ނޭޕާލް ފުޓްބޯލް އެސޯސިއޭޝަންގެ 24 އޮފިޝަލުން ފުރުން މަނާކޮށްފި

Apr 27, 2026, 9:28 AM
އޯލް ނޭޕާލް ފުޓްބޯލް އެސޯސިއޭޝަން (އަންފާ)އާ ދެކޮޅަށް ކުރިއަށްދިޔަ އެއްވުމެއްގެ ތެރެއިން.

އޯލް ނޭޕާލް ފުޓްބޯލް އެސޯސިއޭޝަން (އަންފާ)އާ ދެކޮޅަށް ކުރިއަށްދިޔަ އެއްވުމެއްގެ ތެރެއިން.

ކަތުމަންޑޫ، ނޭޕާލް (އޭޕްރީލް 27) - އޯލް ނޭޕާލް ފުޓްބޯލް އެސޯސިއޭޝަން (އަންފާ)ގެ 24 އޮފިޝަަލަކު ގައުމު ދޫކޮށް ފުރުން މަނާކުރަން ނޭޕާލްގެ ސްޕޯޓްސް ކައުންސިލުން އެ ގައުމުގެ ސަރުކާރު މެދުވެރިކޮށް އިމިގްރޭޝަނަށް އަންގައިފި އެވެ.

ނޭޕާލްގެ ސްޕޯޓްސް ކައުންސިލުން، ޑިޕާޓްމަންޓް އޮފް އިމިގްރޭޝަނަށް ފޮނުވި 24 މީހުންގެ ލިސްޓުގައި އަންފާގެ ރައީސް، ޕަންކަޖް ބިކްރަމް ނެމްބަަން އާއި ސީނިއާ ނައިބު ރައީސް، ބިރް ބަހާދުރް ކަަޑްކާގެ އިތުރުން އަންފާގެ ހިންގާ ކޮމިޓީގެ 15 އޮފިޝަލުންގެ ތެރެއިން ހަ މެމްބަރެއްގެ ނަން ވަނީ ހިމަނައިފަ އެވެ. 

ނޭޕާލްގެ ސްޕޯޓްސް ކައުންސިލުން އެ ގައުމުގެ ފުޓްބޯޅަ ފެޑެރޭޝަން، އަންފާ ސަސްޕެންޑްކުރަން ނިންމާފައި އޮތް ނިންމުން އުވާލައި، ކަންކަން ހައްލުކުރަން އިތުރު މުހުލަތެއް ދުނިޔޭގެ ފުޓްބޯޅައިގެ މައި އިދާރާ، ފީފާ އިން ވަނީ ދާދި ފަހުން ދީފަ އެވެ. އެކަމަކު، ސްޕޯޓްސް ކައުންސިލުން އަދިވެސް އަމަލުކުރަމުން އަންނަނީ ފީފާގެ އިރުޝާދަށް ނުަބަލައި އަމިއްލަ މެންޑޭޓަށް އިސްކަންދީގެންނެވެ. 

އަންނަ މަހުގެ ހަތަރެއްގެ ކުރިން، އަންފާގެ މައްސަލަތަކަށް ހައްލެއް ނުލިބިއްޖެނަަމަ، ނޭޕާލަށް ފީފާގެ ސަސްޕެންޝަނެއް އަންނާނެ އެވެ. 

ފީފާ އިން ނޭޕާލަށް މައްސަލަ ހައްލުކުރަން މިހާރު މި ވަނީ ދެ ވަނަ ފަހަރަށް މުުހުލަތެއް ދީފަ އެވެ. ނޭޕާލްގެ ސްޕޯޓްސް ކައުންސިލުން، އަންފާ، ތިން މަހަށް ސަސްޕެންޑްކުރަން ނިންމީ މިދިޔަ މަހުގެ 25 ވަނަ ދުވަހު އެވެ. އެ ސަސްޕެންޝަނުގެ ފުރަތަމަ މަސް މީގެ ދެ ދުވަސްކުރިން ވަނީ ހަމަވެފަ އެވެ.

ނޭޕާލް ސްޕޯޓްސް ކައުންސިލް، އަންފާ، ފީފާ އަދި އޭއެފްސީގެ އޮފިޝަލުން ވަނީ މި މަހުގެ 13 ވަނަ ދުވަހު އޮންލައިންކޮށް ބައްދަލުވުމެއް ބާއްވައިފަ އެވެ.

ފީފާ އިން މިދިޔަ ބުދަ ދުވަހު ފޮނުވި ސިޓީގައި ބުނެފައިވަނީ، ފީފާ އާއި އޭއެފްސީން ލަފާދީފައިވާ ގޮތަށް، އަންފާ އަށް ތިން ވަނަ ފަރާތެއްގެ ނުފޫޒެއް ނެތި ކުރިއަށްދިއުމުގެ ފުރުސަތު ދީ، ފުޓްބޯޅަ އިންތިހާބު ކުރިއަށް ގެންދިއުމަށްޓަކައި ޖާގަ ދިނުމަށެވެ. އަދި، އެކަން ކުރުމަށްޓަކައި، ނޭޕާލް ސްޕޯޓްސް ކައުންސިލުން މިހާރު، އަންފާ އަށް ދީފައި އޮތް ސަސްޕެންޝަން އުވާލުމަށް ވެސް ފީފާ އިން ވަނީ އަންގައިފަ އެވެ.

ފީފާ އިން މީގެ ކުރިން، ނޭޕާލް ސްޕޯޓްސް ކައުންސިލަށް ވަނީ މި މަހުގެ ހަތަރު ވަނަ ދުވަހުގެ ފޮނުވި ސިޓީގައި ހަތް ދުވަހުގެ މުހުލަތެއް ދީފަ އެވެ. އެކަމަކު، އެ މުއްދަތު ހަމަވިއިރު ވެސް ނޭޕާލް ސްޕޯޓްސް ކައުންސިލުން ފީފާގެ ނިންމުމަށް އިހުތިރާމްކޮށްފައިނުވެ އެވެ. އެކަމަކު، ފީފާ އިން މި ފަހަރު ދީފައިވާ އިރުޝާދާ އެއްގޮތަށް، ކަންތައްތައް ނުގޮސްފިނަމަ، އަންނަ މަހުގެ ހަތަރު ވަނަ ދުވަހުގެ ފަހުން، ނޭޕާލް ސަސްޕެންޑް ވާނެ ކަަމަށް ރިޕޯޓްތައް ބުނެ އެވެ. 

މީގެ ކުރިން، ބެލެވިފައި އޮތީ، މި މަހު 30 ވަނަ ދުވަހު، ކެނަޑާގެ ވެންކޫވާގައި ކުރިއަށްދާ ފީފާގެ 76 ވަނަ ކޮންގްރެސްގައި ނޭޕާލަށް ސަސްޕެންޝަނެއް އަންނާނެ ކަމަށެވެ. އެކަމަކު، އޭއެފްސީ އާއި ފީފާ އިން ނޭޕާލަށް އިތުރު މުހުލަތެއް ދިނުމާ އެކު، ކޮންގްރެސްގައި ނޭޕާލްގެ ސަސްޕެންޝަނާ މެދު ގޮތެއް ނުނިންމާނެކަން ވަނީ ކަށަވަރުވެފަ އެވެ.

އެކަމަކު، ނޭޕާލްގެ މީޑިއާ ރިޕޯޓްތައް ބުނާގޮތުން، ނޭޕާލްގެ ސްޕޯޓްސް ކައުންސިލުން ފީފާގެ ނިންމުމާ އެއްގޮތަށް ކުރިއަށްދިއުމުގެ ފުރުސަތު ފެންނަނީ ކުޑަކޮށެވެ. އަދި، އަންފާގެ މިހާރުގެ ލީޑަޝިޕް ބޭނުންވާ ގޮތަށް، ނޭޕާލްގެ ފުޓްބޯޅައިގެ އިންތިހާބު އަވަހަށް ބާއްވަން ސްޕޯޓްސް ކައުންސިލުން ރުހުމެއް ނުދޭނެ އެވެ. 

ނޭޕާލް ސަރުކާރުން އިސްވެ، އަންފާ އޮފިޝަލުންގެ ކޮރަޕްޝަންގެ ގިނަ މައްސަލަތަކެއް ވަނީ ބަލަން ފަށައިފަ އެވެ. އޭގެ ތެރޭގައި، އެންމެ ބޮޑަށް ބަލަނީ، އަންފާ އަށް ލިބޭ ފައިސާ ހަރަދުކުރާ ގޮތާއި، އަންފާގެ އޮފިޝަލުންގެ މުއްސަނދި ވަމުން އަންނާތީވެ، އެ މީހުން ފައިސާ ހޯދާ ގޮތްތައް ކަމަށް ރިޕޯޓްތައް ބުނެ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox