ފަހު ވަގުތު ކްރޮއޭޝިއާ ރޮއްވާލައި އިޓަލީ ގަދަ 16 އަށް

Jun 24, 2024, 9:05 PM
ފަހު ވަގުތު ކްރޮއޭޝިއާ ރޮއްވާލައި އިޓަލީ ގަދަ 16 އަށް

ލައިޕްޒިގު (ޖޫން 25) - އެންމެ ފަހުގެ ޗެމްޕިއަން އިޓަލީން ފަހު ވަގުތު ލަނޑު ޖަހައި 1-1 އިން ކްރޮއޭޝިއާއާ އެއްވަރުކޮށް، މި ފަހަރުގެ ޔޫރޯ ފުޓްބޯޅަ މުބާރާތުގެ ގަދަ 16 އިން ޖާގަ ހޯދައިފި އެވެ.

ކްރޮއޭޝިއާ އަށް ދެން ކުރިއަށްދިއުމުގެ ފުރުސަތެއް އޮންނާނީ އެންމެ ރަނގަޅު ނަތީޖާ ނެރޭ ތިން ވަނަ ޓީމުތަކުގެ ތެރޭގައި ހިމެނިގެންނެވެ.

ގްރޫޕް ބީގެ އެއް ވަނަ ޓީމުގެ ގޮތުގައި ނޮކައުޓަށް ދިޔައީ ތިން މެޗުން މޮޅުވެ، ނުވަ ޕޮއިންޓް ހޯދި ސްޕެއިން އެވެ. އިޓަލީ ދެ ވަނަ ހޯދީ ތިން މެޗުން ހަތަރު ޕޮއިންޓާ އެކު އެވެ.

ތިން ވަނައިގައި ނިންމި ކްރޮއޭޝިއާ އަށް ދެ ޕޮއިންޓް ލިބިފައިވާއިރު، އެ ޓީމަށް ނޮކައުޓް ބުރުގެ ފުރުސަތު ލިބޭކަން އެނގޭނީ ގްރޫޕް ސްޓޭޖުގެ ކުޅުން ނިމޭއިރު، އެ ޓީމަށް އެންމެ ރަނގަޅު ނަތީޖާ ނެރުނު ތިން ވަނަ ޓީމުތަކުގެ ތެރެއިން ގަދަ ހަތަރެއްގައި ހިމެނޭނަމަ އެވެ. ޔޫރޯގެ ހަ ގްރޫޕްގެ ތިން ވަނަ ޓީމުތަކުގެ ރޭންކިންގެ ތެރެއިން ގަދަ ހަތަރަކަށް ވެސް ނޮކައުޓުން ފުރުސަތު ލިބޭނެ އެވެ.

މި ގްރޫޕްގެ ފުލަށް ދިޔަ އަލްބޭނިއާ އަށް ލިބުނީ އެންމެ ޕޮއިންޓެކެވެ.

ނޮކައުޓް ބުރަށް ދިއުމަށްޓަކައި، އިޓަލީ އާއި ކްރޮއޭޝިއާ އަށް ވެސް ނަތީޖާ ނެރުން މަޖުބޫރު މެޗަކަށް މިރޭ ނުކުތްއިރު، ދެ ޓީމުން ވެސް މެޗު ފަށައިގެންދިޔައީ އެޓޭކް ކުރެވޭތޯ މަސައްކަތް ކުރަމުންނެވެ.

އެ ގޮތުން، މެޗުގެ ފަސް ވަަނަ މިނިޓްގައި ކްރޮއޭޝިއާގެ ލޫކަ ސުކިޗް ޖެހި ބޯޅަ އިޓަލީގެ ކީޕަރު ޖިއަންލުއީޖީ ޑޮނަރުންމާ ވަނީ މަތަކޮށްފަ އެވެ.

އިޓަލީގެ ޕެލެގްރީނީ (މ) އާއި ބަރޭލާ (ވ) ކައިރިން ކްރޮއޭޝިއާގެ މޮޑްރިޗް ބޯޅަ ހިފައިގެންދަނީ.

މެޗުގެ 21 ވަނަ މިނިޓްގައި އިޓަލީގެ ފޯވާޑް، މަޓެއޯ ރެޓޭގީ، ހުސްކޮށް ޖާގައެއް ހޯދުމަށް ފަހު، ފޮނުވާލި ހަމަލާ ވަނީ ބްލޮކްވެފަ އެވެ. އޭގެ ހަ މިނިޓް ފަހުން، އިޓަލީގެ ޑިފެންޑަރު، އަލެސަންދްރޯ ބަސްޓޯނީ ބޮލުން ފޮނުވާލި ބޯޅަ ކްރޮއޭޝިއާގެ ކީޕަރު ޑޮމެނިކޯ ލިވާކޮވިޗް ވަނީ މަތަކޮށްފަ އެވެ.

ކްރޮއޭޝިއާ އިން ދެ ވަނަ ހާފުގައި ކުޅުން ފަށައި، ވަރަށް ބޮޑަށް ކުރިއަށް ޖެހިގެން ކުޅެން ފެށި އެވެ.

މެޗުގެ 52 ވަނަ މިނިޓްގައި އިޓަލީގެ އޭރިއާތެެރެއިން، ކްރޮއޭޝިއާގެ އަންޑްރޭ ކްރަމަރިޗް ޖެހި ޝޮޓެއް އިޓަލީގެ ޑާވިޑޭ ފްރަޓެސީ އަތުގައި ޖެހުމުން، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ދިނީ ޕެނަލްޓީ އެކެވެ. ކްރޮއޭޝިއާގެ ކެޕްޓަން، މޮޑްރިޗް ޖެހި ޕެނަލްޓީ އިޓަލީ ކީޕަރު ޑޮނަރުންމާ ވަނީ މަތަކޮށްފަ އެވެ. އެ ޕެނަލްޓީ މަތަކުރިތާ ކުޑައިރުކޮޅެއް ފަހުން، ކްރޮއޭޝިއާ އިން ކުރި އެޓޭކެއްގައި، އެ ޓީމުގެ އަންޓޭ ބުޑިމީރު ޖެހި ބޯޅައިން ކީޕަރު ޑޮނަރުންމާ އަތުގައި ޖެހިފައި އައި ރީބައުންސެއް ގޯލަށް ވައްދާލައި، މޮޑްރިޗް ވަނީ އެ ޓީމަށް ލީޑުނަގައިދީފަ އެވެ. އުމުރުން 38 އަހަރުގެ މޮޑްރިޗަކީ ޔޫރޯގައި ލަނޑު ޖެހި އެންމެ ދުވަސްވީ ކުޅުންތެރިޔާ އެވެ.

ލަނޑު ޖެހުމަށް ފަހު މޮޑްރިޗް އުފާފާޅުކުރަނީ.

ކްރޮއޭޝިއާ އިން ލީޑުނެގުމާ އެކު އިޓަލީން ބަދަލުތަކެއް ގެނެސް އެޓޭކް ވަރުގަދަކުރި އެވެ. އެކަމަކު، ކްރޮއޭޝިއާގެ ޑިފެންޑަރުންނާއި ކީޕަރު، ލިވާކޮވިޗް ހުރީ ރަނގަޅަށް ވިސްނައިގެން، އެ ބޯޅަތައް ހުއްޓުވަން ހުށިޔާރުކަމާ އެކީގަ އެެވެ.

އިޓަލީ އަށް ނަތީޖާ ހަމަހަަމަ ކުރަން ވަނީ ރަނުގެ ފުރުސަތެއް ލިބިފަ އެެވެ. އެ ގޮތުން، 86 ވަނަ މިނިޓްގައި އިޓަލީގެ ފެޑެރީކޯ ކިއޭޒާ ގޯލު ކުރިމައްޗަށް ނަގައިިދިން ހުރަހަކަށް އެރި އެ ޓީމުގެ ޖިއަންލޫކާ ސްކަމާކާ ފައިގައި ބޯޅަ ލައްވާލާ ގޮތެއްނުވި އެވެ.

އިތުރު ވަގުތުގެ އަށް މިނިޓްގެ ތެރެއިން ފަހު މިނިޓްގެ ވެސް ފަހު ވަގުތުގައި އިޓަލީ އަށް އެއްވަރުކޮށްދިން ލަނޑު ޖެހީ މަޓެއާ ޒަކާނީ އެވެ. މިއީ ރިކާޑޯ ކަލަފިއޯރީ ބޯޅަ ހިފައިގެން އަރައި، ޒަކާނީ އަށް ދިން ބޯޅައަކުން ގޯލުގެ މަތީ ކަނަށް ބޯޅަ ފޮނުވާލައިގެން އޭނާ ޖެހި ގޯލެކެވެ. މިއީ، ލާޒިއޯ އަށް ކުޅޭ ޒަކާނީ އިޓަލީ ޓީމަށް ޖަހައިދިން ފުރަތަމަ ގޯލެވެ.

ގަދަ 16 ބުރުގައި އިޓަލީ ކުޅޭނީ ގްރޫޕް އޭގެ ދެ ވަނަ ޓީމު ކަމަށްވާ ސްވިޒަލެންޑާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox