ގާނާއާ ވާހަކަ ނުދައްކާ ކަމަށް ލޯ ބުނެފި

Apr 4, 2026, 1:36 PM
ޖަރުމަނު ގައުމީ ޓީމުގެ ކުރީގެ ކޯޗު ޔަކީމް ލޯ.---

ޖަރުމަނު ގައުމީ ޓީމުގެ ކުރީގެ ކޯޗު ޔަކީމް ލޯ.---

މިއުނިކް (އޭޕްރީލް 4) - ގާނާގެ ގައުމީ ފުޓްބޯޅަ ޓީމުގެ ކޯޗުގެ މަގާމާ ހަވާލުވާން އެއްވެސް ވާހަކައެއް ދެކެވިފައިނުވާ ކަމަށް ޖަރުމަނު ގައުމީ ޓީމުގެ ކުރީގެ ކޯޗު ޔަކީމް ލޯ ބުނެފި އެވެ. 

ޖަރުމަނުގެ ގައުމީ ޓީމުގެ ކޯޗުކަން 2021 ވަނަ އަހަރު ދޫކޮށްލުމަށް ފަަހު، ލޯ ހުރީ ފުޓްބޯޅައިގެ ވަޒީފާ ތަކުން ދުރުވެ، އަމިއްލަ ދިރިއުޅުމުގެ ކަންކަމަށް ހުސްވެ އެވެ. އަދި، ފުޓްބޯޅައާ ގުޅޭ ކޮންސަލްޓެންސީގެ ވަކި ޕްރޮޖެކްޓްތަކުގައި މަސައްކަތްކޮށްފައިވާ ލޯ އަށް ޖަރުމަނު ފުޓްބޯޅަ ފެޑެރޭޝަނުގެ އެޑްވައިޒަރީ މަގާމެއް ހުށަހަޅާފައި އޮތް ނަމަވެސް ރަސްމީކޮށް އެ މަގާމާ ހަވާލުވެފައިނުވެ އެވެ. 

ގާނާސޮކަނެޓް އިން މިދިޔަ ދުވަސްތަކުގައި ރިޕޯޓްކޮށްފައިވާ ގޮތުގައި، ކުރު ކޮންޓްރެކްޓެއްގައި ފީފާ ވޯލްޑް ކަޕަށް ލޯ، ގާނާގެ ޓީމާ ހަވާލުވުމަށް މަޝްވަރާތައް ފަށާފައިވާ ކަމަށް ގާނާ ފުޓްބޯޅަ އެފްއޭގެ އޮފިޝަލެއް ވަނީ މައުލޫމާތު ދީފަ އެވެ. މިއީ، ގާނާގެ ކޯޗުކަމުން އޮޓޯ އައްޑޯ ވަކިކުރުމަށް ފަހު، ގާނާ އިން އަވަހަށް ކޯޗެއް ހަމަޖައްސަން ކުރާ މަސައްކަތުގެ ތެރެއިން އައި ރިޕޯޓްތަކެކެެވެ. 

"ގާނާ އިން ރަސްމީކޮށް އެކަކު ވެސް އަހަންނާ ވާހަކަ ދައްކާފައެއް ނެތް،" ސްކައި ސްޕޯޓްސް އަށް ލޯ ބުންޏެވެ. 

ޖަރުމަނު ގައުމީ ޓީމުގެ އެސިސްޓަންޓް ކޯޗެއްގެ ގޮތުގައި ލޯ ވަނީ 2004 އިން 2006 އަށް މަސައްކަތްކޮށްފަ އެވެ. އެއީ، ޔާގަން ކްލިންސްމަންގެ އެސިސްޓަންޓެއްގެ ގޮތުގަ އެވެ. އަމިއްލަ ގައުމުގައި 2006 ވަނަ އަހަރު ބޭއްވި ވޯލްޑް ކަޕަށް ފަހު، ކްލިންސްމަން މަގާމުން ވަކިވުމުން ލޯ ވަނީ އެ ޓީމުގެ ހެޑް ކޯޗުގެ މަގާމާ ހަވާލުވެފަ އެެވެ. އަދި، ލޯގެ ކޯޗުކަމުގައި 2008 ވަނަ އަހަރުގެ ޔޫރޯ ފައިނަލުގައި ކުޅުނު ޖަރުމަނުން 2014 ވަނަ އަހަރު ބްރެޒިލްގައި ބޭއްވި ވޯލްޑް ކަޕާއި 2017 ވަނަ އަހަރު ރަޝިއާގައި ބޭއްވި ކޮންފަޑެރޭޝަން ކަޕް ކާމިޔާބުކުރި އެވެ. 

އެކަމަކު، 2018 ވަނަ އަހަރުގެ ވޯލްޑް ކަޕާއި 2020 ވަނަ އަހަރުގެ ޔޫރޯގެ ނާކާމިޔާބީތަކަށް ފަހު، 21 އަހަރު ފަހުން، ލޯ ވަނީ  ޖަރުމަނު ގައުމީ ޓީމު ދޫކޮށްލައިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox