ރެއާލް ބަލިކޮށް ބާސެލޯނާ އިން ސްޕެނިޝް ކަޕް ކާމިޔާބުކޮށްފި

Apr 26, 2025, 11:12 PM
ރެއާލް ބަލިކޮށް ބާސެލޯނާ އިން ސްޕެނިޝް ކަޕް ކާމިޔާބުކޮށްފި

ސެވިލް، ސްޕެއިން (އޭޕްރީލް 27) - އިތުރު ވަގުތުގެ ދެ ވަނަ ހާފުގައި ޖޫލްސް ކޫންޑޭ ޖެހި ގޯލުން 3-2 އިން ރެއާލް މެޑްރިޑް ބަލިކޮށް، ބާސެލޯނާ އިން ސްޕެނިޝް ކަޕް (ކޮޕަ ޑެލް ރޭ)ގެ ޗެމްޕިއަންކަން ހޯދައިފި އެވެ.

މިއީ، 2021 ވަނަ އަހަރުގެ ފަހުން ބާސެލޯނާ އިން މި މުބާރާތް ކާމިޔާބުކުރި ފުރަތަމަ ފަހަރެވެ. ސްޕެނިޝް ކަޕްގެ ތަށި 32 ފަހަރު ހޯދި ބާސެލޯނާ އަކީ މި މުބާރާތުގެ އެންމެ ކާމިޔާބު ޓީމެވެ.

މިރޭގެ މެޗަށް ނުކުތްއިރު، ރެއާލުން ވަނީ މި މެޗުގެ ރެފްރީންނަށް ވަރަށް ބޮޑަށް ފާޑުކިޔައިފަ އެވެ. ރެފްރީން ބަދަލުނުކޮށްފިނަަމަ، ރެއާލުން މެޗު ބޮައިކޮޓްކުރާނެ ކަމަށް ވެސް ވާހަކަ ދެކެވުނެވެ. އެކަމަކު، ރެފްރީ، ރިކާޑޯ ޑި ބާގޯސް ބެންގޮއެޓްޒާއާ އެކު ރެއާލުން މެޗު ކުޅެން އެއްބަސްވީ، ރެފްރީ ބަދަލުނުކުރަން ސްޕެއިނުގެ ފުޓްބޯޅަ ފެޑެރޭޝަނުން ނިންމުމުންނެވެ. މެޗުގައި ރެއާލާއި ބާސެލޯނާ އިން ވެސް ރެފްރީގެ ނިންމުންތަކާ މެދު ހިތްހަމަނުޖެހުން ފާޅުކުރި އެވެ.

ޕެޑްރީ، ބާސެލޯނާގެ ފުރަތަމަ ގޯލު ޖެހުމަށް ފަހު އުފާފާޅުކުރަނީ.

މި މެޗުގެ 28 ވަނަ މިނިޓްގައި ބާސެލޯނާ އިން ލީޑުނެގީ ޕެޑްރީ ޖެހި މޮޅު ގޯލުންނެވެ. ބާސެލޯނާގެ ލަމީން ޔަމާލް ދިން ބޯޅައަކުން، ޕެޑްރީ އޭރިއާބޭރުން ފޮނުވާލި ޝޮޓް އަމާޒުވީ ގޯލުގެ މަތީ ކަނަށެވެ.

ދެ ވަނަ ހާފުގައި ކީލިއަން އެމްބާޕޭ ކުޅެން ނެރެ ރެއާލުން އެޓޭކް ވަރުގަދަކުރި އެވެ. ނަތީޖާ އަކަށްވީ މެޗުގެ 70 ވަނަ މިނިޓްގައި، އެމްބާޕޭ ހިލޭޖެހުމަކުން ކާމިޔާބުކުރި ގޯލުން ރެއާލުން އެއްވަރުކުރުމެވެ. އަދި، އޭގެ ހަތް މިނިޓް ފަހުން، އާޑާ ގުލާ ނެގި ކޯނަރަކަށް އަރައި، އައުރެލިއަން ޗުއަމެނީ ބޮލުން ގޯލު ޖަހައި، ރެއާލަށް ލީޑުނަގައިދިނެވެ.

އެކަމަކު، ބާސެލޯނާ އިން ހިތްވަރު އެލުވައިނުލައި ކުޅެ، ނަތީޖާ ހަމަހަމަކުރި އެވެ. މި ގޯލު އެ ޓީމަށް ޖަހައިދިނީ 84 ވަނަ މިނިޓްގައި ފެރަން ޓޮރޭޒް އެވެ. މިއީ، ރެއާލްގެ ޑިފެންސް ފަހަތަށް ޔަމާލް ކުޅުނު ބޯޅައެއް ހޯދައި، ރެއާލްގެ ކީޕަރު ތިބައު ކޯޓުއާ ކައިރިން ނައްޓާފައި ޓޮރޭޒް ޖެހި ގޯލެކެވެ.

އޭގެ ފަހުން، ބާސެލޯނާގެ ރަފީނިއާ އަށް ރެއާލުގެ ރައުލް އަސެންސިއޯ ކުރި ފައުލަކަށް ޕެނަލްޓީއެއް ދޭން ނިންމި އެވެ. އެކަމަކު، 90 މިނިޓް ހަމަވެގެން، އިތުރަށް ދެއްކި ހަ މިނިޓް ހަމަވާން 30 ސިކުންތަށް ވެފައި ވަނިކޮށް، ދިން މި ޕެނަލްޓީ ވީޑިއޯ އެސިިސްޓަންޓް ރެފްރީ (ވީއޭއާރް) އިން ބަލައިފައި ނުދޭން ނިންމި އެވެ. އަދި، ޕެނަލްޓީ ހޯދަން ރަފީނިއާ ޑައިވް ކުރީ ކަމަށް ބަލައި، އޭނާ އަށް ރީނދޫ ކާޑެއް ދެއްކި އެވެ.

ނަތީޖާ ނެރެން އިތުރު ވަގުތުގެ ދެ ހާފު ކުޅެން ޖެހުނުއިރު، ބާސެލޯނާ މޮޅުވި ގޯލު ޖެހީ ދެ ވަނަ ހާފު ނިމެން ހަތަރު މިނިޓަށް ވެފައި ހުއްޓަ އެވެ. އޭރިއާބޭރުން ކޫންޑޭ ފޮނުވާލި ބޯޅަ އަމާޒުވީ ތިރީ ކަނަށެވެ.

އިތުރު ވަގުތުގެ ދެ ވަނަ ހާފުގައި ބާސެލޯނާ މޮޅުކޮށްދިން ލަނޑު ޖެހި ކޫންޑޭ (ކ) އެ ޓީމުގެ ޔަމާލްއާ އެކު.

އިތުރު ވަގުތުގެ ދެ ވަނަ ހާފުގެ ފަހު ވަގުތުގައި ރެއާލުގެ ބެންޗުން ރެފްރީ، ރިކާޑޯގެ ނިންމުމަކާ ހިތްހަމަނުޖެހުން ފާޅުކުރި ގޮތަކުން، ބަދަލަކަށް ފައިބައި ތިބި، ރެއާލުގެ އެންޓޯނިއޯ ރޫޑިގާ އާއި ލޫކަސް ވަޒްކޭޒަށް ވަނީ ރަތް ކާޑެއް ދައްކައިފަ އެވެ.

މިދިޔަ ޖެނުއަރީ މަހު ސްޕެނިޝް ސުޕަ ކަޕް ފައިނަލުގައި ރެއާލްގެ މައްޗަށް ބާސެލޯނާ އިން ކުރިހޯދީ 5-2 އިންނެވެ. ސްޕެނިޝް ލީގަށް ބަލާއިރު ވެސް ރެއާލަށް ވުރެ ކުރީގައި އޮތީ ބާސެލޯނާ އެވެ.

ރެއާލުގެ ކޯޗު ކާލޯ އަންޗެލޮޓީ އަށް މި މެޗުން ރެއާލް މޮޅުކޮށްނުދެވުމުން، މި ސީޒަނުގައި ތަށްޓެއް ނުލިބި ނިންމާލަން ޖެހުމުގެ ބިރު ވަނީ ބޮޑުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox