ނިއު ރޭޑިއަންޓްއާ އެކު ސުޒޭނަށް ރާއްޖޭގެ އެންމެ ބޮޑު ކްލަބްގެ ޕްރެޝަރު

Oct 23, 2025, 9:26 AM
ލީގުގައި ނިއު އިން ވިކްޓަރީއާ ކުުޅުނު މެޗުގެ ތެރެއިން ސުޒޭން.--- ފޮޓޯ: ރާއިފް ޔޫސުފް/ އަދަދު ސްޕޯޓްސް

ލީގުގައި ނިއު އިން ވިކްޓަރީއާ ކުުޅުނު މެޗުގެ ތެރެއިން ސުޒޭން.--- ފޮޓޯ: ރާއިފް ޔޫސުފް/ އަދަދު ސްޕޯޓްސް

ނިއު ރޭޑިއަންޓް ސްޕޯޓްސް ކްލަބްގެ ބެންޗުގައި އެ ޓީމުގެ ކޯޗަކަށް ހުންނައިރު، ރާއްޖޭގެ އެންމެ ބޮޑު ކްލަބްގައި ހުރެ ނަތީޖާ ނެރުމުގެ ޕްރެޝަރު އޮންނާނެ ކަމަށް ނިއުގެ ކޯޗު އަލީ ސުޒޭން ބުނެފި އެވެ.

މީގެ ހަތް އަހަރު ކުރިން، 2019 ވަނަ އަހަރު، އެފްއޭއެމް އިން ނިއު ސަސްޕެންޑްކުރުމުން، 2022 ވަނަ އަހަރު ސަސްޕެންޝަނުން ސަލާމަތްވެ، ޖެހިޖެހިގެން ދެ ސީޒަނުގައި ދެ ވަނަ ޑިވިޝަނުގައި ނިއު ކުޅުނެވެ. ނިއު އަށް މި ފަަހަރުގެ ފުރަތަމަ ޑިވިޝަނުން ޖާގަ ލިބުނީ، ސުޕަ ޔުނައިޓެޑް ސްޕޯޓްސް (ސަސް) ވަކިވުމުންނެވެ.

މި ފަހަރުގެ ލީގާ ދިމާކޮށް ނިއުގެ ކޯޗުކަމާ ހަވާލުވީ، އެ ކްލަބާ އެންމެ ވާދަވެރި ވިކްޓަރީ ސްޕޯޓްސް ކްލަބްގެ ކުރީގެ ކޯޗު ސުޒޭން އެވެ. މީގެ ކުރިން ވެސް ސުޒޭނަށް ނިއުގެ ކޯޗަކަށްވުމުގެ ފުރުސަތު ލިބި ބޭނުންނުކުރި ނަމަވެސް މި ފަހަރު އޭނާ މި ވަނީ އެ އޮފާ އައުމުން ގަބޫލުކޮށްފަ އެވެ.

ނިއުގެ ކޯޗުކަމާ ސުޒޭން ހަވާލުވެ، މިހާތަނަށް ކުރިމަތިލި ލީގުގެ ހަތަރު މެޗުން ވެސް މޮޅުވެފައިވާއިރު، އެ ޓީމު އޮތީ ލަނޑުގެ ތަފާތުން މާޒިޔާ ސްޕޯޓްސް އެންޑް ރެކްރިއޭޝަނަށް ވުރެން ކުރީގައި ލީގުގެ އެއް ވަނަ މަގާމުގަ އެވެ.

ނިއުގެ ކޯޗަކަށް ހުރެ، ވިކްޓަރީއާ ދެކޮޅަށް ސުޒޭން ނުކުތް ފުރަތަމަ މެޗުން، ނިއު މޮޅުވީ 4-0 އިންނެވެ. އެ މެޗަށް ފަހު ސުޒޭން ބުނީ، ނިއު އަށް އައީ ކާމިޔާބު މަސައްކަތެއް ކުރުމަށް ޗެލެންޖް ނަގައިގެން ކަމަށެެވެ.

"ދިވެހިރާއްޖޭގެ އެންމެ ބޮޑު ކްލަބްގެ ކޯޗަކަށް ހުރުން، އެ ޓަޗްލައިންގައި ހުންނައިރު އެ ޕްރެޝަރު، މިއީ، ފަސޭހަކަމެއް ނޫން، އިނގޭތޯ، 0-0 ގައި އޮންނައިރު ލީޑުކޮށްލާއިރު ހިތަށް ފިނިކަމެއް ލިބިދާނެ ކަންނޭނގެ. އެކަމަކު އެ ޕްރެޝަރަކީ އާދައިގެ ކަމެއް ނޫން، ވިކްޓަރީގައި ހުރިއިރު ވެސް އެ ޕްރެޝަރު، އަނެއްކާ ވެސް އެތައް އަހަރެއް އެތައް ދުވަހެއް ވީ ފަހުން އަނެއްކާ ވެސް މި އޮތީ އެ ޕްރެޝަރު ނަގަން ޖެހިފައި، އިރާދަކުރެއްވިއްޔާ، އަދި މި ދަނީ ރަނގަޅު، މީކީ ފަސޭހަކަމެއް ނޫން، ބޮޑު ކްލަބެއްގެ އެ ޕްރެޝަރު ނެގުން،" ސުޒޭން ބުންޏެވެ.

"ފުޓްބޯޅައިގެ ބިއުޓީ (ރީތި ކަމަކ) އަކީ އެއީ، ޕްރެޝަރާއެކީގައި މަސައްކަތް ކުރާއިރު އެ ޒިންމާދާރުކޮށް އެ މަސައްކަތް ކުރުން، ކުޅުންތެރިން އެ ޕޮޒިޓިވް ވައިބެއްގައި ކޮންމެ މެޗަކަށް ގެނައުން، އެ ކުުޅުންތެރިން ތައްޔާރުކުރުން، އެއީ މީގެ ޗެލެންޖަކީ، އެކަންކަން މީގެ ބިއުޓީ އަކީ، އެ ޗެލެންޖް ނަގައިގެން އަޅުގަނޑު ނިއު ރޭޑިއަންޓަށް އައީ،"

ސުޒޭން ބުނީ، ވިކްޓަރީއާ ދެކޮޅަށް ކުޅުނު މެޗުން ވެސް ނިއު އިން އިތުރަށް ރަނގަޅުކުރުމަށްޓަކައި ކުރަން ޖެހޭ މަސައްކަތް ފެނިގެންދިޔަ ކަމަށެވެ.

"(ވިކްޓަރީ އަތުން 4-0 އިން) މި ސްކޯގައި މޮޅުވީމަ، ޓޭބަލްގައި އަޅުގަނޑުމެން އޮތް ހިސާބެއްގައި، މާޒިޔާއާ އެއްވަރަށް އޮއެވުނުކަން އެއީ ވަރަށް ބޮޑު ނިއުމަތެކޭ ދަންނަވާނީ، އަލްހަމްދުލިއްލާހި. ކުޅުންތެރިންގެ ބުރަ މަސައްކަތް ފެނިގެންދިޔައީ، ރިޒަލްޓް ހަމަގައިމު ވެސް ތަފާތު ބޮޑުވުން. އެއީ، އެޑްވާންޓޭޖެއް، މިހާ ކައިރިކޮށްދާއިރު ކޮންމެ ގޯލަކީ ކައުންޓް ކުރާނެ އެއްޗެއް،" ސުޒޭން ބުންޏެވެ.

ލީގުގައި ނިއު އިން ދެން އެންމެ އަަވަހަށް ކުޅޭ މެޗުގައި ނުކުންނާނީ އެންމެ ފުލުގައި އޮތް ކްލަބް އީގަލްސްއާ އެވެ. އީގަލްސްގެ ކޯޗިންގެ ޒިންމާއާ ހަވާލުވި، އަބްދުﷲ ހަނީފް (ބެންޖޯ)ގެ އިރުޝާދުގެ ދަށުން އެ ޓީމު ކުުޅުނު ފުރަތަމަ މެޗުގައި އޮޑި ސްޕޯޓްސް ކްލަބާ ވަނީ އެއްވަރުވެފަ އެވެ. ސުޒޭން ވަނީ، އެ މެޗުގައި އީގަލްސް އިން ފެނުނު ކުރިއެރުންތަކާއި އެ ކްލަބްގެ ހާލަތަށް އަންނަ ބަދަލުތަކަށް ބަލައި، ނިއު އިން ވަރަށް ރަނގަޅަށް މެޗަށް ތައްޔާރުވާން ޖެހޭނެ ކަމަށެެވެ.

"އަޅުގަނޑުމެންނަށް ފެނުނު ލީގުގައި އޮތް އެންމެ ވަރުގަދަ އެއް ޓީމަކީ އޮޑި، އޮޑިއާ އެއްކޮށް، އީގަލްސް އެ ޕާފޯމްކުރި ގޮތް، އީގަލްސްގެ ގޯލްކީޕަރުގެ ޕާފޯމަންސް، އީގަލްސް އަކީ އާދައިގެ ޓީމެއް ނޫންކަން ސާބިތުކޮށްފި އަނެއްކާ ކޯޗު ބަދަލުވުން ވެސް އެ އަށް ކޮންމެވެސް ވަރެއްގެ ބޫސްޓެއް އައިތަން ފެނިގެންދިޔަ، އެހެންވީމަ، އީގަލްސް މެޗު މި އޮތީ، އެ މެޗަށްދާއިރު ވަރަށް ފަރުވާ ބަހައްޓައިގެން ތައްޔާރުވާން ނިއު ރޭޑިއަންޓަށް މަޖުބޫރު ހަަމަ،" ސުޒޭން ބުންޏެވެ.

އީގަލްސްގެ ކޯޗުކަމާ ބެންޖޯ ހަވާލުވުމުން ވެސް އެ ޓީމުގެ ކަންކަމުގައި ބަދަލުތަކެއް ކުރިއަށް ހުރި މެޗުތަކުގައި އަންނާނެ ކަމަށް ސުޒޭން ވަނީ ބުނެފަ އެވެ.

ނިއު އާއި އީގަލްސް ކުޅޭނީ މި މަހު 27 ވަނަ ދުވަހުގެރޭގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox