ދެ ވަނަ ލެގުން އެތުލެޓިކޯ އަތުން މޮޅުުވިޔަސް ސްޕެނިޝް ކަޕުން ބާސެލޯނާ ކަޓައިފި

Mar 4, 2026, 4:34 AM
ދެ ވަނަ ލެގުން އެތުލެޓިކޯ އަތުން މޮޅުުވިޔަސް ސްޕެނިޝް ކަޕުން ބާސެލޯނާ ކަޓައިފި

ބާސެލޯނާ (މާޗް 4) - ސްޕެނިޝް ކަޕް (ކޮޕަ ޑެލް ރޭ) ގެ ސެމީ ފައިނަލް ދެ ވަނަ ލެގުގައި ރޭ 3-0 އިން އެތުލެޓިކޯ މެޑްރިޑް އަތުން އަމިއްލަ ދަނޑުގައި ބާސެލޯނާ މޮޅުވި ނަމަވެސް އެގްރިގޭޓުން ކުރި ނުލިބޭތީ މުބާރާތުން ކަޓައިފި އެވެ.

ފުރަތަމަ ލެގުގައި އެތުލެޓިކޯ އިން އަމިއްލަ ދަނޑުގައި 4-0 އިން ހޯދި މޮޅާ އެކު، އެގްރިގޭޓުން 4-3 އިން ކުރިހޯދައި އެ ޓީމު ވަނީ ކޮޕަ ޑެލް ރޭގެ ފައިނަލަށް ދަތުރުކޮށްފަ އެވެ.

އަމިއްލަ ދަނޑުގައި ވަރުގަދަކޮށް ފެށި ބާސެލޯނާ އިން ލީޑުނެގީ 29 ވަނަ މިނިޓްގަ އެވެ. ލަމީން ޔަމާލް ދިން ބޯޅައަކުން ބާސެލޯނާ އަށް މި ލަނޑު ޖަހައިދިނީ މާކް ބާނާލް އެވެ. އޭގެ ފަހުން، ދެ ވަނަ ލަނޑެއް ޖެހޭތޯ ބާސެލޯނާ އިން މަސައްކަތްކުރިއިރު، ފުރަތަމަ ހާފުގެ އިތުރު ވަގުތުގެ ތެރޭގައި ދެ ވަނަ ލަނޑެއް ޖެހި އެވެ. މިއީ، ބާސެލޯނާގެ ޕެޑްރީ އަށް އޭރިއާތެރެއިން އެތުލެޓިކޯގެ ކްލެމެން ލޯންގްލޭ ކުރި ފައުލަކަށް ދިން ޕެނަލްޓީ އަކުން ރަފީނިއާ ޖެހި ގޯލެކެވެ.

އެތުލެޓިކޯ އަށް ލަނޑެއް ޖަހައިދޭން ޖޫލިއަން އަލްވަރޭޒް ފޮނުވާލި ބޯޅައެއް ބާސެލޯނާގެ ކީޕަރު، ޖޮއާން ގާސިއާ ވަނީ މަތަކޮށްފަ އެވެ. ބާސެލޯނާގެ ތިން ވަނަ ލަނޑު ޖެހީ ވެސް ބާނާލް އެވެ. މިއީ، 72 ވަނަ މިނިޓްގައި ޖޮއާއޯ ކަންސޭލޯ ނެގި ހުރަހަކަށް އަރައި ބާނާލް ޖެހި ލަނޑެކެވެ. މިއީ، އެންމެ ފަހުން ހަތަރު މެޗުން އޭނާ ޖެހި ހަތަރު ވަނަ ގޯލެވެ.

ބާސެލޯނާ އަށް އިތުރު ލަނޑެއް ޖަހައިދޭން ޖެރާޑް މާޓީން ފޮނުވާލި ބޯޅަ ދިޔައީ އަރިމަތިން ބޭރުންނެވެ.

އެތުލެޓިކޯ އިން ފައިނަލުގައި ކުޅޭނީ ދެ ވަނަ ސެމީން ރެއާލް ސޮސިއެޑާޑް އާއި އެތުލެޓިކް ބިލްބާއޯ ކުޅެގެން މޮޅުވާ ޓީމަކާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox