ރެއާލް ފަހު ވަގުތު މޮޅުވެ ސްޕެނިޝް ކަޕްގެ ސެމީ އަށް

Feb 6, 2025, 4:18 AM
ރެއާލް ފަހު ވަގުތު މޮޅުވެ ސްޕެނިޝް ކަޕްގެ ސެމީ އަށް

މެޑްރިޑް (ފެބްރުއަރީ 6) - ފަހު ވަގުތު ޖެހި ގޯލުން 3-2 އިން ލެގަނޭސް ބަލިކޮށް، ސްޕެނިޝް ކަޕްގެ ސެމީ ފައިނަލުން ރެއާލް މެޑްރިޑް ޖާގަ ހޯދައިފި އެވެ.

މި މެޗުގައި ފުރަތަމަ ރެއާލުން ދެ ގޯލުގެ ލީޑެއް ނެގި ނަމަވެސް ލެގަނޭސް އިން ވަނީ އެއްވަރުކޮށްފަ އެވެ. އެކަމަކު، ރެއާލުން ވަނީ ބަދަލުތަކެއް ގެނެސް އިތުރުު ވަގުތުގައި ޖެހި ގޯލާ އެކު މެޗުން މޮޅުވެފަ އެވެ.

ލެގަނޭސް ދަނޑުގައި ކުޅުނު ނަމަވެސް ރެއާލުން ވަނީ ފުރަތަމަ 25 މިނިޓް ތެރޭ ދެ ގޯލުގެ ލީޑެއް ނަގައިފަ އެވެ. އެ ގޮތުން، ރޮޑްރީގޯ ދިން ބޯޅައަކުން ރެއާލަށް ލީޑުނަގައިދިނީ ލޫކަ މޮޑްރިޗް އެެވެ. އުމުރުން 39 އަހަރުގެ މޮޑްރިޗަކީ ރަސްމީ މެޗެއްގައި ރެއާލަށް ގޯލު ޖަހައިދިން އެންމެ ދުވަސްވީ ކުޅުންތެރިޔާ އެވެ.

Advertisement

ރެއާލްގެ ދެ ވަނަ ގޯލު ޖެހީ، ބްރެޒިލްގެ ޒުވާން ތަރި، އެންޑްރިކް އެވެ.

ލެގަނޭސް އިން ދެ ގޯލު ޖަހައި، ފަހަތުން އަރައި އެއްވަރުކުރިއިރު، މި ދެ ގޯލު ވެސް ޖެހީ، ހުއާން ކްރޫޒް އެވެ. މީގެ ތެރެއިން ފުރަތަމަ ގޯލަކީ، ފުރަތަމަ ހާފު ނިމުމުގެ ކުރިން ޕެނަލްޓީ އަކުން ޖެހި ގޯލެކެވެ. އެއްވަރުކުރި ގޯލު ޖެހީ ދެ ވަނަ ހާފުގަ އެވެ.

ރެއާލް މޮޅުވި ގޯލު އިތުރު ވަގުތުގެ ތިން ވަނަ މިނިޓްގައި ޖެހީ، 20 އަހަރުގެ ގޮންޒާލޯ ގާސިއާ އެވެ. ބްރަހިމް ޑިއާޒް ނެގި ހުރަހަކުން ގާސިއާ ބޮލުން މި ގޯލު ޖެހިއިރު، މިއީ އޭނާ މި ސީޒަނުގައި ސީނިއާ ޓީމަށް ކުޅުނު ފުރަތަމަ މެޗެވެ. އޭނާ އަންނަނީ ތިން ވަނަ ޑިވިޝަނުގައި ރެއާލްގެ ބީ ޓީމަށް މޮޅު ކުޅުމެއް ދައްކަމުންނެވެ. އެއީ، 21 މެޗުން 19 ގޯލު ޖަހައިގެންނެވެ.

ރެއާލަކީ ސްޕެނިޝް ކަޕް ސެމީ އަށް ދަތުރުކުރި ދެ ވަަނަ ޓީމެވެ. އެތުލެޓިކޯ މެޑްރިޑުން ވަނީ ކުއާޓާ ފައިނަލުގައި ގެޓަފޭ އަތުން 5-0 އިން މޮޅުވެ، ސެމީން ޖާގަ ހޯދައިފަ އެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox