އެހެން ޕާސްޕޯޓެއްގައި އިޒްރޭލު މީހުންނަށް އާދެވޭ ގޮތަށް ބިލު ފާސްކުރުމަކީ ފަލަސްތީނު ރައްޔިތުންނަށް ކުރާ މަލާމާތެއް: މީކާއިލް

ގަލޮޅު ދެކުނު ދާއިރާގެ މަޖިލިސް މެންބަރު މީކާއިލް އަހުމަދު ނަސީމް؛ އޭނާ ވިދާޅުވީ އިޒްރޭލު ޕާސްޕޯޓު އޮންނަ މީހުންނަށް އެމީހުން ގެންގުޅޭ އެހެން ޕާސްޕޯޓެއް ބޭނުން ކޮށްގެން ރާއްޖެއަށް ވަދެވޭ ގޮތަށް ބިލު ފާސްކުރުމަކީ ދިވެހި އަދި ފަލަސްތީނުގެ ރައްޔިތުންނަށް ކުރާ މަލާމާތެއް ކަމަށް -- ފޮޓޯ: ރައްޔިތުންގެ މަޖިލިސް

ގަލޮޅު ދެކުނު ދާއިރާގެ މަޖިލިސް މެންބަރު މީކާއިލް އަހުމަދު ނަސީމް؛ އޭނާ ވިދާޅުވީ އިޒްރޭލު ޕާސްޕޯޓު އޮންނަ މީހުންނަށް އެމީހުން ގެންގުޅޭ އެހެން ޕާސްޕޯޓެއް ބޭނުން ކޮށްގެން ރާއްޖެއަށް ވަދެވޭ ގޮތަށް ބިލު ފާސްކުރުމަކީ ދިވެހި އަދި ފަލަސްތީނުގެ ރައްޔިތުންނަށް ކުރާ މަލާމާތެއް ކަމަށް -- ފޮޓޯ: ރައްޔިތުންގެ މަޖިލިސް

އެހެން ޕާސްޕޯޓުގައި އިޒްރޭލު މީހުންނަށް ރާއްޖެ އެތެރެވެވޭ ގޮތަށް އެ ގައުމުގެ ޕާސްޕޯޓު މަނާ ކުރަނީ ރައްޔިތުންގެ ވިންދާ ހިލާފަށް ހުޅަނގުގެ ޕްރެޝަރު ބޮޑުވެގެން ކަމަށާއި އެކަން އެގޮތަށް ކުރުމަކީ ފަލަސްތީނުގެ ރައްޔިތުންނަށް ކުރެވޭ މަލާމާތެއް ކަމަށް ގަލޮޅު ދެކުނު ދާއިރާގެ އެމްޑީޕީ މެންބަރު، މީކާއިލް އަހުމަދު ނަސީމް ވިދާޅުވެއްޖެ އެވެ.

އިޒްރޭލު ޕާސްޕޯޓުގައި ރާއްޖެއަށް މީހުން އެތެރެ ނުވެވޭ ގޮތަށް އިމިގްރޭޝަން ގާނޫނަށް ހުށަހެޅި އިސްލާހު ކޮމިޓީން ފާސްކުރި ގޮތާ މެދު ނުރުހުން ފާޅު ކުރައްވައި ވާހަކަ ދައްކަވަމުން މީކާއިލް ވިދާޅުވީ އެ ބިލު ހުށަހެޅިއިރު، ޑުއެލް ޕާސްޕޯޓެއްގައި ވެސް އިޒްރޭލު މީހުންނަށް ރާއްޖެ އެތެރެ ނުވެވޭ ގޮތަށް ހަދަން އޮތް ބައި ކޮމިޓީން އުނިކުރީ ރައްޔިތުންގެ ވިންދާ ދެކޮޅަށް ކަމަށެވެ.

"އިއްޒަތްތެރި ރައީސް، އިޒްރާއިލީ ޑިފެންސް ފޯސެސްއަށް މި ރާއްޖެ އެތެރެވެވޭ ގޮތަށް މި ބިލު ފާސްކޮށްގެން ނުވާނެ. އިއްޒަތްތެރި ރައީސް، އިޒްރޭލުގެ އަސްކަރިއްޔާއިން ފަލަސްތީނުގެ ރައްޔިތުންނަށް ހަމަލާ ދެމުންދާ އިސް ފަރާތްތަކަށް އާދެވޭނެ ގޮތަށް ޑުއެލް ޕާސްޕޯޓުގައި ރާއްޖެ އާދެވޭނެ ގޮތަށް މި ބިލު މިއަދު ފާސްކުރަނީ އިއްޒަތްތެރި ރައީސް ހުޅަނގުގެ ގައުމުތަކުގެ ޕްރެޝަރަށް،" މީކާއިލް ވިދާޅުވި އެވެ.

"ހުޅަނގުގެ ގައުމުތަކުގެ ޕްރެޝަރަށް ކުރައްވާ ކަމެއް މިއީ، އިއްޒަތްތެރި ރައީސް. މިއީ ހަމަ ކަނޑައެޅިގެން ދިވެހިރައްޔިތުންގެ ވިންދާއި އިހުސާސްތަކާ ހިލާފަށް ފަލަސްތީނުގެ ރައްޔިތުންނަށް ކުރާ ބޮޑު މަލާމާތެއް އިއްޒަތްތެރި ރައީސް، ކުރާ ބޮޑު މަލާމާތެއް."

މީކާއިލް ހުށަހެޅުއްވި ބިލަށް ކޮމިޓީން ގެނައި ބަދަލާ މެދު ނުރުހުން ފާޅުކޮށް މީކާއިލް ވާހަކަ ދައްކަވަން ފެށްޓެވުމާއެކު މަޖިލިސް ކޮންމެވެސް ވަރަކަށް ހޫނުވި އެވެ. މީކާއިލްގެ ވާހަކަ ހުއްޓުވުމަށްޓަކައި ޕީއެންސީއަށް ނިސްބަތްވެވަޑައިގަންނަވާ މަޖިލިސް މެންބަރުން ފުލުފުލުގައި ނިޒާމީ ނުކުތާ ނަންގަވަމުން ގެންދެވި އެވެ. އެ ބޭފުޅުންގެ ނިޒާމީ މައްސަލައަށް ރިޔާސަތުގައި އިންނެވި، އަބްދުއްރަހީމް އަބްދުالله ފުރުސަތު ދެއްވަމުން ގެންދެވުމުން މީކާއިލް އެކަން ވެސް ކުށްވެރި ކުރެއްވި އެވެ.

މީކާއިލް ވިދާޅުވީ މަޖިލީހުގެ އިދާރާ މިހާރު ރައީސް އޮފީހުގެ ކުޑަ ކޮޓަރިއަކަށް ބަދަލުވެފައިވާ ކަމަށެވެ. ނަމަވެސް ޖަވާބުގައި އަބްދުއްރަހީމް ވިދާޅުވީ ނިޒާމީ ނުކުތާތަކަށް ފުރުސަތު ދިނުމަކީ މަޖިލީހުގެ ރިޔާސަތަށް ލިބިގެންވާ ބާރެއް ކަމަށެވެ.

މިދިޔަ އަހަރު މީކާއިލް މަޖިލީހަށް ހުށަހެޅުއްވި ބިލުގައި އޮތީ ޑުއަލް ސިޓިޒަންޝިޕް ގެންގުޅޭ މީހުން ހިމެނޭހެން އިޒްރޭލުގެ ހުރިހާ ރައްޔިތުންނަށް ރާއްޖެ ނުވަދެވޭ ގޮތަށް ގާނޫނު އިސްލާހު ކުރުމަށެވެ. ނަމަވެސް އެ ބިލު ކޮމިޓީގައި ދިރާސާ ކުރިއިރު، އިޒްރޭލުގެ ޕާސްޕޯޓު އޮންނަ މީހުންގެ ޑުއަލް ސިޓިޒަންޝިޕް އޮތަސް، އެކަން ދެނެގަނެވޭނެ ގޮތެއް ނޯންނާނެ ކަމަށް ބުނެ އިޒްރޭލު ޕާސްޕޯޓު ދައްކާ މީހުންނަށް އެކަނި ރާއްޖެ ނުވަދެވޭ ގޮތް ހަދަން އިމިގްރޭޝަނުން ހިޔާލު ހުށަހެޅި އެވެ.

ބިލު ކޮމިޓީން ފާސްކުރީ ޑުއެލް ޕާސްޕޯޓު އޮންނަ މީހުންނަށް ރާއްޖެ ނާދެވޭ ގޮތަށް ބިލުގައި ހިމަނާފައި އޮތް ބައި އުނި ކުރުމަށްފަހު އެވެ.

އޭގެ އިތުރުން، އިޒްރޭލުން ފަލަސްތީނަށް ދެމުންދާ ހަމަލާތައް ހުއްޓާލުމުން އިޒްރޭލުގެ ކޮންމެ މީހަކަށް ވެސް ރާއްޖެ އާދެވޭ ގޮތަށް ބިލު ވަނީ ބަދަލުކޮށްފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox