މެކްސިކޯގެ ލެޖެންޑަރީ ކީޕަރު އޮޗޯއާ ރިޓަޔާކުރާނީ މި ފަަހަރުގެ ވޯލްޑް ކަޕްގައި ކުޅެފައި

May 1, 2026, 10:19 AM
މެކްްސިކޯގެ ގޯލްކީޕަރު ގިލެރްމޯ އޮޗޯއާ.

މެކްްސިކޯގެ ގޯލްކީޕަރު ގިލެރްމޯ އޮޗޯއާ.

މެކްސިކޯ ސިޓީ (މެއި 1) - މެކްސިކޯގެ ލެޖެންޑަރީ ގޯލްކީޕަރު، ގިލެރްމޯ އޮޗޯއާ، ފުޓްބޯޅަ އިން ރިޓަޔާކުރަން ނިންމާފައިވަނީ، ޖޫން/ޖުލައިގައި އެމެރިކާ، މެކްސިކޯ އަދި ކެނަޑާގައި ހޯސްޓްކުރާ ފީފާ ވޯލްޑް ކަޕް ފުޓްބޯޅަ މުބާރާތަށް ފަހު ކަމަށް މީޑިއާ ރިޕޯޓްތައް ބުނެފި އެވެ. 

އުމުރުން 40 އަަހަރުގެ އޮޗޯއާ އަންނަނީ، 2006 ވަނަ އަހަރުގެ ވޯލްޑް ކަޕުން ފެށިގެން ހުރިހާ ވޯލްްޑް ކަޕެއްގައި ކުޅެމުންނެވެ. 

ޖަރުމަނުގައި 2006 ވަނަ އަހަރު ބޭއްވި ވޯލްޑް ކަޕްގައި އޮޗޯއާ އަކީ މެކްސިކޯގެ ތިން ވަނަ ގޯލްކީޕަރެވެ. އަދި، 2010 ވަނަ އަހަރު ދެކުނު އެފްރިކާގައި ހޯސްޓްކުރި ވޯލްޑް ކަޕްގައި އޮޗޯއާ އަކީ ޓީމުގެ ދެ ވަނަ ކީޕަރެވެ. އެ މުބާރާތުގައި ވެސް މެޗެއްގައި ފެނިފައިނުވެ އެވެ. އެކަމަކު، 2014 ވަަނަ އަހަރު ބްރެޒިލްގައި ބޭއްވި ވޯލްޑް ކަޕާއި 2018 ވަނަ އަހަރު ރަޝިއާގައި ބޭއްވި ވޯލްޑް ކަޕާއި އެންމެ ފަހުން، 2022 ވަނަ އަހަރު ބޭއްވި ވޯލްޑް ކަޕްގައި އޮޗޯއާ އަކީ މެކްސިކޯގެ ގޯލު ބެލެހެއްޓި ގޯލްކީޕަރެެވެ. އޭނާ ދެއްކި މޮޅު ކުޅުމުން ގިނަ ބަޔެއްގެ ލޮލުގައި އަޅައިގަތެވެ.  

ވޯލްޑް ކަޕްގައި ކުޅެން އޮޗޯއާ ނިންމީ މެކްސިކޯގެ ކޯޗުަކަމާ ހަވާލުވެ ހުރި ހަވިއޭ އަގީރޭއާ މަޝްވަރާ ކުރުމަށް ފަހު އެވެ. އަދި، އަމިއްލަ ގައުމުގައި ބާއްވާ ވޯލްޑް ކަޕެއްގައި ކުޅެފައި ފުޓްބޯޅަ އިން ރިޓަޔާކުރުމަކީ، އޮޗޯއާ ފަދަ ލެޖެންޑަކަށް ދެވެން އޮތް ނަމަ ފަހިކޮށްދޭން ޖެހޭ ފުރުސަތެއްގެ ގޮތުގައި މެކްސިކޯގެ ފުޓްބޯޅަ ފެޑެރޭޝަނުން ދެކެ އެވެ. 

މެކްސިކޯ ގައުމީ ޓީމަށް 2005 ވަނަ އަހަރު ކުޅެން ފެށި އޮޗޯއާ ވަނީ މިހާތަނަށް ގައުމީ ޓީމަށް 152 މެޗު ކުޅެދީފަ އެވެ.

މި ފަހަރުގެ ވޯލްޑް ކަޕްގައި މެކްސިކޯ ހިމެނެނީ، ދެކުނު އެފްރިކާ އާއި ދެކުނު ކޮރެއާ އަދި ޗެކް ރިޕަބްލިކްއާ އެއް ގްރޫޕެއްގަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox