ކަޓާފައި އޮތް ޕޮލެންޑާ އެއްވަރުވެ ފްރާންސް ދެ ވަނަ އަށް

Jun 25, 2024, 6:04 PM
ކަޓާފައި އޮތް ޕޮލެންޑާ އެއްވަރުވެ ފްރާންސް ދެ ވަނަ އަށް

ޑޯޓްމަންޑް (ޖޫން 25) - ފުރަތަމަ ދެ މެޗުން ބަލިވެ، ޔޫރޯ ފުޓްބޯޅަ މުބާރާތުން އެންމެ ފުރަތަމަ ކެޓި، ޕޮލެންޑާ 1-1 އިން އެއްވަރުވެ، ފްރާންސް އިން ގްރޫޕްގެ ދެ ވަނަ ޓީމުގެ ގޮތުގައި ނޮކައުޓް ބުރަށް ދަތުރުކޮށްފި އެވެ.

މި މެޗުގައި ފްރާންސްގެ ތަރި އަދި ކެޕްޓަން ކީލިއަން އެމްބާޕޭ ވަނީ އަނިޔާ އިން ސަލާމަތްވެ, ކުޅެފަ އެވެ. އޭނާ މި މެޗުގައި ކުޅުނީ މާސްކެއް އަޅައިގެންނެވެ.

މި މެޗު ފަށައިގެން ފްރާންސް އިން ގިނަ ހަމަލާތަކެއް އުފެއްދޭތޯ މަސައްކަތްކުރި ނަމަވެސް އެ ޓީމަށް ފުރަތަމަ ހާފުގައި ގޯލެއް ޖެހޭ ގޮތެއް ނުވި އެވެ.

Advertisement

ދެ ވަނަ ހާފުގައި ފްރާންސް އިން އެ ޓީމުގެ އެޓޭކުތައް ވަރުގަދަކުރިއިރު، މި ހާފު ފަށައިގެން ފްރާންސް އިން ވަނީ ފުލުފުލުގައި ޕޮލެންޑްގެ ގޯލަށް ނުރައްކާ ކޮށްފަ އެވެ.

އެ ގޮތުން މެޗުގެ 56 ވަނަ މިނެޓުގައި ފްރާންސް އިން ވަނީ ގޯލު ޖަހާ ލީޑު ނަގައިފަ އެވެ. މިއީ ޕޮލެންޑްގެ ޖަކޫބް ކީވިއޯ އޭރިއާތެެރެއިން ފްރާންސްގެ ފޯވާޑް, އުސްމާން ޑެމްބަލޭ އަށް ކުރި ފައުލަކާ ގުޅިގެން ދިން ޕެނަލްޓީ އަކުން އެމްބާޕޭ ޖެހި ގޯލެކެވެ. މިއީ ޔޫރޯ ފުޓުބޯޅަ މުބާރާތުގައި އެމްބާޕޭ ކާމިޔާބުކުރި ފުރަތަމަ ގޯލެވެ.

އޭގެ ދެ މިނެޓު ފަހުން ފްރާންސްގެ ބްރެޑްލީ ބާކޯލާ އަށް ވަނީ ގޯލު ޖަހަން ރަނގަޅު ފުރުސަތެއް ލިބި ބޭކާރުވެފަ އެވެ. ޕޮލެންޑްގެ އޭރިއާ ތެރެއިން ދެ ކުޅުންތެރިން ކައިރިން ނައްޓާލުމަށް ފަހު ބާކޯލާ ފޮނުވާލި ހަމަލާގެ ހުރަހަކަށްވީ ޕޮލެންޑްގެ ކީޕަރު ލޫކަސް ސްކޮރޮލްޕްސްކީ އެވެ.

އޭގެ ފަހުން، މެޗުގެ 72 ވަނަ މިނެޓުގައި ޕޮލެންޑްގެ ތަރި ލެވަންޑޯސްކީ ވަނީ އޭރިއާ ބޭރުން ބާރު ހަމަލާ އެއް ފޮނުވާލައިފަ އެވެ. އެކަމަކު، އޭނާ ފޮނުވާލި ބާރު ހަމަލާ ގޯލުގެ އަރިމަތީ ދަނޑިކައިރިން ދިޔައީ ބޭރަށެވެ. އޭގެ ތިން މިނެޓު ފަހުން އެމްބާޕޭ އަށް ވަނީ ލީޑު ފުޅާ ކުރަން ހުސް ފުރުސަތެއް ލިބި ބޭކާރުވެފަ އެވެ.

މެޗުގެ 75 ވަނަ މިނެޓުގައި ޕޮލެންޑްގެ ކާރޯލް ސްވިޑާސްކީ އަށް ފްރާންސްގެ ޑަޔޮޓް އުޕަމެކާނޯ، އެ ޓީމުގެ އޭރިއާ ތެރެއިން ކުރި ފައުލަކާ ގުޅިގެން ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށްފަހު ރެފްރީ ވަނީ ޕެނަލްޓީ އެއް ދީފަ އެވެ. މި ޕެނަލްޓީ ލެވަންޑޯސްކީ ފުރަތަމަ ޖެހިއިރު, ފްރާންސްގެ ކީޕަރު މައިކް މައިންގްނޯން ދިފާއު ކުރި އެވެ. އެކަމަކު، ލެވަންޑޯސްކީ ޖެހުމުގެ ކުރިން މެއިންގަން ގޯލު ލައިން އިން ނުކުތުމުން ރެފުރީ ނިންމީ އަލުން ޕެނަލްޓީ ޖެހުމަށެވެ. ދެ ވަނަ ފަހަަރަށް ލެވަންޑޯސްކީ ޖެހި ޕެނަލްޓީ، ވައްދާލީ ގޯލުގެ ތިރީ ކަނަށެވެ.

މި ނަތީޖާއާ އެކު ފްރާންސް އަށް ގްރޫޕް ޑީގެ ދެ ވަނަ ލިބުނީ ކުޅުނު ތިން މެޗުން ފަސް ޕޮއިންޓް ހޯދައިގެންނެވެ. މި ގްރޫޕްގެ އެއް ވަނަ ޓީމުގެ ގޮތުގައި ދެ ވަނަ ބުރަށް ދިޔައީ، ނެދަލެންޑްސް އަތުން 3-2 އިް މޮޅުވި އޮސްޓްރިއާ އެވެ. އެ ޓީމަށް ތިން މެޗުން ހަ ޕޮއިންޓް ވަނީ ލިބިފަ އެވެ. ނެދަލެންޑްސް އަށް ހަތަރު ޕޮއިންޓް ލިބުނުއިރު، އެ ޓީމު ވެސް ވަނީ ގަދަ 16 ޓީމުގެ ބުރުން ޖާގަ ހޯދައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox