ސިއްހީ އަދި އިޖުތިމާއީ ދުޅަހެޔޮކަމަށް ހޭލުންތެރި ކުރުވުމަށް ސްޓާ މެޑިކަލްއިން ކުރިޔަށްގެންދާ ސެޝަން ތަކުގެ ތެރެއިން އޮކްޓޯބަރު 3 ވަނަ ދުވަހު ބާއްވާ ސެޝަން ބައްޕައިންނަށް ހާއްސަކޮށްފި އެވެ.
މި ސެޝަން ބާއްވަނީ އަންނަ ހޮނިހިރު ދުވަހު ހަވީރެވެ.
" ދުޅަހެޔޮ މުޖުތަމައު އެއް މި ބިނާ ކުރެވެނީ ސިއްހީ ގޮތުން އަދި އިޖުތިމާއީ ގޮތުން ދުޅަހެޔޮކަން ގާއިމް ކުރެވުނީމަ. އެެހެންވީމަ އަޅުގަނޑުމެން މިކަން ކުރާ ސަބަބަކީ ކްލިނަކަކީ ހަމައެކަނި ބަލިވީމަ އަންނަ ތަނަކަށް ހެދުމުގެ ބަދަލުގައި ބަލިތަކުން ރައްކާތެރިވުމަށް އެހީވެދޭ ތަނަކަށްވެސް ހެދުމުގެ މަގުސަދުގައި"ސްޓަރ މެޑިކަލްގެ ސްޓާފް ނަރސް ފާތިމަތު ފަރީމާ ވިދާޅުވި އެވެ.
މި ސެޝަންގައި ބަލާލެވޭނެ މުހިންމު ކަންތައްތައް:
ބައްޕައެއްގެ ހަގީގީ މާނައަކީ ކޮބައި ހެއްޔެވެ؟
ބައްޕައެއްގެ މައްޗަށް އޮތް ހައްގުތަކާއި ޒިންމާތަކަކީ ކޮބައި ހެއްޔެވެ؟
ދަރިންނާއެކު ނަފްސާނީ ގޮތުންނާއި ޖިސްމާނީ ގޮތުން ވަގުތު ހޭދަކުރުމުގެ މުހިންމުކަން.
ދަރިންނާއެކު އޮންނަ ގުޅުން ލޯތްބާއެކު ވަރުގަދަކޮށް، ރައްކާތެރިކަން އިހުސާސްކޮށްދޭނެ ގޮތްތައް.
މުއާމަލާތް ކުރުމާއި، އަޑުއެހުމާއި އަދި ދަރިން ދެނެގަތުން.
ބިރުވެރިކަމެއް ނެތި ދަރިން އަދަބުވެރިކުރުވުން.
މާލީ ގޮތުން ކަންކަން ފުރިހަމަކޮށްދިނުމުގެ އިތުރުން، ދަރިންގެ ދިރިއުޅުމުގައި އަމަލީ ގޮތުން ބައިވެރިވުން.
ދަރިންގެ އަމިއްލަ ނަފްސަށް އޮންނަ އިތުބާރާއި ނަފްސާނީ ދުޅަހެޔޮކަމަށް ބަފައެއްގެ ނުފޫޒު ފޯރާ މިންވަރު.
ވަޒީފާއާއި، އާއިލާއާއި އަދި އަމިއްލަ ޒިންމާތައް ހަމަހަމަކުރުން.
ދަރިންގެ ހިތުގައި ދާއިމަށް ހަރުލާނެ ފަދަ ހަނދާންތައް އުފެއްދުމަށް ކޮންމެ ދުވަހަކު ކުރެވިދާނެ ކުދިކުދި ކަންތައްތައް.
ދަރިފުޅުގެ އުމުރުގެ ތަފާތު މަރުހަލާތަކުގައި ބަފައެއްގެ ދައުރު އަދާކުރާނެ ގޮތް.
މި ސެޝަންތަކާބެހޭ އިތުރު މައުލޫމާތު އަދި ބައިވެރިވުމަށް އަދި ނަންނޯޓުކުރުމަށް ކްލިނިކްގެ 9287755، 3333074، 3333075، 3333076 އާ ގުޅޭނެ އެވެ.
