އިޒްރޭލު ޕާސްޕޯޓު މަނާ ކުރުމުގެ ބިލު ބަދަލު ކުރީ ނަތަންޔާހޫއަށް ވެސް އެހެން ޕާސްޕޯޓެއްގައި ރާއްޖެ އާދެވޭ ގޮތަށް: މައުރޫފް

ކެންދޫ ދާއިރާގެ މަޖިލިސް މެންބަރު، މައުރޫފް ޒާކިރު؛ އޭނާ ވިދާޅުވީ ޑުއެލް ޕާސްޕޯޓު އޮންނަ މީހުން ދެނެގަތުމުގެ ބާރު އިމިގްރޭޝަނަށް އޮންނާނެ ކަމަށް -- ފޮޓޯ: ރައްޔިތުންގެ މަޖިލިސް

ކެންދޫ ދާއިރާގެ މަޖިލިސް މެންބަރު، މައުރޫފް ޒާކިރު؛ އޭނާ ވިދާޅުވީ ޑުއެލް ޕާސްޕޯޓު އޮންނަ މީހުން ދެނެގަތުމުގެ ބާރު އިމިގްރޭޝަނަށް އޮންނާނެ ކަމަށް -- ފޮޓޯ: ރައްޔިތުންގެ މަޖިލިސް

އިޒްރޭލު ޕާސްޕޯޓު މަނާކުރަން އެމްޑީޕީން މަޖިލީހަށް ހުށަހެޅި ބިލަށް ޕީއެންސީގެ މެންބަރުން އިސްލާހު ގެނެސްފައި އޮތީ އެހެން ގައުމެއްގެ ޕާސްޕޯޓުގައި އިޒްރޭލުގެ ބޮޑުވަޒީރު، ބެންޖަމިން ނަތަންޔާހޫއަށް ވެސް ރާއްޖެ އާދެވޭ ގޮތަށް ކަމަށް ވިދާޅުވެ ކެންދޫ ދާއިރާގެ މަޖިލިސް މެންބަރު، މައުރޫފް ޒާކިރު ކަންބޮޑުވުން ފާޅު ކުރައްވައިފި އެވެ.

އިޒްރޭލު ޕާސްޕޯޓުގައި ރާއްޖެއަށް މީހުން އެތެރެ ނުވެވޭ ގޮތަށް އިމިގްރޭޝަން ގާނޫނަށް ހުށަހެޅި އިސްލާހު ކޮމިޓީން ފާސްކުރި ގޮތާ މެދު ކަންބޮޑުވުން ފާޅު ކުރައްވައި ވާހަކަ ދައްކަވަމުން މައުރޫފް ވިދާޅުވީ އެ ބިލަށް ގެނެސްފައިވާ "ކޫސަނި ބަދަލުތަކާމެދު" ކަންބޮޑުވެވަޑައިގަންނަވާ ކަމަށެވެ.

"އަޅުގަނޑު ފަށާނަން ދެންމެ އިއްޒަތްތެރި މެންބަރު ފާހަގަކުރެއްވީ ބިލުގައި ކޫސަނި ކަންތައްތަކެއް އެބަހުރި، އެއީ އަޅުގަނޑުމެންގެ ކަންބޮޑުވުމަކީ އިއްޒަތްތެރި ރައީސް، އެ ކޫސަނި ކަންތައްތަކުގެ ސަބަބުން މިވާ ގޮތަކީ މިހާރުގެ އިޒްރޭލުގެ ބޮޑުވަޒީރު ވެސް އެހެން ޕާސްޕޯޓެއްގައި ރާއްޖެއަށް އާދެވޭ،" މައުރޫފް ވިދާޅުވި އެވެ.

"އެ ކޫސަނި ކަންތައްތަކުގެ ވާހަކައަކީ މިހާރުގެ އިޒްރޭލުގެ މިލިޓަރީ ކެބިނެޓަށް ވެސް އަދި މިލިޓަރީ ބޭފުޅުންނަށް ވެސް އެހެން ޕާސްޕޯޓެއްގައި ރާއްޖެއަށް އާދެވޭ، އެއީ އަޅުގަނޑުމެންގެ ކަންބޮޑުވުމަކީ."

މައުރޫފް ވިދާޅުވީ ދިވެހިރާއްޖެއަށް އެތެރެވާ މީހުންގެ ޑުއެލް ޕާސްޕޯޓެއް އޮތްތޯ ނުވަތަ ނެތްތޯ ބެލުމުގެ ބާރު އިމިގްރޭޝަނަށް އޮންނާނެ ކަމަށެވެ. އަދި އެގޮތަށް ބަލާ ބެލުމުގެ ތެރެއިން ދޮގު ހަދައި އޮޅުވާލައިގެން ރާއްޖެއަށް އެތެރެވުމުގެ ފުރުސަތު އެއްވެސް ގައުމެއްގެ ރައްޔިތަކަށް ނުލިބޭނެ ކަމަށް މައުރޫފް ވިދާޅުވި އެވެ.

އެގޮތުން އޭނާ ވިދާޅުވީ ޑުއެލް ޕާސްޕޯޓެއް އޮންނަ މީހަކު، އޮޅުވާލައިގެން ރާއްޖެއަށް އެތެރެވެއްޖެ ނަމަ އެ މީހަކު ހައްޔަރު ކުރުމުގެ ބާރު ދިވެހިރާއްޖޭގެ ތަންފީޒީ އިދާރާތަކަށް އޮންނާނެ ކަމަށެވެ.

"ދިވެހިރާއްޖެއަށް ވެސް އެތެރެވާއިރުގާ ޑުއެލް ޕާސްޕޯޓެއް ނެތް ކަމަށް ވިދާޅުވެ އިޒްރޭލު މީހަކު ވަދެއްޖެ ކަމަށް ވާނަމަ، އެ މީހަކު ހައްޔަރު ކުރެވޭނެ، އެކަންކަން ކުރުމުގެ ފުރުސަތު އޮންނަން ޖެހޭނެ،" މައުރޫފް ވިދާޅުވި އެވެ.

އިޒްރޭލު ޕާސްޕޯޓު އޮންނަ މީހުންނަށް ރާއްޖެ އެތެރެ ނުވެވޭ ގޮތަށް އިމިގްރޭޝަން ގާނޫނަށް އިސްލާހު ގެންނަން އެމްޑީޕީން މަޖިލީހަށް ބިލު ހުށަހެޅިއިރު، ޑުއެލް ޕާސްޕޯޓު އޮންނަ އިޒްރޭލު މީހުންނަށް ވެސް ރާއްޖެ ނާދެވޭ ގޮތް ހަދަން ހިމަނާފައި އޮތެވެ. ނަމަވެސް އެ މައްސަލަ ދިރާސާ ކުރި ކޮމިޓީން ނިންމާފައި ވަނީ އެ ބައި ބިލު އުނި ކުރުމަށެވެ.

ކޮމިޓީން ފާސްކޮށްފައި ވަނީ ފަލަސްތީނުގެ ރައްޔިތުންނާ ދެކޮޅަށް އިޒްރޭލުން ހިންގާ ލާއިންސާނީ އަމަލުތައް ހުއްޓައިލަންދެން އިޒްރޭލު ޕާސްޕޯޓުގައި ރާއްޖެއަށް އެއްވެސް މީހަކަށް ނާދެވޭ ގޮތަށެވެ. މިއަދުގެ ޖަލްސާގެ ވޯޓަށް އަހާ ވަގުތު އެ ބިލަށް ވޯޓަށް އެހުން އޮންނާނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox