އެންމެ އަވަސް ގޯލު ޖެހި އަލްބޭނިއާ އަށް ޗެމްޕިއަން އިޓަލީ ހާސްނުކޮށްނުލެވުނު

Jun 15, 2024, 8:55 PM
އެންމެ އަވަސް ގޯލު ޖެހި އަލްބޭނިއާ އަށް ޗެމްޕިއަން އިޓަލީ ހާސްނުކޮށްނުލެވުނު

ހެމްބާގް (ޖޫން 16) - ޔޫރޯ ފުޓްބޯޅަ މުބާރާތުގެ ތާރީހުގައި ޖެހި އެންމެ އަވަސް ގޯލު ކާމިޔާބުކުރި އަލްބޭނިއާ އަތުން ފަހަތުން އަރައި، އެންމެ ފަހުގެ ޗެމްޕިއަން އިޓަލީ 2-1 އިން މޮޅުވެއްޖެ އެވެ.

މިރޭގެ މެޗު ފަށައިގެން، 22 ސިކުންތު ތެރޭގައި އަލްބޭނިއާ އިން ވަނީ ލީޑުނަގައިފަ އެވެ. މި ލަނޑު ޖެހީ، އިޓަލީގެ ފުލްބެކް، ފެޑެރީކޯ ޑި މާކޯ ފަހަތަށް އެއްލި އެއްލުމެއް ހޯދައި، އަލްބޭނިއާގެ ނަދީމް ބައިރާމީ އެވެ. އޭނާ ފޮނުވާލި ބޯޅަ ވަނީ އިޓަލީގެ ކީޕަރު ޖިއަންލުއީޖީ ޑޮންނަރުންމާ އަތްކައިރިން ގޯލުގެ މަތީ ދާގަނޑަށެވެ.

މިއީ، ޔޫރޯގެ ތާރީހުގައި ފެނިގެންދިޔަ އެންމެ އަވަސް ގޯލެވެެ. މީގެ ކުރިން، ޔޫރޯގައި އެންމެ އަވަސް ގޯލެއް ޖެހުމުގެ ރެކޯޑް އޮތީ 2004 ވަނަ އަހަރުގެ މުބާރާތުގައި، ގްރީސް ކޮޅަށް ރަޝިއާ އިން 1 މިނިޓް ފަސް ސިކުންތު ތެރޭގައި ލަނޑު ޖެހި، ޑިމިޓްރީ ކިރިޗެންކޯ އަތުގަ އެވެ.

Advertisement

މިއީ، އިޓަލީ ކޮޅަށް ބައިނަލްއަގުވާމީ ބޮޑު މުބާރާތެއްގައި ވަން އެންމެ އަވަސް ގޯލެވެ. އިޓަލީ ކޮޅަށް މީގެ ކުރިން ބައިނަލްއަގުވާމީ މުބާރާތެއްގެ ފުރަތަމަ މިނިޓްގައި ލަނޑެއް ވަދެފައިވަނީ އެންމެ ފަހަރަކު އެވެ. އެއީ، 1978 ވަނަ އަހަރުގެ ފީފާ ވޯލްޑް ކަޕްގައި ފްރާންސްގެ ބާނާޑް ލަކޯމްބް ޖެހި ގޯލެކެވެ.

އަލްބޭނިއާގެ ބައިރާމީ ލަނޑު ޖެހުމަށް ފަހު އުފާފާޅުކުރަނީ.

އިޓަލީން، 1988 އަށް ފަހު، ޔޫރޯގެ މެޗެއްގައި ނެރުނު އެންމެ ޒުވާން ފުރަތަމަ އެގާރައާ އެކު ނުކުތްއިރު، އެ ޓީމުން، މިނިޓެއް ފަހުން ނަތީޖާ ހަަމަހަމަކުރުމާ ގާތަށް ޖެހިލި އެވެ. އެ ގޮތުން، އޭރިއާތެރެެއިން ލޮރެންޒޯ ޕެލެގްރީނީ ފޮނުވާލި ޝޮޓް ދިޔައީ ދަނޑިކައިރިން ބޭރުންނެވެ.

މެޗުގެ 11 ވަނަ މިނިޓްގައި އިޓަލީން އެއްވަރުކުރީ އަލެސަންދްރޯ ބަސްޓޯނީ ޖެހި ލަނޑުންނެވެ. އޭނާ މި ލަނޑު ޖެހީ ޕެލެގްރީނީ ނެގި ހުރަހަކުން ބޮލުންނެވެ. ނަތީޖާ ހަމަހަމަ ކުރިތާ ފަސް މިިނިޓް ތެރޭ އިޓަލީން ލީޑުނެގި ލަނޑު ޖެހި އެވެ. އެ ލަނޑު ކާމިޔާބުކުރީ ނިކޯޯލޯ ބަރޭލާ އެވެ. އޭރިއާ ރޮނގުކައިރީގައި ހުއްޓައި، ބަރޭލާ އަށް ލިބުނު ބޯޅަ ވަނީ އެއް ފަހަރުން ގޯލަށް ފޮނުވާލައިފަ އެވެ. މި ގޯލު ބަލައިގަަންނަން ނިންމީ ވީޑިއޯ އެސިސްޓަންޓް ރެފްރީ (ވީއޭއާރް) އިން ފައުލެއް ހިނގިތޯ ކަށަވަރުކޮށްފަ އެވެ.

ފުރަތަމަ ހާފު ނިމުމުގެ ކުރިން، އިޓަލީ އަށް ތިން ވަނަ ލަނޑެއް ޖަހައިދޭން ޖިއަންލޫކާ ޝްކަމާކާ އަށް ލިބުނު ހުސް ފުރުސަތުން އޭނާ ޖެހި ބޯޅަ އަލްބޭނިއާގެ ކީޕަރު، ތޯމަސް ސްޓްރަކޯޝާ ވަނީ މަތަކޮށްފަ އެވެ.

އިޓަލީން ދެ ވަނަ ހާފުގައި ފޮނުވާލި ހަމަލާތަކުގެ ހުރަހަކަށްވީ ވެސް ވެސް ކީޕަރު ސްޓްރަކޯޝާ އެވެ. އޭނާ ވަނީ ފެޑެރީކޯ ކިއޭޒާ އާއި ޑި މާކޯ ފޮނުވާލި ބޯޅަތައް ހުއްޓުވައިފަ އެވެ.

ބަދަލުތަކެއް ގެނެސްގެން، އަލްބޭނިއާ އިން ވެސް އިތުރު ގޯލެއް ޖަހައި ނަތީޖާ ހަމަހަމަކުރެވޭތޯ ބެލި އެވެ. އެކަމަކު، އެކަން ކާމިޔާބުނުވީ އިޓަލީގެ ޑިފެންޑަރުންގެ ހުށިޔާރުކަމުންނެވެ. އެކަމަކު، މެޗުގެ 89 ވަަނަ މިނިޓްގައި އަލްބޭނިއާގެ ފޯވާޑް، ރޭ މަނާއި އަށް ލިބުނު ފުރުސަތެއްގައި ޖެހި ބޯޅަ ދިޔައީ ގޯލު ކުރިމަތިން ހުރަސްވެގެންނެވެ.

ގްރޫޕް ބީގެ ފުރަތަމަ މެޗުގައި މިރޭ ސްޕެއިނުން ވަނީ 3-0 އިން ކްރޮއޭޝިއާ ބަލިކޮށްފަ އެވެ. މި ގްރޫޕްގެ މެޗުތައް ދެން އޮތީ، 19 ވަނަ ދުވަހު އެވެ. ކްރޮއޭޝިއާ އިން އަލްބޭނިއާއާ ކުޅޭއިރު، އިޓަލީން ބައްދަލުކުރާނީ ސްޕެއިންއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox