ބޮޑު ފިނޮޅު ވިއްކާލުމާ ދެކޮޅަށް އަތޮޅު ރައްޔިތުން މުޒާހަރާ ކުރަން ފަށައިފި

ބޮޑުފިނޮޅުގައި ކުރަމުންދާ މުޒާހަރާ. ވ. އަތޮޅު ރައްޔިތުން ބުނަނީ މި ފިނޮޅު ވިއްކާލީ އެ އަތޮޅު ކައުންސިލާ ވެސް މަޝްވަރާ ކުރުމެއް ނެތި ކަމަށް. --- ފޮޓޯ: އަދަދު

ބޮޑުފިނޮޅުގައި ކުރަމުންދާ މުޒާހަރާ. ވ. އަތޮޅު ރައްޔިތުން ބުނަނީ މި ފިނޮޅު ވިއްކާލީ އެ އަތޮޅު ކައުންސިލާ ވެސް މަޝްވަރާ ކުރުމެއް ނެތި ކަމަށް. --- ފޮޓޯ: އަދަދު

ވ. ބޮޑުފިނޮޅު ވިއްކާލުމާ ދެކޮޅަށް އަތޮޅު ރައްޔިތުން ކޮޅުދިއްފުށި ފަޅުގައި މުޒާހަރާ ކުރަން ފަށައިފި އެވެ.

އެ މުޒާހަރާގައި އެ އަތޮޅު ހުރިހާ ރަށެއްގެ ރައްޔިތުންގެ އިތުރުން ފަތުރުވެރިކަމުގެ ވިޔަފާރި ކުރަމުންދާ ގިނަ އަދަދެއްގެ މީހުން ވެސް ދަނީ ބައިވެރިވަމުންނެވެ.

ތިނަދޫ ކައުންސިލުގެ ރައީސް، ޝިފާގު ހުސެއިން "އަދަދު" އަށް ވިދާޅުވީ މުޒާހަރާ ކުރަނީ ބޮޑު ފިނޮޅަކީ ވ. އަތޮޅުގެ އިތުރުން ކ. އަތޮޅާއި އަރި އަތޮޅުގެ ބައެއް ގެސްޓުހައުސްތަކާއި ރިސޯޓުތަކަށް އަންނަ ފަތުރުވެރިން ވެސް ބޭނުން ކުރާ ތަނަކަށްވެފައި އެ ތަން ވިއްކާލުމަކީ މި ސަރަހައްދުގެ ފަތުރުވެރިކަމަށް ލިބޭ ވަރަށް ބޮޑު ގޮންޖެހުމަކަށް ވާތީ ކަމަށެވެ.

މިހާރު ކުރަމުންދާ މުޒާހަރާގެ ތެރެއިން. އެތަނުގައި މީހުން ތިބީ ޝުއޫރު ފާޅުކުރުމަށް ބޯޑު ހިފައިގެން -- ފޮޓޯ: އަދަދު
މިހާރު ކުރަމުންދާ މުޒާހަރާގެ ތެރެއިން. އެތަނުގައި މީހުން ތިބީ ޝުއޫރު ފާޅުކުރުމަށް ބޯޑު ހިފައިގެން -- ފޮޓޯ: އަދަދު

މިހާރު ކުރަމުންދާ މުޒާހަރާގެ ތެރެއިން. އެތަނުގައި މީހުން ތިބީ ޝުއޫރު ފާޅުކުރުމަށް ބޯޑު ހިފައިގެން -- ފޮޓޯ: އަދަދު

ބޮޑުފިނޮޅަކީ ހުރިހާ ދިޔަވަރެއްގައި ވެސް ވ. އަތޮޅުގައި ހަމައެކަނި ބޭނުން ކުރެވެން އޮތް ފިނޮޅު ކަމަށް ވެސް ޝިފާގު ވިދާޅުވި އެވެ.

"މިއީ އަޅުގަނޑުމެން ސުލްހަވެރިކޮށް ކުރާ މުޒާހަރާއެއް، އަޅުގަނޑުމެން މި މުޒާހަރާއިން ސަރުކާރަށް އިއްވަން ބޭނުންވާ އަޑަކީ، މި އަތޮޅުގައި ނެތޭ މި ނޫނީ ފަތުރުވެރިން ގެންގޮސް އެރުވޭނެ އެއްވެސް ތަންކޮޅެއް، އެހެންވީމަ މި ފިނޮޅު ވިއްކާ ނުލާށޭ،" ޝިފާގު ވިދާޅުވި އެވެ.

ބޮޑު ފިނޮޅު ވިއްކާލުމާ ދެކޮޅަށް ކުރާ މުޒާހަރާގެ މައިގަނޑު މަގުސަދަކީ އަތޮޅު ރައްޔިތުންގެ ކަންބޮޑުވުން ސަރުކާރުގެ އިސްވެރިންނާ ހަމައަށް ފޯރުވުންކަން ފާހަގަ ކުރައްވައި ޝިފާގު ވިދާޅުވީ ބޮޑު ފިނޮޅު ވިއްކާލުމާ ދެކޮޅަށް މިހާރުވެސް ޖުމުލަ 71 ވިޔަފާރިއަކުން ސޮއި ކޮށްފައިވާ ކަމަށެވެ.

"އަޅުގަނޑުމެން ޔަގީން ކުރަނީ ސަރުކާރުން މި އަޑު އަހައި މިކަން ހައްލު ކޮށްދެއްވާނެ ކަމަށް، ސަބަބަކީ މި އަތޮޅު ތިނަދޫ، ފުލިދޫ، ކެޔޮދޫ، ފެލިދޫ، ގުޅި، މާފުށި، ގުރައިދޫ މި ހުރިހާ ރަށެއް ހިމެނޭހެން ފަތުރުވެރިކަމުގެ ވިޔަފާރި ކުރާ 71 ފަރާތަކުން މި ޕެޓިޝަނުގައި ސޮއި ކޮށްފި،" ޝިފާގު ވިދާޅުވި އެވެ.

މުޒާހަރާގައި ބައިވެރިވާ ދެ މީހުން ޖެޓްސްކީއެއްގައި. ވ. އަތޮޅުގައި ލޯކަލް ޓޫރިޒަމް ފުޅާ ދާއިރާއެއްގައި ކުރޭ --- ފޮޓޯ: އަދަދު
މުޒާހަރާގައި ބައިވެރިވާ ދެ މީހުން ޖެޓްސްކީއެއްގައި. ވ. އަތޮޅުގައި ލޯކަލް ޓޫރިޒަމް ފުޅާ ދާއިރާއެއްގައި ކުރޭ --- ފޮޓޯ: އަދަދު

މުޒާހަރާގައި ބައިވެރިވާ ދެ މީހުން ޖެޓްސްކީއެއްގައި. ވ. އަތޮޅުގައި ލޯކަލް ޓޫރިޒަމް ފުޅާ ދާއިރާއެއްގައި ކުރޭ --- ފޮޓޯ: އަދަދު

ވ. އަތޮޅު ތިނަދޫއާ އެއް ބިތެއްގައި، އެ ރަށާ 7.7 ކިލޯމީޓަރު ދުރުގައި އޮތް އެ ފިނޮޅު ވިއްކާލީ 729،000 ޑޮލަރަށް (11.2 މިލިއަން ރުފިޔާ) އަށް ރާއްޖޭގައި އެންމެ ފުޅާ ދާއިރާގެ ލޯކަލް ޓޫރިޒަމް ހިންގާ ކާނި ހޮޓެލްސްއަށެވެ.

ބޮޑުފިނޮޅު ވިއްކާލުމާ ގުޅިގެން ކަންބޮޑުވުން ފާޅުކޮށް ވ. އަތޮޅު ކައުންސިލުން ވަނީ ޓޫރިޒަމް މިނިސްޓަރު، އިބްރާހިމް ފައިސަލްއަށް މިދިޔަ ހޯމަ ދުވަހު ސިޓީއެއް ވެސް ފޮނުވައިފަ އެވެ. އެ ސިޓީގައި ބުނެފައި ވަނީ ބޮޑުފިނޮޅު ވިއްކާލީ އަތޮޅު ކައުންސިލާ އެއްވެސް މަޝްވަރާއެއް ކުރުމެއް ނެތި ގާނޫނާ ހިލާފަށް ކަމަށެވެ.

ވ. އަތޮޅަކީ ލޯކަލް ޓޫރިޒަމް ހަލުވި ކަމާއެކު ކުރިއަރަމުންދާ އަތޮޅެއްކަން ފާހަގަކޮށް އެ އަތޮޅުގެ ގުދުރަތީ ވަސީލަތްތަކަކީ އަތޮޅުގެ ގެސްޓްހައުސްތަކާއި، ބައެއް ރިސޯޓުތަކާއި އަދި ސަފާރީތަކުން ފުޅާ ދާއިރާއެއްގައި ފަތުރުވެރިކަމުގެ އެކި ބޭނުންތަކަށް ބޭނުންކުރާ ވަސީލަތްތަކެއް ކަމަށް އެ ސިޓީގައި ބުނެފައިވެ އެވެ.

މިއަދުގެ މުޒާހަރާގައި ސުލްހަވެރިކަމާއެކު ބޮޑުފިނޮޅު ވިއްކާލުމާ ދެކޮޅަށް އަޑުއުފުލަމުންދާއިރު، އެމީހުންގެ ގޮވައިލުމަކީ އެތަން ފަތުރުވެރިކަމަށް ބޭނުން ކުރެވޭނެ ގޮތަށް އާންމުކޮށް ހުޅުވާލާފައި ބޭއްވުމެވެ.

"ހަތަރު ސަތޭކައެއްހައި ގެސްޓުން ބޭނުން ކުރަން ހާއްސަ ކުރުމަށްވުރެ، 2000 އެއްހައި ފަތުރުވެރިންނަށް މިތަން ބޭނުން ކުރެވޭ ގޮތަށް އޮތީމާ އެއީ ސަރުކާރަށް ވެސް މާބޮޑަށް ފައިދާވާނެ ކަމެއް. އެއީ ރާއްޖެއަށް ފަތުރުވެރިން މި އަންނަނީ ހަމައެކަނި ކޮޓަރީ ތެރޭގައި ތިބޭކަށް ނޫން، ރާއްޖޭގެ ރީތިކަން ބަލަން،" ޝިފާގު ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox