމާ ޚިލާފުވެއްޖެ ނަމަ ވަރުގަދަ ރައްދެއް ދޭނެ ކަމުގެ އިންޒާރު ދީފައެވެ.

އެމެރިކާގެ ތާރީހުގައި މުސްލިމަކު ފުރަތަމަ ފަހަރަށް ސެނެޓަށް

އެމެރިކާގެ މިޝިގަން ސްޓޭޓްގެ ސެނެޓް ގޮނޑި ކާމިޔާބު ކުރައްވައި، އަބްދުލް އަލް-ސައްޔިދު ވަނީ އެމެރިކާގެ ތާރީޚުގައި ސެނެޓަށް އިންތިޚާބުވި ފުރަތަމަ މުސްލިމް މެންބަރުގެ ޝަރަފު ހޯއްދަވާފައެވެ. އޭނާ މި ގޮނޑި ކާމިޔާބު ކުރެއްވީ އަމާޒުވި ބޮޑެތި ފާޑުކިޔުންތަކާއި ޕާޓީގެ އެތެރޭގެ ނުތަނަވަސްކަމާ އެކުވެސް، ރިޕަބްލިކަން ކެންޑިޑޭޓް މައިކް ރޮޖާސްއާ ވާދަކުރައްވައި ކުރި ހޯއްދަވައިގެންނެވެ.

Newsletter

Get the latest news delivered straight to your inbox