ގައްދޫ ބަލިކޮށް އީގަލްސް އަށް ލީގުގައި ދެ ވަނަ މޮޅު

Sep 20, 2026, 5:39 PM
މި ފަހަރުގެ ލީގުގެ މެޗެއްގައި އީގަލްސް އަށް ލަނޑު ޖަހައިދިނުމަށް ފަހު އީސަ އުފާފާޅުކުރަނީ.--- ފޮޓޯ: އިމޭޖަސް،އެމްވީ

މި ފަހަރުގެ ލީގުގެ މެޗެއްގައި އީގަލްސް އަށް ލަނޑު ޖަހައިދިނުމަށް ފަހު އީސަ އުފާފާޅުކުރަނީ.--- ފޮޓޯ: އިމޭޖަސް،އެމްވީ

ދިރާގު ދިވެހި ޕްރިމިއާ ލީގުގައި މިއަދު ހަވީރު ކުޅުނު މެޗުގައި ގދ. ގައްދޫ ފުޓްބޯޅަ ޓީމު 2-0 އިން ބަލިކޮށް ކްލަބް އީގަލްސް އިން މި ފަހަރުގެ ލީގުގައި ދެ ވަނަ މޮޅު ހޯދައިފި އެވެ. 

އީގަލްސް އިން ލީގުގައި ކުޅުނު ފުރަތަމަ މެޗުގައި ވަނީ، 3-1 އިން ބިސް ބުރު ސްޕޯޓްސް ކްލަބް އަތުން މޮޅުވެފަ އެވެ. އަނެއްކޮޅުން، ސައުތު ލީގުގެ ޗެމްޕިއަންކަން ހޯދައި، ދިވެހި ޕްރިމިއާ ލީގުގެ ކޮލިފިކޭޝަނުގެ ގަދަ ހަތަރެއްގައި ހިމެނިގެން، ޕްރިމިއާ ލީގަށް އައި ގައްދޫން މި ވަނީ މި ފަހަރުގެ ލީގުގައި ކުޅުނު ފުރަތަމަ ތިން މެޗުން ވެސް ބަލިވެފަ އެވެ. 

ރާއްޖޭގެ ލީގު ހޯމް އެންޑް އަވޭ ފޯމެޓުގައި ކުރިއަށްގެންދާ ފުރަތަމަ ސީޒަނުގައި، ގައްދޫން މިހާތަނަށް ކުޅުނު ތިން މެޗު ވެސް އޮތީ އަމިއްލަ ރަށުގަ އެވެ. ފުރަތަމަ މެޗުގައި ނިއު ރޭޑިއަންޓް ސްޕޯޓްސް ކްލަބް އަތުން 2-0 އިން ގައްދޫ ބަލިވިއިރު، ދެ ވަނަ މެޗުގައި، ޓީސީ ސްޕޯޓްސް ކްލަބާ ކުޅެގެން ގައްދޫ ބަލިވީ 4-2 އިންނެވެ. 

Advertisement

ނިއު އާއި ޓީސީން ގައްދޫ ކޮޅަށް ފުރަތަމަ ކޮޅުގައި ލަނޑުތަކެއް ޖަހައި، ލީޑުނަގައިގެން ކޮންޓްރޯލް ހޯދި ނަމަވެސް ގައްދޫ ދަނޑުގައި މިއަދު ހަވީރު ކުޅުނު މެޗުގައި ގައްދޫން ވަނީ އީގަލްސް ކައިރީގައި ރަނގަޅު ކުޅުމެއް ދައްކައިފަ އެވެ. އަދި، ފުރަތަމަ ހާފުގައި އީގަލްސް އަށް ގައްދޫގެ ޑިފެންސް ފޫއަޅުވައިނުލެވުނުއިރު، އީގަލްސް އިން އެޓޭކަށް ޖެހިގެން ލަނޑެއް ޖެހޭތޯ ކުރި މަސައްކަތް ވެސް ކާމިޔާބެއްނުވި އެވެ. 

ދެ ވަނަ ހާފުގައި އީގަލްސްގެ ލައިބީރިއާ ފޯވާޑް، ވެން ޑޭމް ހާމޮން ފޮނުވާލި ބޯޅައެއް ގައްދޫގެ ކީޕަރު، ސާބިއާގެ ބޯޖާން ވުކްމިރޯވިޗް ވަނީ މަތަކޮށްފަ އެވެ. އެކަމަކު، މެޗުގެ 68 ވަނަ މިނިޓްގައި އީގަލްސް އަށް ލީޑުނަގައިދޭން އަރިމަތިން އީގަލްސްގެ އިސްމާއިލް އީސާ (މެސީ) ފޮނުވާލި ބޯޅަ ގޯލަށް ވަނީ ކީޕަރު ވުކްމިރޯވިޗަށް ރަނގަޅަށް މަސައްކަތް ނުކުރެވިގެންނެވެ. 

ގައްދޫގެ ފޯވާޑް، ސާބިއާގެ ފޯވާޑް، އުރޯސް ޖެމޯވިޗް އަށް ބޯޅަ ދީގެން އެ ޓީމުން އެޓޭކަށް ޖެހި ގޯލެއް ޖެހޭތޯ ބަލަމުންދިޔައިރު، އޭނާ އަށް ލިބޭ ބޯޅަތަކުގައި އެޓޭކެއް ކުރުމުގެ ކުރިން އީގަލްސް ޑިފެންޑަރުން ސަމާލުވެ ތިބެ އެ ބޯޅަތައް ހުއްޓުވަމުން ދިޔަ އެވެ.  އެކަމަކު، މެޗުގެ 86 ވަނަ މިނިޓްގައި ޖެމޯވިޗަށް އީގަލްސް އޭރިއާތެރެއިން ހުސްކޮށް ލިބުނު ފުރުސަތުގައި ޖެހި ބޯޅަ އީގަލްސްގެ ކީޕަރު، ޕާކިސްތާންގެ ހަނީފް ސާގިބް ވަނީ އަތަަށް ނަގައިފަ އެވެ. 

ކައުންޓަ އެޓޭކުގައި އީގަލްސްގެ މުހައްމަދު ޖައިލަމް (އޮގީ) އަށް ލިބުނު ފުރުސަތުގައި ތިރިތިރިން ފޮނުވާލި ބޯޅަ ގޯލަށް ވަނުމުގެ ކުރިން ގައްދޫގެ ޑިފެންޑަރު، ހުސެއިން ޔަލީން ވަނީ ސަލާމަތްކޮށްފަ އެވެ. އެކަމަކު، އިތުރު ވަގުތުގެ ތެރޭގައި ގައްދޫ އޭރިއާތެރޭގައި ހުސްކޮށް ހުރެފައި ބޮލުން ގޯލަށް ފޮނުވާލައިގެން އޮގީ ވަނީ އީގަލްސްގެ ދެ ވަނަ ލަނޑު ޖަހައިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox