ހޭނެތިގެން ދަނޑުމައްޗަށް ވެއްޓުނު ކީން ފަރުވާ އަށް ފަހު ހޮސްޕިޓަލުން ދޫކޮށްލައިފި

Feb 24, 2025, 4:29 PM
ހޭނެތިގެން ދަނޑުމައްޗަށް ވެއްޓުނު ކީން ފަރުވާ އަށް ފަހު ހޮސްޕިޓަލުން ދޫކޮށްލައިފި

ފްލޮރެންސް، އިޓަލީ (ފެބްރުއަރީ 24) - އިޓާލިއަން ލީގުގައި ރޭ ހެލަސް ވެރޯނާ އަތުން 1-0 އިން ފިއޮރެންޓީނާ ބަލިވި މެޗުގައި، އެ ޓީމުގެ ފޯވާޑް މޮއިސް ކީން ދަނޑުމައްޗަށް ހޭނެތިގެން ވެއްޓުމުން ހޮސްޕިޓަލަށް ގެންދިޔައިރު، ފަރުވާ އަށް ފަހު ދޫކޮށްލައިފި އެވެ.

ވެރޯނާގެ ޑަވިޑޯޒިޗްގެ ކަކުލުގައި ކީން ބޯ ޖެހުނު ފަހުން ވެސް އޭނާ ހަ ވަރަކަށް މިނިޓް ކުޅުނެވެ. އެކަމަކު، މެޗުގެ 64 ވަނަ މިނިޓްގައި ކީން، ހޭނެތިގެން ދަނޑުމައްޗަށް ވެއްޓުމާ އެކު، ވަގުތީ ފަރުވާ ދިނުމަށް ފަހު، އަށިގަނޑުގައި ދަނޑުން ބާލައި، އެމްބިއުލަންސް އަށް އަރުވައިގެން ހޮސްޕިޓަލަށް ގެންދިޔަ އެވެ.

ފިއޮރެންޓީނާ އިން ނެރުނު ބަޔާނެއްގައި ބުނެފައިވަނީ، ކީންގެ ޓެސްޓްތައް ހެދުމަށް ފަހު، ފުރާނަ އަށް ނުރައްކާވާވަރުގެ މައްސަލަތަކެއް ނެތުމާއި ޖުމްލަކޮށް، ނަތީޖާތައް ރަނގަޅުވުމުން ވަނީ ހޮސްޕިޓަލުން ދޫކޮށްލައިފަ އެވެ.

ހަތަރު ދުވަސް ފަހުން، ފިއޮރެންޓީނާ އިން ދެން އެންމެ އަވަހަށް ކުޅެން ޖެހޭ މެޗު އޮތްއިރު، ކުރިން އެވަޓަން އާއި ޔުވެންޓަސް އަށް ކުޅުނު ކީން އަށް އެެ މެޗުގައި ފިއޮރެންޓީނާ އަށް ނުކުޅެވޭނެ އެވެ. ފިއޮރެންޓީނާ އޮފިޝަލަކާ ހަވާލާދީ އިޓަލީގެ މީޑިއާތަކުން ރިޕޯޓްކުރާގޮތުގައި ކީން އެނބުރި ކުުޅުމަށް އާދެވޭނީ މަދުވެގެން ދެ ހަފްތާ ފަހުންނެވެ.

މިއީ، މި ސީޒަނުގައި ފިއޮރެންޓީނާ ކުޅުންތެރިއަކު ދަނޑުމައްޗަށް ހޭނެތިގެން ވެއްޓުނު ދެ ވަނަ ފަހަރެެވެ. އިޓާލިއަން ލީގުގައި، މިދިޔަ ޑިސެމްބަރު މަހު އެއް ވަނަ ދުވަހު، އިންޓަ މިލާނާ ދެކޮޅަށް ކުޅެނިކޮށް، ފިއޮރެންޓީނާގެ މިޑްފީލްޑަރު، އެޑޮއާޑޯ ބޯވް، ހޭނެތިގެން ދަނޑުމައްޗަށް ވެއްޓި، ވަގުތުން ހޮސްޕިޓަލަށް ގެންގޮސް ފަރުވާދޭން ޖެހުމުން މެޗު ނުކުޅެ ހުއްޓާލީ އެވެ.

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox