ޔޫކޭއިން ރާއްޖޭގެ ކަނޑުމަހުގެ ޓެރިފް 2028 ގެ ނިޔަލަށް މެދުކަނޑާލައިފި

މިފްކޯގެ ކޫއްޑޫ ފިޝަރީޒް ކޮމްޕްލެކްސްއަށް މަސް ކިރަނީ: ޔޫކޭއަކީ ރާއްޖެއިން ގިނަ އަދަދަކަށް މަސް ބޭރުކުރޭ ގައުމެއް --- ފޮޓޯ: މިރާޝް ނާޝިމް/އަދަދު

މިފްކޯގެ ކޫއްޑޫ ފިޝަރީޒް ކޮމްޕްލެކްސްއަށް މަސް ކިރަނީ: ޔޫކޭއަކީ ރާއްޖެއިން ގިނަ އަދަދަކަށް މަސް ބޭރުކުރޭ ގައުމެއް --- ފޮޓޯ: މިރާޝް ނާޝިމް/އަދަދު

އިނގިރޭސިވިލާތް (ޔޫކޭ) އަށް ރާއްޖޭން ބޭރުކުރާ ކަނޑުމަހުގެ އުފެއްދުންތަކުން ނަގަމުން އައި އިމްޕޯޓް ޑިއުޓީ، 2028 ވަނަ އަހަރުގެ ނިޔަލަށް މެދުކަނޑާލަން އެ ގައުމުގެ ސަރުކާރުން ނިންމައިފި އެވެ. 

ދެ ގައުމުގެ ސަރުކާރުގެ މެދުގައި އެތައް އަހަރުތަކެއް ވަންދެން ކުރެވުނު މަޝްވަރާތަކަށް ފަހު އައި މި ނިންމުމާ ގުޅިގެން ރާއްޖެއިން ޔޫކޭގެ ބާޒާރަށް މަހުގެ ބާވަތްތައް އެކްސްޕޯޓް ކުރުމުގައި ދައްކަންޖެހޭ %20 ގެ ޓެރިފް ކުރިއަށް އޮތް ދެ އަހަރާއި ހަ މަހެއްހާ ދުވަހަށް ކެނޑިގެން ދާނެ އެވެ.

ރަސްމީ ތަފާސްހިސާބުތަކުން ދައްކާ ގޮތުގައި ޔޫކޭއަކީ ރާއްޖޭގެ ކަނޑުމަހުގެ ބާވަތްތައް އެންމެ ގިނައިން އެތެރެކުރާ ގައުމުތަކުގެ ތެރެއިން ނުވަ ވަނަ ގައުމެވެ. ރާއްޖެއިން އަހަރަކު ގާތްގަނޑަކަށް 16.7 މިލިއަން އާއި 18 މިލިއަން ޕައުންޑާ ދެމެދުގެ އަދަދަކަށް ޔޫކޭއަށް މަސް ބޭރުކުރެ އެވެ.

ޔޫކޭގެ ތަފާސްހިސާބުތަކުން ދައްކާ ގޮތުގައި އެ ގައުމަށް އެންމެ ގިނައިން ކަނޑުމަސް ބޭރުކުރާ 10 ގައުމުގެ ތެރެއިން ހަތް ގައުމު (އިކުއެޑޯ، މޮރިޝަސް، ސީޝެލްސް، ގާނާ، ފިލިޕީންސް، ސްޕެއިން، ނެދަލޭންޑްސް) އިން އެއްވެސް ޑިއުޓީއަކާ ނުލާ އެ ގައުމަށް މަސް އެތެރެކުރެވެ އެވެ. 

ސަރުކާރުން ބުނާ ގޮތުގައި، މި ނިންމުމުގެ ސަބަބުން ދިވެހި މަސް އެކްސްޕޯޓްކުރާ ވިޔަފާރިތަކަށް އެހެން ގައުމުތަކާ އެއްހަމައެއްގައި ވާދަކުރުމުގެ ފުރިހަމަ ފުރުސަތު ލިބި، މަސްވެރިންނަށް ލިބޭ އަގު ރަނގަޅުވުމަށް މަގުފަހިވާނެ އެވެ.

އިނގިރޭސި ސަރުކާރުގެ މި ނިންމުމަށް ޝުކުރު އަދާކުރައްވަމުން ރައީސް މުހައްމަދު މުއިއްޒު އެކްސްގައި ވިދާޅުވީ، މި ނިންމުމުގެ ސަބަބުން ދިވެހި މަސްވެރިކަމުގެ ސިނާއަތަށާއި މަސްވެރިންނަށާއި އިނގިރޭސި ކަސްޓަމަރުންނަށް ވެސް މަންފާތައް ކުރާނެ ކަމަށެވެ. އޭގެ ތެރޭގައި މަސްވެރިންނަށް ލިބޭ އާމްދަނީ އިތުރުވެ، ރަށްރަށުގެ ދިރިއުޅުމުގެ ފެންވަރު މަތިވުމާއި، ތިމާވެއްޓާ ރައްޓެހި ގޮތެއްގައި ބާނާ ދިވެހި މަހުގެ އުފެއްދުންތަކަށް ޔޫކޭގެ ބާޒާރުން ފުރުސަތުތައް ފަހިވުން އެމަނިކުފާނު ފާހަގަކރުެއްވި އެވެ. 

"ދިވެހިރާއްޖެއަކީ ދޮށީގެ މަސްވެރިކަމުގެ ސިނާއަތުގައި ދުނިޔޭގެ ކުރިމަތީގައި ނަމޫނާ، އަދި ޒިންމާދާރުކަމާއެކު ދެމެހެއްޓެނިވި ގޮތެއްގައި މަސްވެރިކަން ކުރުމަށް ބައިނަލްއަގުވާމީ ގޮތުން ބަލައިގަނެފައިވާ ގައުމެއް. މި ތާރީހީ ކާމިޔާބީން ރަމްޒުކޮށްދެނީ ރާއްޖެ އާއި ޔޫކޭއާ ދެމެދު އޮތް ގާތް ގުޅުމާއި، ދެމެހެއްޓެނިވި ވިޔަފާރިއާއި އިގުތިސާދީ ކުރިއެރުމަށް ދެ ގައުމުން ދޭ އަހައްމިއްޔަތުކަން" މުއިއްޒު ވިދާޅުވި އެވެ. 

ޔޫކޭ ސަަރުކާރުގެ ނިންމުން އިއުލާންކުރައްވަމުން، އެ ގައުމުން ރާއްޖެއަށް ކަނޑައަޅާފައި ހުންނަ ސަފީރު، ނިކް ޑޭވިސް ވެސް ވަނީ ރާއްޖެއިން ކުރާ ދެމެހެއްޓެނިވި ދޮށީގެ މަސްވެރިކަމަށް ބައިނަލްއަގުވާމީ ބާޒާރުގައި އިތުރު ފުރުސަތުތައް ފަހިވެގެން ދާނެ ކަމަށް ވިދާޅުވި އެވެ. ހަމައެހެންމެ، މީގެ ސަބަބުން ޔޫކޭގެ ބާޒާރުގައި ދިވެހި ކަނޑުމަހުގެ އުފެއްދުންތައް އަގުހެޔޮ ވާނެ ކަމަށް ވެސް އޭނާ ފާހަގަކުރެއްވި އެވެ.  ބައިނަލްއަގުވާމީ ބާޒާރުގައި އިތުރު ފުރުސަތުތައް ފަހިވެގެންދާނެ ކަމަށް އޭނާ ފާހަގަކުރެއްވިއެވެ.

ސަރުކާރުން ބުނާ ގޮތުގައި ކުރިއަށް އޮތް ތަނުގައި މަސައްކަތް ކުރަމުން އަންނަނީ މި ނިންމުން ދާއިމީކުރާށެވެ. އެއީ މިހާރު ވެސް މަޝްވަރާކުރެވެމުން އަންނަ ރާއްޖެ-ޔޫކޭ މިނިވަން ވިޔަފާރީގެ އެއްބަސްވުން (ފްރީ ޓްރޭޑް އެގްރީމަންޓް ނުވަތަ އެފްޓީއޭ) ގެ މަޝްވަރާތަކުގައި ރާއްޖެއިން އެންމެ ބޮޑަށް ކުރާ ޑިމާންޑެވެ. 

މި އެފްޓީއޭގެ މަޝްވަރާތައް ފެށީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރުގަ އެވެ. އަދި،  މި ސަރުކާރުން ވެސް ވަނީ އެ މަޝްވަރާތައް ކުރިއަށް ގެންގޮސް، ޔޫކޭއާ އެކީ އެފްޓީއޭއެއް އެކުލަވާލާނެ ކަމަށް ބުނެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox