މަންޓާގެ ޑޮމެސްޓިކް ދަތުރުތައް ހުއްޓާލަނީ

މަންޓާ އެއާގެ އޭޓީއާރު ބޯޓެއް ދަރަވަންދޫ އެއާޕޯޓުގައި: މަންޓާއިން ކުރިއަށް އޮތް ތަނުގައި ކުރާނީ ހަމައެކަނި ސީޕްލޭން ދަތުަރުތައް ---- ފޮޓޯ: އަދަދު

މަންޓާ އެއާގެ އޭޓީއާރު ބޯޓެއް ދަރަވަންދޫ އެއާޕޯޓުގައި: މަންޓާއިން ކުރިއަށް އޮތް ތަނުގައި ކުރާނީ ހަމައެކަނި ސީޕްލޭން ދަތުަރުތައް ---- ފޮޓޯ: އަދަދު

ރާއްޖޭގައި އެތެރޭގެ ދަތުރުތައް ކުރަމުން އަންނަ ތިން އެއާލައިންގެ ތެރޭގައި ހިމެނޭ މަންޓާ އެއާގެ ޑޮމެސްޓިކް އޮޕަރޭޝަންތައް ހުއްޓާލައި، ހަމައެކަނި ސީޕްލޭން ދަތުރުތައް ކުރާ ގޮތަށް ބަދަލުކުރަން އެ އެއާލައިނުން ނިންމައިފި އެވެ.

މަންޓާއިން މިކަން ރަސްމީކޮށް ކަށަވަރުކޮށް ނުދިން ނަމަވެސް އިތުބާރު ހުރި މަސްދަރުތަކުން އަދަދު ނޫހަށް ވަނީ މިކަން ކަށަވަރުކޮށްދީފަ އެވެ. އެ މީހުން ބުނި ގޮތުގައި މަންޓާއިން ވަނީ ކުރިއަށް ތިން މަހާއި ހަ މަސް ދުވަހުގެ ތެރޭގައި އޭޓީއާރު މަތިންދާބޯޓުތަކުގައި ކުރާ ދަތުރުތައް ހުއްޓާލަން ނިންމާފަ އެވެ. އަދި، މިކަން މުވައްޒަފުންނާ ވެސް ވަނީ މުއާމަލާތުކޮށްފަ އެވެ.

މަންޓާއިން މި ގޮތަށް ނިންމީ އެ އެއާލައިންނަށް ފައިދާވާ ގޮތަކަށް އޮޕަރޭޝަންތައް ފުޅާކުރެވޭނެ ގޮތެއް ނެތިގެންނެވެ. މިހެން ދިމާވަނީ، މި ނޫހަށް މައުލޫމާތު ދިން މީހުން ބުނި ގޮތުގައި، ޑޮމެސްޓިކް އެއާޕޯޓުތައް އޮޕަރޭޓުކުރާ ކުންފުނިތަކުން ދޭ ހިދުމަތްތަކަށް މަންޓާއިން ބޮޑު އަގު ނަގާތީ އެވެ. އޭގެ ތެރޭގައި އެ އެއާލައިނާ ވާދަވެރި، މޯލްޑިވިއަން ހިންގާ އައިލެންޑް އޭވިއޭޝަން ވެސް ހިމެނޭ ކަމަށް އެ މީހުން ބުންޏެވެ.

އައިލެންޑް އޭވިއޭޝަނުން ހިންގާ އެއާޕޯޓުތަކުގެ ތެރޭގައި ބ. ދަރަވަންދޫ އެއާޕޯޓާއި، ރ. އިފުރު އެއާޕޯޓާއި، ޅ. މަޑިވަރު އެއާޕޯޓު ހިމެނޭއިރު، މި ތިން އެއާޕޯޓަކީ ވެސް މަންޓާއިން ދަތުރުތައް ކުރި މަންޒިލުތަކެވެ. އެ ދަތުރުތައް ހުއްޓާލަން ޖެހުނީ ފްލައިޓް އޮޕަރޭޝަންސް އާއި ގްރައުންޑް ހޭންޑްލިން ފަދަ ކަންކަމަށް ނަގާ އަގު ދަށްކުރަން އައިލެންޑް އޭވިއޭޝުން އިންކާރުކުރުމުން ކަމަށްވެ އެވެ.

މަންޓާއިން ވަނީ ދަތުރުތައް ހުއްޓާނުލާ ކުރިއަށް ގެންދާނެ މަގެއް ހޯދަން، އައިލެންޑް އޭވިއޭޝަނާ މަޝްވަރާ ވެސް ކޮށްފަ އެވެ. އެ ގޮތުން މަންޓާއިން ހުށަހެޅި އެއް ގޮތަކީ ދެ އެއާލައިނުގެ ކޯޑު ޝެއާކޮށްގެން ދަތުރުތައް ކުރުމުވެ. ނަމަވެސް އައިލެންޑް އޭވިއޭޝަނުން ވަނީ މި ގޮތް ވެސް ކަމު ނުދާ ކަމަށް މަންޓާއަށް އަންގާފަ އެވެ.

ޑޮމެސްޓިކް ދަތުރުތައް ހުއްޓާލުމާއެކީ ޕައިލެންޓުންނާއި އިންޖިނިއަރުންނާއި ގްރައުންޑް އޮޕަރޭޝަންސް މުވައްޒަފުން ހިމެނޭހެން މަންޓާގައި މަސައްކަތްކުރާ ގިނަ ބަޔެއްގެ ވަޒީފާތައް ގެއްލޭނެ އެވެ. ނަމަވެސް މަންޓާގެ ބަހެއް ނުލިބޭތީ އެ މުވައްޒަފުންގެ އަދަދެއް ނޫނީ އެ މުވައްޒަފުންނަށް ދެން ވާނެ ގޮތަށް ނޭނގެ އެވެ. 

މިހާރު މަންޓާއިން ދަތުރުކުރަމުން އަންނަނީ ދާލު އެއާޕޯޓަށް އެކަންޏެވެ. އަދި، ޑޮމެސްޓިކް އޮޕަރޭޝަންތަކުގައި ބޭނުންކުރަމުން އައި އޭޓީއާރު 600-72 މަރުކާގެ ތިން ފްލައިޓުގެ ފްލީޓު އެކަކަށް ވަނީ ކުޑަކޮށްފަ އެވެ. 

މީގެ ހަތް އަހަރު ކުރިން ފެބްރުއަރީ 24، 2019 ގައި ހިދުމަތް ދޭން ފެށި މަންޓާއިން ވަނީ މިވީ ދުވަސްތަކުގެ ތެރޭގައި އެތެރޭގެ ދަތުރުތަކުގެ އިތުރުން އިންޓަނޭޝަނަލް ދަތުރުތައް ވެސް ކޮށްފަ އެވެ. 

މަންޓާއިން ދަތުރުކުރި މަންޒިލުތަކުގެ ތެރޭގައި ދ. ކުޑަހުވަދޫ އާއި ސ. ގަމާއި ހއ. ހޯރަފުށީގެ އިތުރުން ރ. އިފުރާއި ޅ. މަޑިވަރާއި ބ. ދަރަވަންދޫ ހިމެނެ އެވެ. އެ އެއާލައިނުން ވަނީ ސީދާ ދާލު އެއާޕޯޓުން އިންޑިއާގެ ބެންގަލޫރުއަށް ވެސް ދަތުރުތައް އޮޕަރޭޓުކޮށްފަ އެވެ. 

މަންޓާއިން ދަތުރުތައް ހުއްޓާލުމުން އެތެރޭގެ ދަތުރުތައް ކުރާ އެއާލައިންތަކަށް އޮންނާނީ މޯލްޑިވިއަން އާއި ވިލާ އެއާ އެވެ. ވިލާ އެއާއަކީ ހަމައެކަނި އދ. މާމިގިއްޔާއި ދަރަވަންދުއަށް ދަތުރުކުރާ އެއާލައިނެއް ކަމުން، ބާކީ ހުރި ހުރިހާ އެއާޕޯޓަކަށް ފްލައިޓު އަޅާ ހަމައެކަނި އެއާލައިނަކަށް އޮންނާނީ މޯލްޑިވިއަން އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox