މިދިޔަ އަހަރު އެމެރިކާގެ އަސްކަރީ އޮޕަރޭޝަންތަކުގައި އާއްމުންގެ 153 މީހުން މަރުވި

Aug 12, 2026, 11:33 AM
ފޮޓޯ: ރޮއިޓާސް

ފޮޓޯ: ރޮއިޓާސް

މިދިޔަ އަހަރު އެމެރިކާ ސިފައިން ހިންގި އަސްކަރީ އޮޕަރޭޝަންތަކުގައި އާންމުންގެ 153 މީހުން މަރުވެ، 243 މީހުން ވަނީ ޒަހަމްވެފައި ކަމަށް ޕެންޓަގަންގެ ތަހުގީގުތަކުން ދައްކައިފި އެވެ.

މިއީ 2024 ވަނަ އަހަރު އެމެރިކާގެ އަސްކަރީ އޮޕަރޭޝަންތަކުގައި އާންމުންގެ ދެ މީހުން މަރުވެ، ދެ މީހުން ޒަހަމްވި ކަމަށް ޕެންޓަގަންއިން ނެރުނު ރިޕޯޓާ އަޅާބަލާއިރު ވަރަށް ބޮޑު އިތުރުވުމެކެވެ.

އެމެރިކާގެ ކޮންގްރެސްއަށް ހުށަހަޅައި، އެ ގައުމުގެ މީޑިއާތަކުން އާންމުކޮށްފައިވާ ޕެންޓަގަންގެ ރިޕޯޓުގައި ބުނެފައިވަނީ، 2025 ވަނަ އަހަރު އާންމުން މަރުވެ އަދި ޒަހަމްވި ކަމަށް ރެކޯޑުކުރެވުނު ހާދިސާތަކަކީ ޔަމަނަށް އެމެރިކާއިން ދިން ތިން ހަމަލާއެއްގައި ހިނގާފައިވާ ކަންކަން ކަމަށެވެ.

Advertisement

ޕެންޓަގަންގެ ރިޕޯޓުގައިވާ ގޮތުން، 2025 ވަނަ އަހަރުގެ އޭޕްރީލް މަހު ޔަމަނަށް ދިން ތިން ހަމަލާއެއްގައި އާންމުންނަށް ގެއްލުން ލިބިފައިވާކަން އެމެރިކާގެ ސެންޓްރަލް ކޮމާންޑުގެ ތަހުގީގުތަކުން ވަނީ ކަށަވަރުވެފަ އެވެ.

މީގެ އިތުރުން، ޔަމަނުގައި ހިނގާފައިވާ އިތުރު 15 ހާދިސާއަކާ ގުޅިގެން ޖަމިއްޔާ ޖަމާއަތްތަކުން ހުށަހަޅާފައިވާ ރިޕޯޓުތަކާ ގުޅިގެން، 2026 ވަނަ އަހަރުގެ ފެބްރުއަރީ މަހުގެ ނިޔަލަށް އެމެރިކާގެ ސެންޓްރަލް ކޮމާންޑުން އެ މައްސަލަތައް ބަލަމުންދާ ކަމަށް ވެސް ޕެންޓަގަންގެ ރިޕޯޓުގައި ބަޔާންކޮށްފައިވެ އެވެ.

އެމެރިކާގެ އަސްކަރިއްޔާއިން ބުނާ ގޮތުގައި ޔަމަނަށް ދެމުންދާ ހަމަލާތަކުގެ މަގްސަދަކީ، އީރާނުގެ މަދަދުލިބޭ ހޫތީ ހަނގުރާމަވެރިންގެ ގާބިލުކަން ކުޑަކުރުމެވެ.

ނަމަވެސް، ކެރީބިއަން ސަރަހައްދާއި އިރުމަތީ ޕެސިފިކް ކަނޑުގެ ސަރަހައްދަށް އެމެރިކާއިން ދިން ހަމަލާތަކުގައި މަރުވި ނުވަތަ ޒަހަމްވި އެއްވެސް މީހެއްގެ މައުލޫމާތު ޕެންޓަގަންގެ މި ރިޕޯޓުގައި ހިމަނާފައެއް ނުވެ އެވެ.

ރައީސް ޑޮނަލްޑް ޓްރަމްޕްގެ ސަރުކާރުން ވަނީ އިރުމަތީ ޕެސިފިކް ސަރަހައްދުގައި މަސްތުވާތަކެތި އުފުލާ ކަމަށް ތުހުމަތުކުރެވޭ އުޅަނދުތަކަށް ހަމަލާދީފަ އެވެ. ޓްރަމްޕްގެ ސަރުކާރުން އެ އުޅަނދުތަކުގައި ތިބި މީހުން ސިފަކުރަނީ "މަސްތުވާތަކެތީގެ ޓެރަރިސްޓުން" ނުވަތަ "ނާކޯ-ޓެރަރިސްޓުން"ގެ ގޮތުގަ އެވެ.

ކޮންމެ ހަމަލާއަކަށް ފަހު އާންމުކޮށްފައިވާ މައުލޫމާތުތަކަށް ބަލާއިރު، 2025 ވަނަ އަހަރުގެ ސެޕްޓެމްބަރު މަހުން ފެށިގެން އެމެރިކާ ސިފައިން އެފަދަ އުޅަނދުތަކަށް ދިން ހަމަލާތަކުގައި 200 އަށްވުރެ ގިނަ މީހުން ވަނީ މަރުވެފަ އެވެ.

ހިއުމަން ރައިޓްސް ވޮޗް އަދި އެމްނެސްޓީ އިންޓަނޭޝަނަލް ފަދަ ޖަމާއަތްތަކުން ދެކޭ ގޮތުގައި، އެމެރިކާގެ މި ހަމަލާތަކަކީ ގާނޫނީ އިމުން ބޭރުން މީހުން މެރުމުގެ އަމަލުތަކެކެވެ. 

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox