ފަލަސްތީނާއެކު ތިބިކަން ހާމަ ކުރަން އައްޑޫގައި ހުކުރު ދުވަހު ބޮޑު އެއްވުމެއް ބާއްވަނީ

Apr 17, 2025, 5:03 AM
އިޒްރޭލުގެ ހަމަލާއެއްގައި ޒަހަމްވި ތުއްތު ކުއްޖެއް: އިޒްރޭލުން ވަނީ މިހާތަނަށް 60،000 ވުރެ ގިނަ ފަލަސްތީނު ރައްޔިތުން މަރާލާފައި -- ފޮޓޯ: ފައިލް

އިޒްރޭލުގެ ހަމަލާއެއްގައި ޒަހަމްވި ތުއްތު ކުއްޖެއް: އިޒްރޭލުން ވަނީ މިހާތަނަށް 60،000 ވުރެ ގިނަ ފަލަސްތީނު ރައްޔިތުން މަރާލާފައި -- ފޮޓޯ: ފައިލް

ފަލަސްތީނުގެ ރައްޔިތުންނާއެކު ތިބިކަން ހާމަ ކުރަން އައްޑޫގައި ހުކުރު ދުވަހު ބޮޑު އެއްވުމެއް ބާއްވަން ނިންމައިފި އެވެ.

އައްޑޫ ސިޓީގެ ހުރިހާ އަވަށެއްގައި ވެސް އެ އެއްވުން ކުރިއަށްދާނެ އެވެ. އެއްވުމުގައި ބައިވެރިވާ އެންމެން ވެސް ހަވީރު 4:15 ހާއިރު އެ އަވަށެއްގެ ބަނދަރު ސަރަހައްދަށް ދިޔުމަށް އިންތިޒާމް ކުރާ ފަރާތްތަކުން އެދެ އެވެ. ހިތަދޫއިން އެއްވުމުގައި ބައިވެރިވާ ފަރާތްތައް ދާންޖެހޭނީ ނޭޗާ ޕާކު ކުރިމައްޗަށެވެ.

އެ އެއްވުން ރާވާފައި އޮތީ، ކޮންމެ އަވަށަކުން ވެސް ބައިވެރިވާ މީހުން ވެހިކަލްތަކުގައި ދަތުރުކޮށް ސިޓި ސްކުއެއާއަށްދާ ގޮތަށެވެ. އެއްވުމުގައި ބައިވެރިވާ ފަރާތްތަކުގެ ޝުއޫރު އެ ސަރަހައްދުގައި ފާޅު ކުރާނެ އެވެ.

Advertisement

އެ އެއްވުން ނިންމާލާނީ ހުރިހާ ބައިވެރިން ވެސް ބައިވެރިވާ ހާއްސަ ދުއާއަކުންނެވެ.

"މި އިވެންޓުގައި އައްޑޫސިޓީގައި ދިރިއުޅޭ ކުދިބޮޑު ހުރިހާ އެންމެން ބައިވެރިވެ ދެއްވުމަކީ އިންތިޒާމުކުރާ ފަރާތްތަކުގެ އެދިލުމެއް. އަދި އެއްވުމަށް ވަޑައިގަންނަވާއިރު، ފަލަސްތީނުގެ ދިދަ އާއި ކުލައާއި ރަމްޒުތައް ބޭނުންކުރުމަށް އެފަރާތުން އިރުޝާދު ދެއްވާ،" އެއްވުން އިންތިޒާމް ކުރާ ފަރާތްތަކުން ބުންޏެވެ.

އެ އެއްވުމަކީ ދީނީ އިލްމުވެރިންނާއި އައްޑޫ ސިޓީ ކައުންސިލާއި ބައެއް މަދަނީ ޖަމިއްޔާތައް ގުޅިގެން އިންތިޒާމު ކުރާ އެއްވުމެކެވެ. އެއްވުން އިންތިޒާމު ކުރުމުގައި އިސްކޮށް ހަރަކާތްތެރިވަނީ ނޫރުލްއިސްލާމް ޖަމިއްޔާ އާއި ފޭދޫ މިޝްކާތު ފައުންޑޭޝަނުންނެވެ.

ފަލަސްތީނުގެ ރައްޔިތުންނާ ދެކޮޅަށް އިޒްރޭލުން އޮކްޓޯބަރު 7، 2023، ގައި ފެށި ނަސްލުހޭދު ކުރުމުގައި މިހާތަނަށް 61،000 އަށް ވުރެ ގިނަ މީހުން ވަނީ މަރާލައިފަ އެވެ. މަރާލި ކުޑަކުދިންގެ އަދަދު 20،000 އާ ގާތް ކުރެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox