ދަގަނޑޭގެ ގޯލުތަކާ އެކު ނިއު އިން އީގަލްސް ބަލިކޮށްފި

Jan 22, 2026, 1:31 PM
މިއަދުގެ މެޗުގައި ލަނޑު ޖެހުމަށް ފަހު ދަގަނޑޭ އުފާފާޅުކުރަނީ.---- ފޮޓޯ: އެފްއޭއެމް

މިއަދުގެ މެޗުގައި ލަނޑު ޖެހުމަށް ފަހު ދަގަނޑޭ އުފާފާޅުކުރަނީ.---- ފޮޓޯ: އެފްއޭއެމް

ދިރާގު ދިވެހި ޕްރިމިއާ ލީގުގައި މިއަދު ހަވީރު އަލީ އަޝްފާގު (ދަގަނޑޭ) ކާމިޔާބުކުރި ލަނޑުތަކާ އެކު، ނިއު ރޭޑިއަންޓް ސްޕޯޓްސް ކްލަބުން 8-4 އިން ކްލަބް އީގަލްސްގެ މައްޗަށް ކުރިހޯދައިފި އެވެ.

މިއީ، 2021 ވަނަ އަހަރުގެ ޖެނުއަރީ މަހު، ކްލަބް ވެލެންސިއާ އަށް ކުޅެމުން ދިވެހި ޕްރިމިއާ ލީގުގައި ގޯލެއް ޖެހިފަހުން، ދަގަނޑޭ، ޕްރިމިއާ ލީގުގައި ގޯލެއް ޖެހި ފުރަތަމަ ފަހަރެވެ. ދަގަނޑޭ، މި ސީޒަނުގައި ނިއު އަށް ބަދަލުވިއިރު، އޭނާ ވަނީ ފާއިތުވި އަހަރުތަކުގައި ލިބިފައިވާ އަނިޔާތަކުން ރިކަވާވުމަށްޓަކައި، ކަކުލުގެ ދެ އޮޕަރޭޝަނެއްކޮށްފަ އެވެ.

އަނިޔާއިން ރިކަވާވެ، ނިއު އިން ދަގަނޑޭ، މެޗުތަކަށް ނެރެން ފެށި މި މަސްތެރޭގަ އެވެ. ބަދަލު ކުޅުންތެރިއެއްގެ ގޮތުގައި ކުޅެން ނުކުމެ، މެޗަކަށް ފަހު މެޗެއް ގިނަ ވަގުތު ކުޅެމުން އަންނަ ދަގަނޑޭ، މި މެޗުގައި ވެސް ކުޅެން ނުކުތީ ދެ ވަނަ ހާފުގައި ބަދަލަކަށެވެ.

މި މޮޅާ އެކު، ނިއު އިން ތިން ވަނައިގައި އޮތީ 16 މެޗުން 33 ޕޮއިންޓް ހޯދައިގެންނެވެ. އަދި، ފަސް ވަނައިގައި އޮތް އީގަލްސް އަށް ވަނީ، 16 މެޗުން 22 ޕޮއިންޓް ލިބިފަ އެވެ.

ނިއުގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: އިމޭޖަސް.އެމްވީ

ގަލޮޅު ދަނޑުގައި މިއަދު ކުުޅުނު މެޗުގައި ނިއު އިން ހަތަރު ވަނަ މިނިޓްގައި ލައިބީރިއާގެ އަބްދުﷲ ބިލިޓީ ޖެހި ގޯލުން ލީޑުނެގި އެވެ. އެކަމަކު، އޭގެ ހަ މިނިޓް ފަހުން އީގަލްސްގެ ސިއެރަ ލިއޯންގެ މިޑްފީލްޑަރު، އިބްރާހިމް ލެބީ ވަނީ ލަނޑު ޖަހައި އެއްވަރުކޮށްފަ އެވެ.

ނަތީޖާ އެއްވަރުކުރިތާ ހަތަރު މިނިޓް ފަހުން، ބިލިޓީ ވަނީ ދެ ވަނަ ފަހަރަށް ނިއު އަށް ލީޑުނަގައިދީފަ އެވެ. އަދި، މެޗުގެ 34 ވަނަ މިނިޓްގައި އަލީ ފާސިރު (ސެންޓޭ) ވަނީ ނިއު އަށް ލީޑުފުޅާކޮށްދީފަ އެވެ. އަދި، ފުރަތަމަ ހާފުގެ އިތުރު ވަގުުތުގެ ފުރަތަމަ މިނިޓްގައި، ނިއުގެ ނައިޖީރިއާ ފޯވާޑް، އަލްހާޖީ ގޭރޯ ވަނީ ނިއުގެ ހަަތަރު ވަނަ ލަނޑު ޖަހައިފަ އެވެ.

ފުރަތަމަ ހާފު ނިމުމުގެ ކުރިން އީގަލްސްގެ ފުލްބެކް، ޔޫސުފް ސިދާމް އަލީ (ސިއްކޮ) ވަނީ އީގަލްސްގެ ދެ ވަނަ ގޯލު ޖަހައިފަ އެވެ.

ދެ ވަނަ ހާފުގައި، ނިއުގެ ގޯމޭސް ޑަ ސިލްވާ އާއި ސެންޓޭ އިތުރު ލަނޑުތަކެއް ޖެހިއިރު، ފަހު 15 މިނިޓަށް ކުޅެން އެރި ދަގަނޑޭ ވެސް ވަނީ ދެ ލަނޑު ޖަހައިފަ އެވެ. އީގަލްސް އަށް މި ހާފުގައި ލަނޑުތައް ޖަަހައިދިނީ، އިބްރާހިމް މަހުދީ ހުސެެއިން (ފޭދޫ އިއްބެ)ގެ އިތުރުން، ޕެނަލްޓީ އަކުން އަލީ ހާފިޒް (ހާއްޕެ) އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox