އީގަލްސް އިން އޮޑި ބަލިކޮށްފި

Dec 26, 2025, 6:22 PM
އީގަލްސް އަށް މިރޭގެ މެޗުގައި މޮޅު ކުޅުމެއް ދެއްކި ޒައިން (ކ) އާއި ފޭދޫ އިއްބެ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

އީގަލްސް އަށް މިރޭގެ މެޗުގައި މޮޅު ކުޅުމެއް ދެއްކި ޒައިން (ކ) އާއި ފޭދޫ އިއްބެ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ދިރާގު ދިވެހި ޕްރިމިއާ ލީގުގައި މިރޭ ކުޅުނު މެޗުން ކްލަބް އީގަލްސް އިން ލީގަށް ވާދަކުރަމުން އަންނަ އޮޑި ސްޕޯޓްސް ކްލަބް 2-0 އިން ބަލިކޮށްފި އެވެ.

މި ނަތީޖާއާ އެކު އެންމެ ބޮޑު ހިތްހަމަަ ޖެހުމެއް ލިބޭނީ ލީގުގެ އެއް ވަަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަން އަށެވެ. އެއީ، މާޒިޔާ އަށް އެއް ވަނައިގައި ހަ ޕޮއިންޓުގެ ލީޑެއް ލިބޭނެތީ އެވެ. މާޒިޔާ އަށް 12 މެޗުން 34 ޕޮއިންޓް ލިބިފައިވާއިރު، އޮޑި އަށް 12 މެޗުން ލިބިފައިވަނީ 28 ޕޮއިންޓެވެ. ލީގުގައި އޮޑި ބަލިވެފައިވަނީ، އީގަލްސް އާއި މާޒިޔާ އަތުންނެވެ.

ގަލޮޅު ދަނޑުގައި މިރޭ ކުޅުނު މެޗު ފަށައިގެން އީގަލްސް އާއި އޮޑީގެ ފަރާތުން ހަމަހަމަ ކުޅުމެއް ފެނިގެންދިޔައިރު، އީގަލްސްގެ ކުރިއަށް ކުޅޭ، ސާބިއާގެ ފޯވާޑް، ޑްރަގޯ މެކްސިމޯވިޗަށް ލިބުނު ހުސް ފުރުސަތެއްގައި ރަނގަޅަށް ބޯޅަ ކޮންޓްރޯލް ނުކުރެވިގެން ގޯލަށް ފޮނުވާލެވޭ ގޮތެއްނުވި އެވެ.

އީގަލްސް އިން ލީޑުނެގީ އޮޑީގެ ކުޅުންތެރިން ހެދި ގޯހެއްގެ ފައިދާނަގައިގެންނެވެ. އެ ގޮތުން، މެޗުގެ 31 ވަނަ މިނިޓްގައި އޮޑީގެ މުހައްމަދު ސާމިރު ފަހަތަށް ދިން ބޯޅައެއް ހޯދައި، އީގަލްސްގެ އިބްރާހިމް މަހުދީ (ފޭދޫ އިއްބެ) ތަނަވަސްކޮށްދިން ފުރުސަތެއްގައި ތިިރިތިރިން ގޯލުގެ ކަނަށް ބޯޅަ ފޮނުވާލައިގެން ޒައިން ޒަފަރު ވަނީ އީގަލްސް އަށް ލީޑުނަގައިދީފަ އެވެ.

އޮޑީގެ މިކްޔާލް (ކ) ކައިރިން އީގަލްސްގެ ފޭދޫ އިއްބެ ބޯޅަ ހިފައިގެންދަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

އޮޑި އަށް އެއްވަރުކޮށްދޭން އެ ކްލަބުން ފޮނުވާލި ހަމަލާތައް އީގަލްސްގެ ކީޕަރު، މުހައްމަދު އަޝްވާން ވަނީ މަތަކޮށްފަ އެވެ. އަދި، އޮޑީގެ ލިތުއޭނިއާ ފޯވާޑް، ކަރޮލިސް ލައުކްޒެމިސް ފޮނުވާލި ބޯޅައެއް ވަނީ ހުރަސްދަނޑިއަށް އަމާޒުވެފަ އެވެ.

ދެ ވަަނަ ހާފުގައި އީގަލްސް އިން ލަނޑު ޖަހާނެ ފުރުސަތުތަކެއް ކައުންޓަ އެޓޭކުގައި ހޯދަމުންދިޔައިރު، އެ ޓީމުގެ ދެ ވަނަ ލަނޑު ޖެހީ މެޗުގައި ރަނގަޅު ކުޅުމެއް ދެއްކި، ސިއެރަ ލިއޯންގެ މިޑްފީލްޑަރު އިބްރާހިމް ލެބީ އެވެ. މެޗުގެ 66 ވަނަ މިނިޓްގައި ލެބީ މި ލަނޑު ޖެހީ އޭރިއާތެރެއިން ޒައިން ދިން ބޯޅައަކުންނެވެ. މި ލަނޑު ޖެހުމުގެ ކުރިން ލެބީ އަތުން ރަނގަޅު ދެ ފުރުސަތެއް ވަނީ ގެއްލިފަ އެވެ.

މެޗުގައި އޮޑިން ލަނޑު ޖެހޭތޯ ފޮނުވާލި ގިނަ ބޯޅައެއް އީގަލްސްގެ ކީޕަަރު އަޝްވާން ވަނީ މަަތަކޮށްފަ އެވެ. އޭގެ ތެރޭގައި، އޮޑީގެ ނައިޖީރިއާ ޑިފެންޑަރު، ގަނިއޫ އަޓަންޑާ ބޮލުން ފޮނުވާލި ހަމަލާއެއް ވެސް ހިމެނެ އެވެ.

ލީގުގެ ދެ ވަނަ ބުރުގައި ކުޅުނު ފުރަތަމަ ދެ މެޗުން ބަލިވި އީގަލްސް އިން ދެ ވަނަ ބުރުގައި ހޯދި ފުރަތަމަ މޮޅާ އެކު، 12 މެޗުން 16 ޕޮއިންޓް ހަމަކޮށް، މި ވަގުތު އޮތީ ލީގުގެ ހަ ވަނައިގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox