ހައްޖު ކޯޕަރޭޝަންގެ ވެރިންގެ އަގުހެޔޮ ޕެންޓްހައުސްތަކުގެ މައްސަލަ ފަޅާއެރުމުން އެއްބަސްވުންތައް ބާތިލުކޮށްފި

މާލޭގައި ހުރި ހައްޖު ކޯޕަރޭޝަން އޮފީސް އޮފީސް. -- ފޮޓޯ: މިރާޝް ނާޝިމް/ އަދަދު

މާލޭގައި ހުރި ހައްޖު ކޯޕަރޭޝަން އޮފީސް އޮފީސް. -- ފޮޓޯ: މިރާޝް ނާޝިމް/ އަދަދު

ހައްޖު ކޯޕަރޭޝަނުން ހުޅުމާލޭގައި ތަރައްގީކުރަމުން އަންނަ "ނިއަމް ރެސިޑެންސަސް" ގެ ޕެންޓްހައުސް ޔުނިޓުތައް އެ ންފުނީގެ ކުރީގެ ވެރިންނާއި މިހާރުގެ ވެރިން ހިމެނޭހެން ހެޔޮ އަގެއްގައި ގަތް މައްސަލަ ފަޅާއަރުވާލުމުން، ފްލެޓުތައް ވިއްކަން ހަދާފައި ހުރި އެއްބަސްވުންތައް އެ ކުންފުނިން ބާތިލުކޮށްފި އެވެ.

ހައްޖު ކޯޕަރޭޝަންގެ ވެރިންގެ ޕެންޓްހައުސް މައްސަލަ ރިޕޯޓުކުރީ ދައުރު ނޫހުންނެވެ. އެ ނޫހުން ރިޕޯޓުކޮށްފައިވާ ގޮތުގައި ހައްޖު ކޯޕަރޭޝަނުގެ މެނޭޖުމަންޓުން ވަނީ އެ މީހުންނަށް ވެސް ހެޔޮ އަގުގައި އެޕާޓުމަންޓުތައް ގަނެވޭނެހެން އުސޫލެއް އެކުލަވާލައި، އޭގެ ދަށުން ޕެންޓްހައުސް ޔުނިޓުތައް އެ މީހުންގެ ނަން މަތީގައި ރިޒާވުކޮށްފަ އެވެ.

ލަގްޒަރީ ގިންތީގައި ތަަރައްގީކުރަމުން އަންނަ އިމާރާތުގެ ޕެންޓްހައުސްއެއް ރިޒާވުކުރި ކަމަށް ތުހުމަތުކުރެވޭ އެކަކަކީ ހައްޖު ކޯޕަރޭޝަންގެ އޭރުގެ މެނޭޖިން ޑިރެކްޓަރު އަދި މިހާރު އިލެކްޝަންސް ކޮމިޝަންގެ ރައީސް މުހައްމަދު ޝަކީލެވެ. މި އިމާރާތް އަޅަން ނިންމީ ވެސް އަދި މުވައްޒަފުންނަށް އަގު ހެޔޮކޮށް ފްލެޓު ދެވޭނެ އުސޫލު އެކުލަވާލީ ވެސް އޭނާ މެނޭޖިން ޑިރެކްޓަރަކަށް ހުންނަވައިގެންނެވެ. 

ޝަކީލުގެ އިތުރުން ހައްޖު ކޯޕަރޭޝަންގެ ކުރީގެ ސީއީއޯ ނަޖީލު އަހުމަދު އަދި އެ ކުންފުނީގެ މިހާރުގެ ޑެޕިއުޓީ މެނޭޖިން ޑިރެކްޓަރު މުހައްމަދު ޝިހާބު ވެސް ޕެންޓްހައުސްތައް ރިޒާވުކުރި ކަމަށް ރިޕޯޓުކޮށްފައިވެ އެވެ. 

މިި މައްސަލައިގައި އާންމުންގެ ފާޑުކިޔުން ބޮޑުވެފައި ވަނިކޮށް ހައްޖު ކޯޕަރޭޝަނާ ހާވާލާދީ ނޫސްތަކުގައި ވަނީ، މުވައްޒަފުންނަށް އެޕާޓްމަންޓުތައް ވިއްކުމަށް މިހާތަނަށް ކޮށްފައިވާ އެންމެހައި މުއާމަލާތްތައް ބާތިލުކުރުމަށް ނިންމާފައިވާ ކަމަށެވެ.

ހައްޖު ފަންޑެއް އުފައްދަން މަތީފަންތީގެ އެޕާޓްމެންޓު ބިލްޑިންއެއް އަޅަނީ

އެޕާޓްމެންޓު ބިލްޑިން އެޅުމަށާއި އޮފީސް އިމާރާތެއް އެޅުމަށް ހައްޖު ކޯޕަރޭޝަނުން ހުޅުމާލެއިން ބިން ގަތީ، އެ ކުންފުނީގައި ހުރި ހައްޖުވެރިން ޖަމާކޮށްފައިވާ ފައިސާއިން

މި ގޮތަށް ނިންމި ސަބަބެއް ކަމަށް އެ ކުންފުނިން ބުނަނީ، ކޮންމެ އެޕާޓުމަންޓު ޔުނިޓަކުން ކުންފުންޏަށް އެންމެ ބޮޑު ފައިދާ ލިބޭނެހެން ޕްރޮޖެކްޓު ކުރިއަށް ގެންދިޔުމެވެ. އެ ގޮތުން ޔުނިޓުތަކުގެ އަގު ކަނޑައެޅުމުގެ މަސައްކަތް ކުރިއަށްދާ ކަމަށާއި އެ މަސައްކަތް ނިމުމުން އެ ތަންތަން ވިއްކަން އާންމުކޮށް ހުޅުވާލާނެ ކަމަށް އެ ކުންފުނިން ބުންޏެވެ. 

ހައްޖު ކޯޕަރޭޝަނުން މި މައްސަލައިގައި ނެރުނު ބަޔާނުގެ އެއްވެސް ހިސާބެއްގައި، އެ ކުންފުނީގެ ވެރިންނަށް ކޮށްފައިވާ ތުހުމަތުތަކާ ގުޅޭ އެއްވެސް ވާހަކައެއް ނެތެވެ. އަދި، އެެއްވެސް ކަމެއް އުސޫލުން ބޭރުން ހިނގާފައިވާ ކަމެއް ނޫނީ އެ ފަދަ ކަމެއް ހިނގާފައިވޭތޯ ބަލަން މަސައްކަތް ކުރާ ކަމަކަށް ވެސް ނެތެވެ.

ހައްޖު ކޯޕަރޭޝަންގެ ލަގްޒަރީ އިމާރާތުގެ ޕެންޓްހައުސް މައްސަލަ ފެންމަތިވުމުގެ ކުރިން، ޝަކީލު އޭނާގެ އާއިލާ މީހުން ގޮވައިގެން ހައްޖަށް ދިޔަ މައްސަލައަކާއި، ހައްޖު ކިޔޫގެ މާ ފަހަތުގައި ތިބި މީހުންގެ އަތުން ފައިސާ ނަގައިގެން ހައްޖަށް ފޮނުވި މައްސަލަތަކެއް ވަނީ ފެންމަތިވެފަ އެވެ. މީގެ ތެރެއިން، ކިޔު ފަޅާލާފައި ހައްޖަށް ދާން ފުރުސަތު ދިން މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ވެސް ވަނީ ހުށަހަޅާފަ އެވެ. 

ހައްޖު ކޯޕަރޭޝަނުން އަންނަނީ ލަގްޒަރީ އެޕާޓުމަންޓުތަކުގެ އިތުރުން ހުޅުމާލޭގައި އޮފީސް އިމާރާތަކާއި ކ. މާފުށީގައި ގެސްޓްހައުސްއެއް ވެސް ތަރަައްގީކުރަމުންނެވެ. ޝަކީލު ކުންފުންޏާ ހަވާލުވެ ހުންނަވައިގެން، މި ހުރިހާ މަސައްކަތެއް ފެއްޓެވީ އެ ކުންފުނީގެ މާލީ ކަންކަން ހަރުދަނާކޮށް، ހައްޖު ފަންޑެއް ގާއިމުކުރަން ކަމަށް ވިދާޅުވެފަ އެވެ.

މި އިންވެސްޓްމަންޓްތަކަށް ހައްޖު ކޯޕަރޭޝަނުން ހުޅުވާލާފައި ވަނީ ކޮންޓްރެކްޓަރުގެ އަމިއްލަ ހަރަދުގައި ތަން އިމާރާތްކުރާ ގޮތަށް ނުވަތަ ކޮންޓްރެކްޓާ ފައިނޭންސިން މޮޑެލްގެ ދަށުންނެވެ. މިހެން ނަމަވެސް އެ ބިންތައް ގަތީ ހައްޖާއި އުމްރާއަށް ދާން ވެގެން މީހުން ޖަމާކޮށްފައި ހުރި ފައިސާއިންނެވެ.

ހައްޖު ކޯޕަރޭޝަނުގެ ހަރަދުތައް ހަމަޖައްސަން ސަރުކާރުން ދޭ އެހީ ނަގާފައި، ފައިސާ ވަންނަނީ ހައްޖާއި އުމްރާ ދަތުރުތައް ވިއްކައިގެންނެވެ. 

ފަހުގެ ޚަބަރު

ކުޑަކުދިންގެ ކަރާމާތަށް އަރައިނުގަންނަން އަންގައިފި

ޖިންސީ ގޯނާގެ މައްސަލަތަކުގައި ހިމެނޭ ކުޑަކުދިންގެ ކަރާމާތަށް ގެއްލުންވާ ފަދަ އެއްވެސް ޒާތީ މައުލޫމާތެއް ނުވަތަ ފޮޓޯއެއް މީޑިއާގެ އެއްވެސް މަންސައެއްގައި އާންމު ނުކުރުމަށް ހެލްތު މިނިސްޓްރީން އަންގައިފި. މިއީ ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ ދަށުން، އެކުދިންގެ މަސްލަހަތު ހިމާޔަތްކުރުމަށްޓަކައި އެންގި އެންގުމެއް.

ތިން ދުވަސް ތެރޭ ތިން ކިލޯގެ މަސްތުވާތަކެތި އަތުލައިގެންފި

ޕޯސްޓާއި ކޫރިއާ މެދުވެރިކޮށް ރާއްޖެ އެތެރެކުރަން އުޅުނު 3.15 ކިލޯގެ މަސްތުވާތަކެތި (ސިންތެޓިކް ކެތިނޯން) ކަސްޓަމްސްއިން އަތުލައިގެންފި. މިދިޔަ މަހުގެ ފަހުކޮޅު ވަކިވަކިން އަތުލައިގަތް މި ތަކެއްޗާއެކު، ފާއިތުވި ހަފުތާއެއްހާ ދުވަހުގެ ތެރޭގައި މި ބާވަތުގެ ޖުމްލަ 10 ކިލޯގެ ޑްރަގް ވަނީ އަތުލައިގަނެފަ.

ރަންވޭ އާއި ހުޅުލޭ ބިން ރަހުނުކޮށްފަ 56 މިލިއަން ޑޮލަރު ނަގައިފި

ވީއައިއޭގެ ރަންވޭ އާއި ހުޅުލޭގެ ބިން ބީއެމްއެލްއަށް ރަހުނުކޮށްފަ ނެގި 56 މިލިއަން ޑޮލަރާއެކީ އެމްއޭސީއެލްއިން ބީއެމްއެލްއަށް ދައްކަންޖެހޭ ދަރަނި ވަނީ 112 މިލިއަން ޑޮލަރަށް އަރާފަ. މީގެ ބޮޑުބަޔަކީ މި ސަރުކާރުގެ ދައުރުގައި ނަގާފައިވާ ފައިސާ. އެމްއޭސީއެލްގެ ޖުމްލަ ދަރަނި މިހާރު 1.08 ބިލިއަން ޑޮލަރަށް އަރާފައިވާއިރު، ކުންފުނީގެ މާލީ ހާލަތު ވަރަށް ގޯސް.

ރަސްމާލޭގައި ވެސް ރާ ވިއްކޭނެ ކަމަށް އުޝާމް ވިދާޅުވެއްޖެ

ރަސްމާލޭގައި ބަނގުރާ ނުވިއްކޭނެ ކަމަށް ރައީސް މުއިއްޒު ވިދާޅުވެފައި ވަނިކޮށް، އެތަނުގެ ހޮޓާތަކުގައި ހުއްދަ ނަގައިގެން ރާ ވިއްކިދާނެ ކަމަށް ބަންޑާރަނައިބު އަހުމަދު އުޝާމް ވިދާޅުވެއްޖެ. އުޝާމް މިހެން ވިދާޅުވީ ދީނީ އިލްމުވެރިންނާއެކު ބޭއްވި ބައްދަލުވުމެއްގައި ކަމަށްވާއިރު، މިހެ

ސީއެމްސީން ހިއްކި ބިމަށް 1.7 ބިލިއަން ރުފިޔާ ދޭން އެއްބަސްވުމެއް

ހުޅުމާލެ، ގިރާވަރުފަޅު އަދި ތިލަފުށީގެ ބިން ހިއްކުމުގެ މަސައްކަތުގެ ބަދަލުގައި ސީއެމްސީ އަށް 1.76 ބިލިއަން ރުފިޔާ ދައްކަން އެމްއޭސީއެލް އިން އެއްބަސްވެފައިވާކަން އޮޑިޓް ރިޕޯޓުތަކުން ވަނީ ހާމަވެފަ. ސިއްރިއްޔާތުގައި ކުރިއަށްގެންދިޔަ މި މުއާމަލާތުގެ ދަށުން 1.4 ބިލިއަން ރުފިޔާ މި އަހަރު ދައްކަން ޖެހޭ.

ރިސޯޓެއްގައި އެއް ޖިންސުން ކައިވެނިކުރި މައްސަލައެއް ބަލަނީ

ރާއްޖޭގެ ރިސޯޓެއްގައި އެއްޖިންސުން ކައިވެނިކުރި މައްސަލައެއް ސޯޝަލް މީޑިއާގައި ފެންމަތިވުމާ ގުޅިގެން ފުލުހުން އެ މައްސަލަ ތަހުގީގު ކުރަން ފަށައިފި. ފުލުހުން ބުނީ މިއީ ރާއްޖޭގެ ދީނާއި ގާނޫނުތަކާ ހިލާފު އަމަލެއް ކަމަށާއި، މިފަދަ ކަންކަން ކުރާ ފަރާތްތަކާ މެދު ގާނޫނީ ފިޔަވަޅު އަޅާނެ ކަމަށް.

ހެލްތު އެކްސްޕޯގައި ޓްރީޓޮޕްގެ ޑޮކްޓަރުންނާ ބައްދަވުމުގެ ފުރުސަތު

ހުޅުމާލެ ސެންޓްރަލް ޕާކުގައި ކުރިއަށްދާ "މޯލްޑިވްސް ހެލްތު އެންޑް ފެމިލީ އެކްސްޕޯ 2026" ގައި ޓްރީ ޓޮޕް ހޮސްޕިޓަލުން ބައިވެރިވެ، އެ ހޮސްޕިޓަލުގެ ޚާއްސަ ބަލިތަކުގެ ޑޮކްޓަރުންނާ ބައްދަލުކޮށް މަޝްވަރާކުރުމުގެ ފުރުސަތު އާންމުންނަށް ވަނީ ހުޅުވާލާފައެވެ. މި މަހުގެ 7 ވަނަ ދުވަހުގެ ނިޔަލަށް ކުރިއަށްދާ މި ހަރަކާތުގެ މަގުސަދަކީ ސިއްހީ ހޭލުންތެރިކަން އިތުރުކުރުމާއި، އާއިލީ ދުޅަހެޔޮކަމަށް ބޭނުންވާ މައުލޫމާތު ފަސޭހަކަމާއެކު ފޯރުކޮށްދިނުމެވެ.

Newsletter

Get the latest news delivered straight to your inbox