ނަޕޯލީ ދޫކޮށް ލުކާކޫ ފެނަބާޗޭ އަށް

Aug 13, 2026, 7:07 AM
ވޯލްޑް ކަޕްގެ މެޗެއްގެ ތެރެއިން ލަނޑު ޖެހުމަށް ފަހު ލުކާކޫ އުފާފާޅުކުރަނީ.

ވޯލްޑް ކަޕްގެ މެޗެއްގެ ތެރެއިން ލަނޑު ޖެހުމަށް ފަހު ލުކާކޫ އުފާފާޅުކުރަނީ.

އިސްތަންބޫލް، ތުރުކީ (އޮގަސްޓް 13) - ނަޕޯލީ ދޫކޮށް ބެލްޖިއަމް ގައުމީ ފުޓްބޯޅަ ޓީމުގެ ފޯވާޑް، ރޮމެލޫ ލުކާކޫ، ތުރުކީގެ ސުޕަ ލީގުގެ ގަދަބާރު، ފެނަބާޗޭ އަށް ސޮއިކޮށްފި އެެވެ. 

އުމުރުން 33 އަހަރުގެ ލުކާކޫ، ފެނަބާޗޭ އަށް ސޮއިކުރީ ދެ އަހަރުގެ ކޮންޓްރެކްޓެއްގަ އެވެ. އެ އެއްބަސްވުމުގައިވާ ގޮތުން، ފެނަބާޗޭ އިން ބޭނުންވެއްޖެނަމަ، ތިން ވަނަ އަހަރަކަށް ވެސް ލުކާކޫ އެ ކްލަބްގައި މަޑުކުރުމުގެ ފުރުސަތު އެބައޮތެވެ.

ލުކާކޫގެ ސޮއި ހޯދުމަށް ފެނަބާޗޭ އިން މި ވަގުތު ދެއްކީ އަށް މިިލިއަން ޑޮލަރެވެ. އެކަމަކު، އެ ކްލަބްގައި ހޭދަކުރާ މުއްދަތުގައި ލުކާކޫ ހާސިލްކުރާ ކަންތައްތަކެއްގެ މައްޗަށް އިތުރު ޕޭމަންޓްތަކެއް މި ޑީލުގެ ތެރެއިން ނަޕޯލީ އަށް ދޭން ޖެހޭނެ އެވެ. އެ ގޮތުން ބަލާއިރު، ލުކާކޫގެ ޖުމްލަ ފީ 15 މިލިއަން ޑޮލަރަށް އެރުމުގެ ފުރުސަތު ވެސް އެބައޮތެވެ. 

ޔޫރަޕްގެ ވަރުގަދަ ކްލަބްތަކަށް ކުޅެފައިވާ ލުކާކޫ ބުނީ، ފެނަބާޗޭ ކަހަލަ މުއްސަނދި ތާރީހެއް އޮތް ކްލަބަކަށް ކުޅުމުގެ ފުރުސަތު ލިބުނީތީވެ، ވަރަށް ބޮޑަށް އުފާކުރާ ކަމަށެވެ. އަދި، ފެނަބާޗޭ ހާސިލްކުރަން ކަނޑައަޅާފައިވާ ޓާގެޓްތަކާ ހަމައަށް އެ ކްލަބް ގެންގޮސްދިނުމަށްޓަކައި، ކޮންމެ ޓްރެއިނިން އަކާއި މެޗެއްގައި ވެސް ވީ އެންމެ ރަނގަޅަށް މަސައްކަތް ކުރާނެ ކަމަށް ލުކާކޫ ވަނީ ބުނެފަ އެވެ. 

މިދިޔަ ސީޒަނަކީ ކްލަބް ކެރިއަރުގައި ލުކާކޫ އަށް ޗެލެންޖިން އަހަރެކެވެ. އެ ގޮތުން، އަނިޔާގެ ސަބަބުން ގިނަ މެޗުތަކެއް ގެއްލުނު ލުކާކޫ އަށް އިޓާލިއަން ލީގުގައި ކުޅުނު ހަތް މެޗުން ޖެހުނީ އެންމެ ގޯލެކެވެ. އަނިޔާ އިން ކޮންމެ ވެސް ވަރަކަށް ރިކަވާވެގެން، އެމެރިކާ، މެކްސިކޯ އަދި ކެނަޑާގައި ބޭއްވި ވޯލްޑް ކަޕްގައި ޖުމްލަކޮށް ބަދަލު ކުޅުންތެރިއެއްގެ ގޮތުގައި ކުޅެން އެރި ލުކާކޫ ވަނީ ބެލްޖިއަމް އަށް ތިން ގޯލު ޖަހައިދީފަ އެވެ. 

ފެނަބާޗޭ އަކީ ލުކާކޫ، އޭނާގެ ކެރިއަރުގައި ކުޅޭ ނުވަ ވަނަ ކްލަބް އެވެ. އެ ގޮތުން، މީގެ ކުރިން، އަންޑަލެކްޓް، ޗެލްސީ، ވެސްޓް ބްރޮމްވިޗް އަލްބިއަން، އެވަޓަން، މެންޗެސްޓާ ޔުނައިޓެޑް، އިންޓަ މިލާން، ރޯމާ އަދި ނަޕޯލީ އަށް ކުޅެފައިވެ އެވެ. މީގެ ތެރެއިން، ޗެލްސީ އާއި އިންޓަ އަށް ދެ ފަަހަރެއްގެ މަތިން ކުޅެފައިވެ އެވެ. 

ބެލްޖިއަމް ގައުމީ ޓީމަށް އެންމެ ގިނަ ގޯލު ޖަހައިދިނުމުގެ ރެކޯޑް އޮތް ލުކާކޫ ވަނީ، 132 މެޗުން 93 ލަނޑު ޖަހައިފަ އެވެ. މުޅި ޖުމްލަ ކެރިއަރަށް ބަލާއިރު، ކްލަބްތަކަށް ކުޅެދިން، 692 މެޗުން 324 ލަނޑު ޖަހައި، 100 ލަނޑު ޖަހަން ފުރުސަތު ތަނަވަސްކޮށްދީފައިވެ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox