އިންފަންޓީނޯގެ މެޗާ ދިމާކޮށް ފީފާއިން އިޒްރޭލު ބޭން ކުރަން ގޮވާލި މީހަކު ގަލޮޅު ދަނޑުން ނެރެފި

ފީފާއިން އިޒްރޭލު ބޭން ކުރުމަށް ގޮވާލައި މިއަދު ގަލޮޅު ދަނޑުގައި އަޑުއުފުލި މީހުން ކައިރި ފުލުހުން ހަރަކާތްތެރިވަނީ ----

ފީފާއިން އިޒްރޭލު ބޭން ކުރުމަށް ގޮވާލައި މިއަދު ގަލޮޅު ދަނޑުގައި އަޑުއުފުލި މީހުން ކައިރި ފުލުހުން ހަރަކާތްތެރިވަނީ ----

ފީފާގެ ރައީސް ޖިއާނީ އިންފަންޓީނޯ އާއި ރާއްޖޭގެ ރައީސް މުހައްމަދު މުއިއްޒު ބައިވެރިވެވަޑައިގެންނެވި ހާއްސަ ފުޓްބޯޅަ މެޗާއި ދިމާކޮށް، ފީފާއިން އިޒްރޭލު ބޭން ކުރުަމށް ގޮވާލި މީހަކަށް ފުލުހުން ހުރަސް އަޅައި އޭނާ ގަލޮޅު ދަނޑުން ނެރެފި އެވެ.

މިއަދު ހަވީރު އޮތް މި މެޗާއި ދިމާކޮށް ބަޔަކު ވަނީ އިޒްރޭލާއި ދެކޮޅު އަދި ފަލަސްތީނާއި އެއްކޮޅު ޕޯސްޓަރުތަކެއް ހިފައިގެން ގަލޮޅު ދަނޑަށް ވަދެ އަޑުއުފުލާފަ އެވެ. އެ މީހުން ގޮވާލީ އިޒްރޭލުން ފަލަސްތީނުގެ ރައްޔިތުންނާއި ދެކޮޅަށް ހިންގާ ލާއިންސާނީ އަމަލުތަކުގެ ސަބަބުން، ދުނިޔޭގެ ފުޓްބޯޅައިން އިޒްރޭލު ބޭންކޮށް ފިޔަވަޅު އަޅަން ޖެހޭ ކަމަށެވެ.

އެ މީހުން ކައިރިއަށް ފުލުހުން ގޮސް އެތަނުން އެކަކު ދަނޑުން ނެރޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި މިހާރު ދަނީ ދައުރުވަމުންނެވެ. ދެ ފުލުހަކު އެ މީހާ ނެރެގެން ގެންދާއިރު ދެން ތިބި މީހުން އިޒްރޭލާ ދެކޮޅަށް އަޑުއުފުލަމުންދާ މަންޒަރު ފެނެ އެވެ.

ފުޓްބޯޅައިގެ ހަރަކާތްތަކުގައި އިޒްރޭލް ބައިވެރިވުން ހުއްޓުވައި، އެ ގައުމާ މެދު ފިޔަވަޅު އަޅަން ފީފާގެ ރައީސް ޖިއާނީ އިންފަންޓީނޯ މީގެ ކުރިން ވަނީ ދެކޮޅު ހައްދަވާފަ އެވެ.

ޒިއުރިކްގެ ފީފާ ހެޑްކުއާޓާސްގައި މި މަހުގެ ކުރީކޮޅު ކުރިއަށްދިޔަ، ފީފާ ކައުންސިލް ބައްދަލުވުން ފެށުމުގެ ގޮތުން، ދެއްކެވި ވާހަކައިގައި އިންފަންޓީނޯ ވިދާޅުވީ، ދުނިޔޭގެ އެކި ސަރަހައްދުތަކުގައި އެކިއެކި ދަތިތައް ތަހައްމަލުކުރަމުން އަންނަ ފަރާތްތަކުގެ މަތިން ހަނދާން ކުރާ ކަމަށާއި ފުޓްބޯޅަ ދުނިޔެ އަށް ކުރެވޭނެ އެންމެ ބޮޑު ކަމަކީ، އެއްބައިވަންތަ ކަމާއި ސުލްހަ މަސަލަސްކަން ގާއިމްކުރުމަށް ބާރު އެޅުން ކަަމަށެވެ.

"ފީފާ އަށް ޖިއޯޕޮލިޓިކަލް މައްސަލަތައް ހައްލެއް ނުކޮށްދެވޭނެ. އެކަމަކު ފުޓްބޯޅަ ޕްރޮމޯޓް ކުރުމުގެ މަސައްކަތުގެ ތެރެއިން އިންސާނީ ހައްގުތަކުގެ ކަންކަން ކަށަވަރުކުރަން މަސައްކަތް ކުރެވިދާނެ،" އިންފަންޓީނޯ ވިދާޅުވި އެވެ.

މިއީ، އިޒްރޭލާއި ރަޝިއާއާ މެދު އެއް ހަމައަކުން އަމަލުކުރަން ފީފާ އިން ގެންގުޅޭ ދެފުށްދެގޮތް އުސޫލެއް ކަމަށް ބުނެ، ގިނަ ބަޔަކު ފާޑުކިޔަށް ފެށުމާ އެކު، އިންފަންޓީނޯ ވަނީ އިންސްޓަގްރާމްގައި ޕޯސްޓެއް ކުރައްވައި، ފަލަސްތީނުގެ ފުޓްބޯޅަ އެސޯސިއޭޝަންގެ ރައީސް، ޖިބްލީލް ރަޖޫބްއާ ބައްދަލުކުރެއްވި ކަަމަށް ވިދާޅުވެފަ އެވެ.

ރަސްމީ ދަތުރެއްގައި އިންފަންޓީނޯ ރާއްޖެ ވަޑައިގެންނެވީ މިއަދު ހެދުނު އެވެ.

އޭނާއަށް މަރުހަބާ ދެންނެވުމަށް، ވެލާނާ އިންޓަނޭޝަނަލް އެއާޕޯޓުގައި ހަރަކާތްތަކެއް ރޭވިފައިވާއިރު، ސަގާފީ ހަރަކާތްތަކެއް ކުރިއަށްދާނެ އެވެ. އަދި، ގައުމީ ފުޓްބޯޅަ ޓީމާއި ގައުމީ ފުޓްސަލް ޓީމުގެ ކުޅުންތެރިންގެ އިތުރުން އެކަޑަމީތަކުގެ ކުދިން ވެސް އިންފަންޓީނޯ އަށް މަރުހަބާ ކިއުމުގެ މި އިވެންޓްގައި ބައިވެރިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox