ސްޓްރާސްބޯ ބަލިކޮށް ޕީއެސްޖީން ފުރުސަތުގެ ބޭނުންހިފައި އެއް ވަނަ އަށް

Feb 2, 2026, 7:11 AM
ސްޓްރާސްބޯ ބަލިކޮށް ޕީއެސްޖީން ފުރުސަތުގެ ބޭނުންހިފައި އެއް ވަނަ އަށް

ޕެރިސް (ފެބްރުއަރީ 2) - ފްރެންޗް ލީގުގައި ރޭ ކުޅުންތެރިއަކު މަދުކޮށް މެޗު ނިންމާލަން ޖެހުނު ނަމަވެސް 2-1 އިން ސްޓްރާސްބޯ ބަލިކޮށް ޕީއެސްޖީން ފުރުސަތުގެ ބޭނުންހިފައި ލީގުގެ އެއް ވަަނައިގައި ލީޑެއް ނަގައިފި އެވެ.

ފްރެންޗް ލީގުގެ އެއް ވަަނައިގައި އޮތް ލޯންސް އިން ހުކުރު ދުވަހު ކުޅުނު މެޗުން ވަނީ 1-0 އިން ލެ ހާވްރޭ އަތުން ބަލިވެފަ އެވެ. މި ނަތީޖާއާ އެކު، ޕީއެސްޖީން އެއް ވަނައިގައި އޮތީ 20 މެޗުން 48 ޕޮއިންޓާ އެކު އެވެ. ދެ ވަނައިގައި އޮތް ލޯންސް އަށް 20 މެޗުން ވަނީ 46 ޕޮއިންޓް ލިބިފަ އެވެ.

ރަށުންބޭރުގައި ޕީއެސްޖީން މި މެޗު ފަށަން ޖެހުނީ އުނދަގޫ ކޮށެވެ. އެ ގޮތުން، މެޗުގެ 21 ވަނަ މިނިޓްގައި، ސްޓްރާސްބޯ އަށް ވަނީ ޕެނަލްޓީއެއް ލިބިފަ އެވެ. އެކަމަކު، ސްޓްރާސްބޯގެ ޔަކީން ޕަނިޗެލީ ޖެހި ޕެނަލްޓީ ޕީއެސްޖީގެ ކީޕަރު، މަޓްފެއި ސަފޯނޯވް ވަނީ މަތަކޮށްފަ އެވެ. އޭގެ މިނިޓެއް ފަހުން، ޕީއެސްޖީން ލީޑުނެގީ ބްރެޑްލީ ބާކޯލާ ދިން ބޯޅައަކުން ސެނީ މަޔޫލޫ ކާމިޔާބުކުރި ގޯލުންނެވެ.

Advertisement

އެކަމަކު، ޕީއެސްޖީ އަށް ލީޑުގައި އޮވެވުނީ ހަތް މިނިޓެވެ. ސްޓްރާސްބޯގެ ގުއޭލާ ޑޫއޭ، ޕީއެސްޖީގެ ޑެޒެއާ ޑޫއޭގެ ބޭބެ ވަނީ، ލަނޑު ޖަހައި އެ ޓީމަށް އެއްވަރުކޮށްދީފަ އެވެ.

އިތުރު ލަނޑެއް ޖަހައި، މޮޅުވާން މަސައްކަތް ކުރަމުން ދިޔަ ޕީއެސްޖީ އަށް މައްސަލަަ ދިމާވީ މެޗުގެ 74 ވަނަ މިނިޓްގައި އެ ޓީމުގެ އަޝްރަފް ހަކީމީ އަށް ރަތެއް ދެއްކުމުންނެވެ. ޕަނިޗެލީ އަށް ކުރި ފައުލަކަށް ހަކީމީ އަށް ފުރަތަމަ ދެއްކި ރީނދޫ ކާޑު ފަހުން، ރަތް ކާޑަކަށް ބަދަލުކުރީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށް ފަހު އެވެ.

ކުޅުންތެރިއަކު މަދުކޮށް ކުޅެ ވެސް އެޓޭކަށް ޖެހިގެން ޕީއެސްޖީން ރަނގަޅަށް މަސައްކަތް ކުރުމުގެ ނަތީޖާ އަކަށްވީ 81 ވަނަ މިނިޓްގައި ނޫނޯ މެންޑޭޒް ބޮލުން ގޯލެއް ޖަހައި އެ ޓީމު މޮޅުކޮށްދިނުމެވެ.

ޕީއެސްޖީގެ ކޯޗު، ލުއިސް އެންރީކޭ ބުނީ، މިއީ ޕީއެސްޖީ އަށް މޮޅުވެވިދާނެ މެޗެއްގެ ގޮތުގައި ގިނަ ބަޔަކަށް ނުބެލެވުނު ކަމުގައި ވިޔަސް އެ ގޮތަށް އެކަން ވިޔަނުދީ ޕީއެސްޖީން ޓީމެއްގެ ގޮތުގައި މަސައްކަތްކޮށް މޮޅެއް ހޯދުމުން ހިތްހަަމަޖެހޭ ކަމަށެވެ.

ސްޓްރާސްބޯގެ ކޯޗުކަމުގައި ހުރި ލިއަމް ރޮސެނިއާ، އެ ޓީމު ދޫކޮށް ޗެލްސީއާ ހަވާލުވިއިރު، ސްޓްރާސްބޯ އިން ގެނައި ކޯޗު، ގެރީ އޮނީލްއާ އެކު އެ ޓީމުން ނުކުތް ހަތަރު މެޗުގެ ތެރެއިން ބަލިވި ފުރަތަމަ މެޗަކީ ޕީއެސްޖީއާ ދެކޮޅަށް ނުކުތް މެެޗެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox