ވ. ތިނަދޫ ބަނދަރުގެ މަސައްކަތް މަޑުޖައްސާލައި، އެމްޓީސީސީގެ ޓީމު ފުރުވާލަން އުޅޭތީ ކަންބޮޑުވުން

ވ. ތިނަދޫ ބަނދަރު: ބަނދަރުގެ މަސައްކަތަށް ގެނައި އެމްޓީސީސީ ޓީމު ފުރުވާލަން އުޅޭތީ ކައުންސިލުން ވަނީ ކަންބޮޑުވުން ފާޅުކޮށްފައި -- ފޮޓޯ: އެކްސް

ވ. ތިނަދޫ ބަނދަރު: ބަނދަރުގެ މަސައްކަތަށް ގެނައި އެމްޓީސީސީ ޓީމު ފުރުވާލަން އުޅޭތީ ކައުންސިލުން ވަނީ ކަންބޮޑުވުން ފާޅުކޮށްފައި -- ފޮޓޯ: އެކްސް

ވ. ތިނަދޫ ބަނދަރު ބޮޑުކޮށް ޒަމާނީ ފެންވަރަށް ތަރައްގީ ކުރުމުގެ މަޝްރޫއު މަޑުޖައްސާލަން އުޅޭތީ އެ ރަށުގެ ކައުންސިލުން ކަންބޮޑުވުން ފާޅުކޮށްފި އެވެ.

ލޯކަލް ގަވަމަންޓް މިނިސްޓަރު އާދަމް ޝަރީފްއަށް ތިނަދޫ ކައުންސިލްގެ ރައީސް ޝިފާގް ހުސެއިން އިއްޔެ ފޮނުއްވި ސިޓީއެއްގައި ވިދާޅުވީ ބަނދަރުގެ މަޝްރޫއު މަޑު ޖައްސާލައި މެޝިނަރީޒްއާއެކު މާދަމާ ރަށުން ފައިބަން އުޅޭ ކަމަށާއި އެގޮތަށް ކޮންސްޓްރަކްޝަން މިނިސްޓްރީން ވެސް މައުލޫމާތު ލިބިފައިވާ ކަމަށެވެ.

"މި ޕްރޮޖެކްޓް މި އަހަރު ކުރިއަށް ގެންދެވޭނެ ގޮތަކީ ރައީސުލްޖުމްހޫރިއްޔާގެ ޕްރިއޯރިޓީ ލިބިގެން ކަމަށް ވެސް މިނިސްޓްރީން މައުލޫމާތު ދެއްވާ. ތިނަދޫގެ ބަނދަރުގެ އަމަލީ މަސައްކަތް ފެށުމަށް އީއައިއޭ ރިޕޯޓް ހަދައި ނިންމާ އެޕްރޫވް ކުރުމަށް ސަބްމިޓް ކޮށްފައި ވަނިކޮށް ތިނަދޫގެ ބަނދަރު ހެދުމަށް މޯބިލައިޒްވެފައިވާ އެމްޓީސީސީއިން ފައިބައިގެން ދިޔުމަކީ ރައްޔިތުންނަށް ދެވޭ ބޮޑު ދެރައެއް،" ކައުންސިލުން ބުންޏެވެ.

Advertisement

ކައުންސިލުން ބުނީ މިދިޔަ އަހަރުގެ އެޕްރިލް މަހު އެމްޓީސީސީއާ ހަވާލުކުރި މި މަޝްރޫއުގެ މަސައްކަތް ފެށުމަށް މި އަހަރުގެ ފެބްރުއަރީ މަހު އީއައި ރިޕޯޓް ހަދަން ފެށައި، އެކްސްކަވޭޓަރަކާއެކު ފަސް މުވައްޒަފުން ހިމެނޭ ޓީމެއް އެމްޓީސީސީން ރަށުގައި މޯބިލައިޒްކުރި ކަމަށެވެ.

އެމްޓީސީސީގެ ޓީމަށް ހިލޭ ސާބަހަށް ސައިޓް ހެދުމަށް ހުސް ބިމަކާއި އިމާރާތެއް ހަމަޖައްސައި، އެ މުވައްޒަފުންނަށް އިމާރާތުގައި ދިރިއުޅެވޭނެ ގޮތަށް ފެނާއި ކަރަންޓު ރަށުގައި ތިބި ހެޔޮ އެދޭ ފަރާތްތަކުން ހަމަޖެއްސި ކަމަށް ވެސް ކައުންސިލުން ބުންޏެވެ.

"ބަނދަރު ބޭނުން ނުކުރެވޭ ވަރަށް ހަލާކުވެ، ބަނދަރު ފުރި ކުޑަވެ ލަފާ ފުރާ މީހުންނާއި އަދި ބަނދަރުގައި ހުރި އަގުބޮޑު އުޅަނދުފަހަރުތަކަށް ވެސް އެއްވެސް ރައްކާތެރިކަމެއް ނެތް. ތިނަދޫއަކީ ލޯކަލް ޓުއަރިޒަމްގެ ވިޔަފާރި އިންތިހާޔަށް ފުޅާ މިހާރު ވެސް އިތުރު 400 އެއްހާ ކޮޓަރި ރަށުގައި އިމާރާތް ކުރަމުންދާ ރަށަކަށް ވުމުން އިންތިހާޔަށް ބަނދަރުގެ ޖާގަ ބޮޑުކޮށް ތަރައްގީ ކުރުމުގެ ބޭނުންވެފައި އެބަ އޮތް،" ކައުންސިލުން ބުންޏެވެ.

އޭގެއިތުރުން, ބަނދަރުގެ ބޭރުތޮށި ރައްކާތެރިކަން ނެތް މިންވަރަށް ހަލާކުވެފައިވާކަން ފާހަގަކޮށް ކައުންސިލުން ބުނީ ބަނދަރުގެ ހުޅަނގު ބޮޑު ތޮށިގަނޑާއި އެއްގަމު ތޮށި އެއްކޮށް އަރިއަޅާލާފައިވާ ކަމަށާއި ބަނދަރު ފުރިބާރުވެ ލަފާ ފުރުމަށް ވެސް ދަތިތައް އަންނަނީ ދިމާވަމުން ކަމަށެވެ.

އަތޮޅުގެ ހުރިހާ ރަށަކުން ކަނޑު އުޅަނދުފަހަރަށް ތެޔޮފޯރުކޮށްދެވެން އޮތް ހަމަ އެކަނި ރަށަކީ ތިނަދޫ ކަމަށްވާއިރު ރަށުުގެ ބަނދަރުގައި ޖާގައެއް ނެތުމުން ހިދުމަތް ހޯދާ ފަރާތްތަކަށް ދަތިވަމުން އަންނަ ކަމަށާއި ކުރިއަށް އޮތް އިރުވައި މޫސުމުގައި ބަނދަރު ސަލާމަތުން އޮންނާނެ ކަމުގެ އެއްވެސް ޔަގީންކަމެއް ނެތް ކަމަށް ކައުންސިލުން ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox