ނެދަލެންޑްސް ކޯޗުކަން ބޭނުންވެގެން ނޫޅޭ ކަމަށް ވެން ބޮމެލް ބުނެފި

Aug 9, 2026, 2:52 PM
ބެލްޖިއަމް ގަައުމީ ފުޓްބޯޅަ ޓީމުގެ ކޯޗު، މާކް ވެން ބޮމެލް.

ބެލްޖިއަމް ގަައުމީ ފުޓްބޯޅަ ޓީމުގެ ކޯޗު، މާކް ވެން ބޮމެލް.

ބްރުސެލްސް، ބެލްޖިއަމް (އޮގަސްޓް 9) - ނެދަލެންޑްސް ގައުމީ ޓީމުގެ ކޯޗުކަން ބޭނުންވެގެން ނޫޅޭ ކަމަށް ދާދި ފަހުން ބެލްޖިއަމް ގައުމީ ފުޓްބޯޅަ ޓީމުގެ ކޯޗުކަމާ ހަވާލުވި، ނެދަލެންޑްސްގެ ކުރީގެ މިޑްފީލްޑަރު، މާކް ވެން ބޮމެލް ބުނެފި އެވެ. 

އުމުރުން 49 އަހަރުގެ ވެން ބޮމެލް، ބެލްޖިއަމް ޓީމުގެ ކޯޗުކަމާ ހަވާލުވެފައިވަނީ، 2028 ވަނަ އަހަރުގެ ޔޫރޯ ފުޓްބޯޅަ މުބާރާތުގެ ނިޔަލަށް އޮތް ކޮންޓްރެކްޓެއްގަ އެވެ. ކޯޗިން ކެރިއަރުގައި ވެން ބޮމެލް ވަނީ ޕީއެސްވީ އައިންދޯވަން، ވުލްފްސްބާގް އަދި ރޯޔަލް އަންޓްވާޕަށް ކޯޗުކޮށްދީފަ އެވެ. ރޯޔަލް އަންޓްވާޕަށް ކޯޗުކޮށްދިންއިރު، ވެން ބޮމެލް ވަނީ 2022/2023 ސީޒަނުގައި އެ ޓީމަށް ބެލްޖިއަމް ޕްރޯ ލީގާއި ކަޕް ޗެމްޕިއަންކަން ހޯދައިދީފަ އެވެ. 

ބެލްޖިއަމް ކޯޗެއްގެ ގޮތުގައި ވެން ބޮމެލް، ތައާރަފްކުރަން ބޭއްވި ނޫސްވެރިންގެ ބައްދަލުވުމުގެ ތެރެއިން، އޭނާއާ އެންމެ ބޮޑަށް އަމާޒުވި އެއް ސުވާލަކީ ނެދަލެންޑްސް ގައުމީ ޓީމުގެ ކޯޗަކަށް ދިއުމުގެ ވިސްނުމެއް އެބަހުރިތޯ އެވެ. އެކަމާ ބެހޭގޮތުން، ވެން ބޮމެލް ބުނީ، ނެދަލެންޑްސް ގައުމީ ޓީމުގެ ކޯޗުކަން ލިބޭތޯ ހުރުމަކީ ނޫނީ އެ ކަމާ މެދު ވިސްނުމަކީ މި ވަގުތު ކުރަން ޖެހޭ ކަމެއް ނޫން ކަަމަށެވެ. 

Advertisement

"ކޯޗެއްގެ ގޮތުގައި ގައުމީ ޓީމަކާ ހަވާލުވުމަކީ އެންމެ ރަނގަޅު ހިސާބު ކޯޗެއްގެ ގޮތުގައި ހުރެވޭނެ. އެއީ، ކޮންމެ ގައުމެއްގެ ވެސް އެންމެ މޮޅެތި ކުޅުންތެރިންނާ އެކު މަސައްކަތްކުރުމުގެ ފުރުސަތު އެ ލިބެނީ، (ބެލްޖިއަމާ އަޅާކިޔާއިރު) މާ ގިނަ މޮޅެތި ގައުމުތަކެއް އަނެއްހެނެއް ނެތް ދެން،" ވެން ބޮމެލް ބުންޏެވެ. 

"އަހަރެން ވަރަށް އުފަލުން މި ހުރީ، ހަގީގަތުގައި ކްލަބްގެ ކޯޗަކަށް ހުރުމަށް ވުރެން އަަހަންނަށް ވަރަށް ހަމަޖެހިލައިގެން މި ކަން ކުރެވިދާނެ،" 

މިދިޔަ ދެ އަހަރު އެއްވެސް ޕްރޮޖެކްޓެއް ނުނަގައި ހުއްޓައި، ބެލްޖިއަމްގެ އޮފާ ލިބިގެންދިއުމުން އެއްވެސް ދެ ވަނަ ވިސްނުމަކަށް ނުގޮސް، މި ޒިންމާ ނަގަން ބޭނުންވީ ބެލްޖިއަމާ އެކު ރަނގަޅު ކަންތައްތަކެއް ހާސިލްކުރެވޭނެ ކަމުގެ ޔަގީންކަން އޮތުމުން ކަމަށް ވެން ބޮމެލް ވަނީ ބުނެފަ އެވެ. 

"ބެލްޖިއަމަށް ކޯޗުކޮށްދިނުމަކީ، މި މަގާމާ ހަވާލުވާ ކޮންމެ މީހެއް ވެސް ދެކޭނެ ހެން ޝަރަފެއް،" ވެން ބޮމެލް ބުންޏެވެ. 

ބެލްޖިއަމާ އެކު، ވެން ބޮމެލް ކުރިމަތިލާނެ ފުރަތަމަ މެޗަކީ، ސެޕްޓެމްބަރު މަހު ކުޅޭ ޔުއެފާ ނޭޝަންސް ލީގުގައި އިޓަލީއާ ބައްދަލުކުރާ މެޗެވެ. އެއީ، އިޓަލީގެ ރޯމްގައި ސެޕްޓެމްބަރު މަހު 25 ގައި ކުޅެން އޮތް މެޗެކެވެ. އޭގެ ފަހުން، ދެން އޮތީ ތުރުކީ އާއި ފްރާންސާ ދެކޮޅަށް ބެލްޖިއަމުން ކުޅެން ޖެހޭ މެޗުތަކެވެ.  

އެމެރިކާ، މެކްސިކޯ އަދި ކެނަޑާގައި މި ފަހަރު ކުރިއަށްދިޔަ ފީފާ ވޯލްޑް ކަޕްގައި ބެލްޖިއަމްގެ ގައުމީ ފުޓްބޯޅަ ޓީމަށް ކޯޗުކޮށްދިން ރުޑީ ގާސިއާ ވަނީ އެ މުބާރާތަށް ފަހު މަގާމު ދޫކޮށްލައިފަ އެެވެ.  ބެލްޖިއަމުން ވަނީ މި ފަހަރުގެ ވޯލްޑް ކަޕްގައި ކުއާޓާ ފައިނަލުގައި ވެސް ވާދަކޮށްފަ އެވެ. އެ ޓީމު ކުއާޓާ ފައިނަލުން ކެޓީ މުބާރާތުގެ ޗެމްޕިއަންކަން ހޯދި ސްޕެއިން އަތުންނެވެ. ސްޕެއިން ކޮޅަށް މި ފަހަރުގެ ވޯލްޑް ކަޕްގައި ވަން ހަމައެކަނި ލަނޑު ޖެހީ ބެލްޖިއަމުންނެވެ. އެ ގޮތުން، އެމެރިކާ ބަލިކޮށް ކުއާޓާ ފައިނަަލަށް ދަތުރުކުރި ބެލްޖިއަމުން، ގަދަ އަށް ޓީމުގެ ބުރުގައި ސްޕެއިން އަތުން ފަހު ވަގުތު ބަލިވީ 2-1 އިންނެވެ. 

އުމުރުން 62 އަހަރުގެ ގާސިއާ، ބެލްޖިއަމްގެ ކޯޗުކަމާ ހަވާލުވީ ޖެނުއަރީ މަހު އެވެ. މަގާމުގައި ހޭދަކުރި ހަ މަސް ތެރޭ އޭނާ ވަނީ އެ ޓީމަށް ޖުމްލަ އެކުގައި 20 މެޗުގައި ކޯޗުކޮށްދީފަ އެވެ. އޭގެ ތެރެއިން 12 މެޗުން މޮޅުވިއިރު، ހަ މެޗުން އެއްވަރުވި އެވެ. ބަލިވީ އެންމެ ދެ މެޗުންނެވެ. 

މި ފަހަރުގެ ވޯލްޑް ކަޕްގައި ނެދަލެންޑްސް އަށް ކޯޗުކޮށްދިން ރޮނާލްޑް ކޫމަން މަގާމުން ވަކިވުމުން، އަދި އެ ޓީމުން ކޯޗަކު ހަމަޖައްސާފައިނުވެ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox