ޑިފެންސް މައްސަލަ ހައްލުނުވެއްޖެނަމަ ކްރޮއޭޝިއާ ދާންޖެހޭނީ ރަށަށް

Jun 24, 2024, 7:52 AM
ޑިފެންސް މައްސަލަ ހައްލުނުވެއްޖެނަމަ ކްރޮއޭޝިއާ ދާންޖެހޭނީ ރަށަށް

ލައިޕްޒިގް (ޖޫން 24) - ޔޫރޯ ފުޓްބޯޅަ މުބާރާތުގައި މިހާތަނަށް ކްރޮއޭޝިއާ ކުޅުނު ދެ މެޗުގައިވެސް އެންމެ ބޮޑަށް ފެނިގެންދިޔައީ ޑިފެންސްގެ މައްސަލަތައް ކަމަށާއި މިރޭ އިޓަލީއާ ދެކޮޅަށް ކުޅޭ މެޗުގައި އެ މައްސަލަތައް ހައްލުނުކުރެވިއްޖެނަމަ، ކްރޮއޭޝިއާ ދާން ޖެހޭނީ ރަށަށް ކަމަށް އެ ޓީމުގެ ކޯޗު ޒްލަޓްކޯ ޑަލިޗް ބުނެފި އެެވެ،

ގުރޫޕް ބީގައި ކްރޮއޭޝިއާ ކުޅުނު ފުރަތަމަ މެޗުގައި ސްޕެއިން އަތުން ބަލިވިއިރު، ދެ ވަނަ މެޗުގައި އަލްބޭނިއާއާ އެކު ވަނީ އެއްވަރުވެފަ އެވެ.

ގަދަ 16 ގެ އުންމީދު ދެމެހެއްޓުމަށް މިރޭގެ މެޗުން މޮޅެއް ހޯދުމަށް ކްރޮއޭޝިއާ އަށް ވަނީ މުހިންމުވެފަ އެވެ.

Advertisement

ޑަލިޗް ބުނީ އިޓަލީއާ ދެކޮޅަށް މިރޭ ނުކުންނައިރު، ކްރޮއޭޝިއާގެ ޑިފެންސްގެ މައްސަލަތައް ހައްލުކުރަންޖެހޭ ކަމަށެވެ.

"ރަޝިއާގައި (2018 ވަނަ އަހަރު) އޮތް ވޯލްޑް ކަޕްގެ ގުރޫޕް ސްޓޭޖުގައި ކްރޮއޭޝިއާ ކޮޅަށް ގޯލެއް ނުވަދޭ. ގަތަރުގައި (2022) ވަނަ އަހަރު އޮތް ވޯލްޑް ކަޕްގެ ގުރޫޕް ސްޓޭޖުގައި ކްރޮއޭޝިއާ ކޮޅަށް ވަނީ އެންމެ ގޯލެއް. އެކަމަކު މުބާރާތުގައި ފުރަތަމަ ދެ މެޗުން ފަސް ގޯލު ކްރޮއޭޝިއާ ކޮޅަށް ވަދެއްޖެ. ނުރައްކާތެރި ކޮންމެ އެޓޭކެއް މި އޮންނަނީ ގޯލަށް ވަދެފައި،" ޑަލިޗް ބުންޏެވެ.

"އަހަރަމެން އެބަޖެހޭ (ޑިފެންސްއާމެދު) ވިސްނައި، އެކަން ރަނގަޅުކުރަން. އެހެން ނޫނީ ޖެހެނީ ރަށަށްދާން."

ޑަލިޗްގެ އިރުޝާދުގެ ދަށުން ކްރޮއޭޝިއާ ވަނީ 2018 ވަނަ އަހަރުގެ ވޯލްޑް ކަޕްގެ ފައިނަލާއި 2022 ވަނަ އަހަރުގެ ވޯލްޑް ކަޕްގެ ސެމީ ފައިނަލް އަދި މިިދިޔަ އަހަރުގެ ނޭޝަންސް ލީގުގެ ފައިނަލްގައި ވާދަކޮށްފަ އެވެ.

އެހެން ނަމަވެސް، މި އަހަރުގެ ޔޫރޯގެ ނަތީޖާތަކާ ގުޅިގެން، އޭނާ އަށް ވަނީ ގިނަ ފާޑުކިއުންތައް އަމާޒުވެފަ އެވެ.

ޑަލިޗް ބުނީ ފާޑުކިޔުންތަކަކީ އޭނާ އަށް އާކަމެއް ނޫން ކަމަށާއި ނަތީޖާތަކުގެ ޒިންމާ އޭނާ ނަގާނެ ކަމަށެވެ.

"އެއީ އަހަރެން ނަގަންޖެހޭ ޒިންމާއެއް. އަހަންނަށް އެނގޭ މެޑަލްތައް ލިބޭއިރު އަހަރެން މިއީ އެއްވެސް މީހެއް ނޫންކަން. އަހަރެން އެއީ ނަމަކަށް ހުންނަ މީހެއް. އެއީ ކްރޮއޭޝިއާގައި އެކަން އޮންނަގޮތް،" ޑަލިޗް ބުންޏެވެ.

އިޓަލީ އާއި ކްރޮއޭޝިއާގެ ރެކޯޑަށް ބަލާއިރު، މިހާތަނަށް މި ދެ ޓީމު ކުޅުނު އަށް މެޗުން ކްރޮއޭޝިއާ ބައްޔެއްނުވެ އެވެ. އެންމެ ފަހުން ކުޅުނު ތިން މެޗު ވެސް ނިމުނީ 1-1 އިން އެއްވަރު ވެގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox