އެތުލެޓިކޯ ބަލިކޮށް ރެއާލުން މި ފަހަރު ވެސް ސުޕަ ކަޕް ފައިނަލުގައި ބާސެލޯނާއާ ދެކޮޅަށް

Jan 9, 2026, 3:22 AM
އެތުލެޓިކޯ ބަލިކޮށް ރެއާލުން މި ފަހަރު ވެސް ސުޕަ ކަޕް ފައިނަލުގައި ބާސެލޯނާއާ ދެކޮޅަށް

ޖިއްދާ، ސައުދީ އަރަބިއްޔާ (ޖެނުއަރީ 9) - ސްޕެނިޝް ސުޕަ ކަޕްގެ ސެމީ ފައިނަލުގައި، އެތުލެޓިކޯ މެޑްރިޑް 2-1 އިން ބަލިކޮށް، ރެއާލް މެޑްރިޑުން މި ފަހަރުގެ ފައިނަލުގައި ވެސް ބާސެލޯނާއާ ދެކޮޅަށް ކުޅެން ޖެހިއްޖެ އެވެ.

ސެމީ ފައިނަލް ފުރަތަމަ މެޗުގައި އެތުލެޓިކް ބިލްބާއޯ، 5-0 އިން ބަލިކޮށް އެންމެ ފަހުގެ ޗެމްޕިއަން ބާސެލޯނާ އިން ފައިނަލުގެ ފުރަތަމަ ޖާގަ ހޯދި އެވެ. މާދަމާރޭގެ ފައިނަލުގައި ބާސެލޯނާ އިން ރެއާލާ ދެކޮޅަށް ކުޅެން ޖެހުނުއިރު، މިދިޔަ އަހަރުގެ ފައިނަލުގައި ބާސެލޯނާ އިން 5-2 އިން ރެއާލްގެ މައްޗަށް ކުރިހޯދައި، 15 ވަނަ ސުޕަ ކަޕް ހޯދި އެވެ.

އަލިންމާ ބޭންކް ސްޓޭޑިއަމްގައި ރޭ 50،000 އަށް ވުރެން ގިނަ މީހުންގެ ކުރިމަތީގައި ކުޅުނު މެޗުގައި، ރެއާލުން ވަނީ، ދެ ވަނަ މިނިޓްގައި ލީޑުނަގައިފަ އެވެ. މިއީ، ހިލޭ ޖެހުމަކުން ފެޑެރީކޯ ވަލްވޭޑޭ ޖެހި ގޯލެކެވެ.

ދެ ވަނަ ހާފުގައި ކުޅެން ނުކުމެ މެޗުގެ 55 ވަނަ މިނިޓްގައި، ރެއާލުގެ ރޮޑްރީގޯ ވަނީ އެ ޓީމުގެ ދެ ވަނަ ލަނޑު ޖަހައި ލީޑުފުޅާކޮށްދީފަ އެވެ. މި ލަނޑު ޖަހަން ރޮޑްރީގޯ އަށް ފުރުސަތު ހޯދައިދިނީ މެޗުގައި މޮޅަށް ކުޅުނު ވަލްވޭޑޭ އެވެ.

ރެއާލުން ދެ ގޯލުގެ ލީޑެއް ނެގިތާ ތިން މިނިޓް ފަހުން، އެތުލެޓިކޯގެ ލަނޑު ޖެހީ އަލެކްސަންޑަ ސޯލޯތު އެވެ. މިއީ، ސިމިއޯނީ ނެގި ހުރަހަކުން ސޯލޯތު ބޮލުން ޖެހި ގޯލެކެވެ. އޭގެ ފަހުން، އެތުލެޓިކޯ އިން ފުރުސަތުތަކެއް ހޯދައި ނަތީޖާ ހަމަހަަމަކުރެވޭތޯ މަސައްކަތްތަކެއް ކުރި ނަމަވެސް އިތުރު ގޯލެއް ނުޖެހުނެވެ. އެ ޓީމުގެ ފޯވާޑް، ޖޫލިއަން އަލްވަރޭޒް ޖެހި ބޯޅައެއް ވަނީ ގޯލުގެ ދަނޑިކައިރިން ބޭރުން ގޮސްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox