އިޒްރޭލުން ގާޒާއަށް އިއްޔެ ދިން ލާއިންސާނީ ހަމަލާތައް ރާއްޖެއިން ކުށްވެރިކޮށްފި

May 19, 2025, 4:36 AM
އިޒްރޭލުން އިއްޔެ ދިން ހަމަލާތަކުގައި ފުނޑުނު ތަނެއް ކައިރީ ބަޔަކު މަޑުކޮށްލައިގެން: އިޒްރޭލުން ދަނީ ކާބޯތަކެތީގެ އެހީ ގާޒާއަށް ފޯރުކޮށްދިނުމަށް ވެސް ހުރަސް އަޅަމުން -- ފޮޓޯ: ރޮއިޓާސް

އިޒްރޭލުން އިއްޔެ ދިން ހަމަލާތަކުގައި ފުނޑުނު ތަނެއް ކައިރީ ބަޔަކު މަޑުކޮށްލައިގެން: އިޒްރޭލުން ދަނީ ކާބޯތަކެތީގެ އެހީ ގާޒާއަށް ފޯރުކޮށްދިނުމަށް ވެސް ހުރަސް އަޅަމުން -- ފޮޓޯ: ރޮއިޓާސް

ފަލަސްތީނުގެ ރައްޔިތުންނާ ދެކޮޅަށް ނަސްލުހޭދު ކުރުމެއް ހިންގަމުން އަންނަ އިޒްރޭލުން ގާޒާއަށް އިއްޔެ ދިން ލާއިންސާނީ ހަމަލާތައް ދިވެހި ސަރުކާރުން ކުށްވެރިކޮށްފި އެވެ.

އޮކްޓޯބަރު 7، 2023، އިން ފެށިގެން އިޒްރޭލުން ދެމުން އައި ހަމަލާތައް އިތުރަށް ވަރުގަދަކޮށް އިއްޔެ ވަނީ ލާއިންސާނީ އެތައް ހަމަލާއެއް ގާޒާއަށް ދީފަ އެވެ. އިއްޔެ އެކަނި ވެސް ފަލަސްތީނުގެ 100 އަށް ވުރެ ގިނަ މީހުން ވަނީ މަރާލައިފަ އެވެ.

ދިވެހި ސަރުކާރުން ނެރުނު ބަޔާނެއްގައި ބުނީ އިޒްރޭލުގެ ހަމަލާތަކަކީ ހަނގުރާމަ ހުއްޓާލުމުގެ އެއްބަސްވުމާއި އިންސާނީ ހައްގުތަކުގެ ގާނޫނުތަކާއި އިންސާނިއްޔަތުގެ ގާނޫނާ ހިލާފު އަމަލުތަކެއް ކަމަށެވެ.

Advertisement

"ގައްޒާގައި އިސްރާއީލުން ހުއްޓުމެއް ނެތި ދެމުންދާ ހަމަލާތައް ދިވެހި ސަރުކާރުން އެންމެ ހަރުކަށި އިބާރާތުން ކުށްވެރިކުރަން. މި ހަމަލާތަކުގައި މިއަދު އެކަނި ވެސް ކުށެއް ނެތް 100 އަށްވުރެ ގިނަ ފަލަސްތީނު ރައްޔިތުންވަނީ ޝަހީދުވެފަ. މި ހަމަލާތަކަކީ، ހަނގުރާމަ ހުއްޓާލުމުގެ އެއްބަސްވުމާއި، ބައިނަލްއަގްވާމީ އިންސާނީ ހައްގުތަކުގެ ގާނޫނާއި އަދި ބައިނަލްއަގްވާމީ އިންސާނިއްޔަތުކަމުގެ ގާނޫނާ ސީދާ ހިލާފު އަމަލުތަކެއް،" އެ ބަޔާނުގައި ބުނެފައިވެ އެވެ.

އޭގެ އިތުރުން، ދިވެހި ސަރުކާރުން ބުނީ އިޒްރޭލުން މަސައްކަތް ކުރަނީ ފަލަސްތީނު ރައްޔިތުންގެ ނަސްލު ނައްތާލަން ކަމަށެވެ. އަދި ބައިނަލްއަގްވާމީ މުޖްތަމައުން އިޒްރޭލު ޖަވާބުދާރީ ކުރުވުމަށް ވެސް ރާއްޖެއިން ގޮވާލާފައިވެ އެވެ.

"އިސްރާއީލުން ފަލަސްތީނު ރައްޔިތުންގެ ނަސްލު ނައްތާލުމަށް ކުރިއަށް ގެންދާ އަނިޔާވެރި އަމަލުތައް ވަގުތުން ވަގުތަށް ހުއްޓުވައި، ގައްޒާގެ ރައްޔިތުންނަށް ރައްކާތެރިކަން ފޯރުކޮށްދީ، އިސްރާއީލުގެ އަމަލުތަކަށް ޖަވާބުދާރީ ކުރުވުމަށް ބައިނަލްއަގްވާމީ މުޖުތަމައަށް ދިވެހިރާއްޖެއިން ގޮވާލަން،" އެ ބަޔާނުގައި ބުނެފައިވެ އެވެ.

އިޒްރޭލުން ފަލަސްތީނަށް އިއްޔެ ދިން ހަމަލާތައް ރައީސް މުހައްމަދު މުއިއްޒު ވެސް ވަނީ ކުށްވެރި ކުރައްވައިފަ އެވެ. އަދި ބައިނަލްއަގްވާމީ މުޖްތަމައިން އިޒްރޭލާ ދެކޮޅަށް ފިޔަވަޅު އެޅުމަށް ރައީސް ވެސް ވަނީ ގޮވައިލައްވައިފަ އެވެ.

އިޒްރޭލުގެ ލާއިންސާނީ ހަމަލާތަކުގައި ވަނީ މިހާތަނަށް ފަލަސްތީނުގެ 53،000 އަށް ވުރެ ގިނަ މީހުން މަރާލައިފަ އެވެ. މަރާލި މީހުންގެ އަދަދު 61،700 އަށް އަރާނެ ކަމަށް ވެސް ލަފާ ކުރެވެ އެވެ. އަދި އިޒްރޭލުގެ ހަމަލާތަކުގައި ޒަހަމްވެފައިވާ މީހުންގެ އަދަދު 120،000 އަށް އަރާ ކަމަށް ވެސް ލަފާ ކުރެވެ އެވެ.

ގިނަ އަދަދެއްގެ މީހުން މެރުމަށް އިޒްރޭލުން ދެމުން އަންނަ ހަމަލާތަކުގެ އިތުރުން ފަލަސްތީނު ރައްޔިތުން ބަނޑަށްޖެއްސުމަށް ވެސް އިޒްރޭލުން ދަނީ ކެމްޕެއިނެއް ހިންގަމުންނެވެ. އިޒްރޭލުން އެންމެ ފުރަތަމަ ނެތިކޮށްލީ ފަލަސްތީނުގައި ގާއިމްކޮށްފައި ހުރި ފެނުގެ ނިޒާމުތަކެވެ. މިހާރު އިޒްރޭލުން އުޅެނީ ކާބޯތަކެތީގެ އެހީ ފަލަސްތީނަށް ވެއްދުން މަނާކޮށްގެންނެވެ. މާޗް 2، އިން ފެށިގެން އެއްވެސް އެހީއެއް ގާޒާއަށް ވަދެފައި ނުވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox