ބަޖެޓު 2026: ގަތަރުން ތިން ބިލިއަން ރުފިޔާގެ ލޯނެއް

އަންނަ އަހަރުގެ ބަޖެޓު ފޮތް މަޖިލިސް މެންބަރެއްގެ މޭޒު މަތީގައި: އަންނަ އަހަރު ދަރަނީގެ ގޮތުގައި ގާތްގަނޑަކަށް 22 ބިލިއަން ރުފިޔާ ހޯދާ --- ފޮޓޯ: ރައްޔިތުންގެ މަޖިލިސް

އަންނަ އަހަރުގެ ބަޖެޓު ފޮތް މަޖިލިސް މެންބަރެއްގެ މޭޒު މަތީގައި: އަންނަ އަހަރު ދަރަނީގެ ގޮތުގައި ގާތްގަނޑަކަށް 22 ބިލިއަން ރުފިޔާ ހޯދާ --- ފޮޓޯ: ރައްޔިތުންގެ މަޖިލިސް

އަންނަ އަހަރު ބަޖެޓުން ކުރަން ޖެހޭ ހަރަދުތައް ކުރަން ދަރަނީގެ ގޮތުގައި ހޯދާ ފައިސާގެ ތެރޭގައި ގަތަރު ފަންޑު ފޯ ޑިވެލޮޕްމަންޓުން ތިން ބިލިއަން ރުފިޔާގެ ލޯނެއް ހިމެނޭ ކަމަށް ފިނޭންސް މިނިސްޓްރީން ބުނެފި އެވެ.

އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހަޅާފައިވާ ބަޖެޓުގައި، ދަރަނީގެ ގޮތުގައި 21.9 ބިލިއަން ރުފިޔާ ހޯދަން ރާވާފައިވެ އެވެ. މިއީ މި އަހަރު ދަރަންޏަށް ނަގާ 20.6 ބިލިއަން ރުފިޔާއަށް ވުރެ ބޮޑު އަދަދެކެވެ.

ދަރަންޏަށް ނަގާ ފައިސާގެ ތެރެއިން 6.5 ބިލިއަން ރުފިޔާ ނަގަނީ ބައިލެޓެރަލް ޕާޓްނަރުންގެ އަތުންނެވެ. މި ދަރަނީގެ އެންމެ ބޮޑު ހިއްސާއެއް ކުރަނީ ގަތަރުން ނަގާ ލޯނެވެ. ދައުލަތުން ދައްކަން ޖެހިފައިވާ ލޯނުތަކުގެ ތާވަލުގައި ހުރި މައުލޫމާތަށް ބަލާއިރު، މިއީ ގަތަރު ފަންޑުން ނަގާ ފުރަތަމަ ލޯނެވެ.

Advertisement

ނަމަވެސް މީގެ ކުރިން ސައުދީ ފަންޑާއި އަބޫދާބީ ފަންޑުންނާއި ކުވައިތު ފަންޑުން ލޯނު ނަގާފައިވެ އެވެ. މީގެ ތެރެއިން ގިނަ ލޯނުތަކަކީ ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް ތަރައްގީކުރަން ނެގި ލޯނުތަކެވެ.

ގަތަރު ފަންޑުން ނަގާ ލޯނަކީ ކޮން ކަމަކަށް ބޭނުންކުރާ ފައިސާއެއް ކަމެއް އަދި ނޭނގެ އެވެ. ފިނޭންސުގައި މި ސުވާލުކުރުމުން އެ މިނިސްޓްރީގެ އޮފިޝަލަކު ބުނީ އެކަން ސާފުކުރުމަށް ފަހު ޖަވާބެއް ދޭނެ ކަމަށެވެ.

އަންނަ އަހަރު ދަރަނީގެ ގޮތުގައި ގިނަ އަދަދެއްގެ ފައިސާ ހޯދާއިރު، ސަރުކާރުގެ ފައިނޭންސިން ޕްލޭން މަސައްކަތް ކުރުން ނޫން ގޮތެއް އަންނަ އަހަރު ނެތެވެ. ސަބަބަކީ ދައްކަން ޖެހިފައިވާ ބޮޑެތި ލޯނުތައް ބޯމަތިވެފައި އޮއްވައި، ހަރަދު ކުޑަކުރުމެއް ނެތި ސަރުކާރުގެ ހަރަދުތައް ބޮޑުވާ ސިޔާސަތުތަކައިގެން ކުރިއަށް ދިޔުމެވެ.

ސަރުކާރުން ވަނީ ހަރަދު ކުޑަކުރަން ގެންގުޅުން ހޯމް ގްރޯން ފިސްކަލް ރިފޯމް އެޖެންޑާއަށް ހެދި ގޮތެއް ނުބުނެ އެ މަސައްކަތް ހުއްޓާލައިފަ އެވެ. އަންނަ އަހަރުގެ ބަޖެޓުގައި ހަރަދު ކުޑަކުރުން އަޅާ ފިޔަވަޅެއް އަދި ހަރަދު ކުޑަވާ ދާއިރާއެއް ފެންނާކަށް ނެތެވެ.

އަންނަ އަހަރު ދަރަންޏަށް އިތުރުވާ ފައިސާއާއެކީ، އެ އަހަރު ނިމޭއިރު ދައުލަތުގެ ދަރަނި، ގެރެންޓީ ދީފައިވާ ދަރަނި ހިމަނައިގެން، ހުންނާނެ ކަމަށް އަންދާޒާ ކުރަނީ 158.8 ބިލިއަން ރުފިޔާގަ އެވެ. މިއީ ޖީޑީޕީގެ ނިސްބަތުން 127.6 ޕަސެންޓެވެ.

އަންނަ އަހަރު ބޮޑެތި ދަރަނިތަކެއް ދެއްކިޔަސް ދަރަނި އިތުރުވަނީ، ދަރަންޏަށް ފައިސާ ހޯދައިގެން ދަރަނި ދައްކަން ރާވާފައިވާތީ އެވެ. އަދި މިހާރު ޖީޑީޕީގެ ނިސްބަތުން ރެކޯޑު އަދަދަދަކަށް (135 ޕަސެންޓަށް) ދަރަނި އުފުލިފައިވާއިރު، މި އަދަދު ދަށް ވަނީ ގެރެންޓީ ދީފައިވާ ލޯނުތަކެއް ނިމުމަކަށް އަންނާތީ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox