ސާފް ޗެމްޕިއަންޝިޕްގެ ފައިސާ އެފްއޭއެމުން ނުދޭ މައްސަަލަ ހޫނުވެއްޖެ

އެފްއޭއެމް އިން އެންމެ ފަހުން ބޭއްވި ކޮންގްރެސްގެ ތެރެއިން ބައްސާމް.--- ފޮޓޯ: އަދަދު

އެފްއޭއެމް އިން އެންމެ ފަހުން ބޭއްވި ކޮންގްރެސްގެ ތެރެއިން ބައްސާމް.--- ފޮޓޯ: އަދަދު

ރާއްޖޭގައި 2021 ވަނަ އަހަރު ބޭއްވި ސާފް ޗެމްޕިއަންޝިޕް ފުޓްބޯޅަ މުބާރާތާ ގުޅޭ ފައިސާތަކުގެ ކަންކަން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ހަމަޖައްސާފައިނުވާތީ، އެ މައްސަލައިގައި ސައުތު އޭޝިއަން ފުޓްބޯލް ފެޑެރޭޝަން (ސާފް) ފިޔަވަޅުތަކެއް އަޅަން މަޝްވަރާކޮށްފި އެވެ.

އެންމެ ފަހުން ބޭއްވި ސާފްގެ އެގްޒެކްޓިވް ކޮމިޓީގެ ބައްދަލުވުމާއި ކޮންގްރެސްގައި އެންމެ ބޮޑަށް ދެކެވުނު ވާހަކަ އަކީ، ރާއްޖޭން 2021 ވަނަ އަހަރު ސާފް ޗެމްޕިއަންޝިޕާ ގުޅޭ ފައިސާތައް އަދާކޮށްފައިނުވާ މައްސަލަ އެވެ.

އެ ގޮތުން، 2021 ވަނަ އަހަރުގެ ސާފް ޗެމްޕިއަންޝިޕްގެ ޗެމްޕިއަންކަން ހޯދި އިންޑިއާ އަށް ދޭން ޖެހޭ ފައިސާގެ އިނާމާއި ޓީމުތަކުން ބައިވެރިވި ފީ އާއި ސާފް އަށް ދައްކަން ޖެހޭ ފީ އެފްއޭއެމް އިން ދީފައިނުވެ އެވެ.

Advertisement

ތަކުރާރުކޮށް، މި ފައިސާ ދައްކަން އެފްއޭއެމަށް ސާފުން ދިން މުހުލަތުތަކުގައި ވެސް އެކަން ކޮށްފައިނުވާތީ، ސާފްގެ މެމްބަރުން އަންނަނީ އެ ކަމާ ނުރުހުން ފާޅުކުރަމުންނެވެ.

ފައިސާތައް އަދާނުކުރާ މައްސަލައިގައި އެފްއޭއެމް އިން އެކަށީގެންވާ ޖަވާބުތަކެއް ވެސް ނުލިބޭތީ، ސާފުން މި މައްސަލަ ވަނީ އޭއެފްސީ އަށް ވެސް ހުށަހަޅައިފަ އެވެ. އަދި މި ކަން އޭއެފްސީގެ ސަމާލުކަމަށް ގެނެސްގެން ހައްލެއް ލިބޭތޯ ވެސް ސާފުން އަންނަނީ މަސައްކަތް ކުރަމުންނެވެ.

ސާފްގެ މި ބައްދަލުވުމުގައި އެފްއޭއެމްގެ ރައީސް ބައްސާމް އަދީލް ޖަލީލް، ބައިވެރިވެވަޑައިގެންނެވީ އޮންލައިންކޮށެވެ. އެއީ، މަނީ ލޯންޑަރިން އާއި ހިޔާނާތުގެ މައްސަލައެއްގައި ކޯޓުން ބައްސާމްގެ ޕާސްޕޯޓް ހިފަހައްޓާފައިވާތީ ދަތުރުކުރެވެން ވެސް ނެތުމާ އެކީގަ އެވެ.

އެ ބައްދަލުވުމުގައި ބައްސާމް ވިދާޅުވީ، އެފްއޭއެމްގެ ކުރިއަށް އޮތް އިންތިހާބަށް ފަހު، ދެތިން މަސް ތެރޭގައި އެ ފައިސާ ހަމަޖައްސައިދޭނެ ކަަމަށެވެ.

އެކަމަކު، ސާފްގެ ކަންބޮޑުވުމަކީ، އެފްއޭއެމް ހިންގުމަށް ދެން އަންނަ ފަރާތްތަކުން، ސާފްގެ މި ފައިސާ ދޭން މާ ބޮޑު އަހައްމިއްޔަތުކަމެއް ނުދޭނެ ކަމުގެ ބިރު އޮތުމެވެ.

އެފްއޭއެމް އިން ސާފް އަށް ދައްކަން ޖެހޭ ފައިސާ ނުދޭތީ، ރާއްޖޭގެ ގައުމީ ޓީމުތައް ސާފްގެ މުބާރާތްތަކުގައި ކުޅެން ފުރުސަތު ދިނުމާ މެދު ވެސް ވަނީ މަޝްވަރާކޮށްފަ އެވެ. އެކަމާ މެދު ސީދާ ގޮތެއް ނިންމިފައިނުވާއިރު، ދެން މި ކަމާ މެދު ސާފުން ސީދާ ގޮތެއް ކަނޑައަޅައި، އެ ފެޑެރޭޝަންގެ އެއްބާރުލުން އެފްއޭއެމަށް ދިނުމާ މެދު ގޮތެއް ނިންމާނީ އެފްއޭއެމްގެ ކުރިއަށް އޮތް އިންތިހާބަށް ފަހު، ދެން އަންނަ ހިންގާ ކޮމިޓީ އަކާ މަޝްވަރާ ކުރުމަށް ފަހު އެވެ.

ދެ ފަަހަރެއްގެ މަތިން އެފްއޭއެމްގެ އިންތިހާބު ބާއްވަން ކުރި މަސައްކަތް ވެސް ކާމިޔާބުނުވި އެވެ. އެއީ، އިންތިހާބާ ގުޅޭ މަސައްކަތާއި އެފްއޭއެމްގެ ހިންގުމުގައި ހުރި މައްސަލަތަކެއް، ފާހަގަވެގެން، ފީފާ އާއި އޭއެފްސީން އަންގައިގެންނެވެ. މިހާރު ހިނގަމުންދާ ބައްސާމްގެ ރައީސްކަމުގެ ދައުރު، އަންނަ މަހުގެ ދެ ވަނަ ދުވަހަށް ހަމަވާނެ އެވެ.

ދާދި ފަހުން އޭއެފްސީ އާއި ފީފާގެ ޓީމެއް ރާއްޖެ އަތުވެ، އެފްއޭއެމާ ގުޅުން ހުރި އެކި ފަރާތްތަކާ ވަނީ ބައްދަލުކޮށްފަ އެވެ. އެ ބައްދަލުވުންތަކަށް އިޝާރާތްކޮށް، ކޮމިޝަނާ އޮފް ސްޕޯޓްސް، މުހައްމަދު ތޮލާލް ވިދާޅުވެފައިވަނީ، އެފްއޭއެމްގެ މައްސަލައިގައި ފީފާ އާއި އޭއެފްސީ އިން ނިންމާ ނިންމުން ވަރަށް އަވަހަށް ސަރުކާރާ ހިއްސާކުރާނެ ކަމަށާއި, އެ ނިންމުމަށް ސަރުކާރުން އިހުތިރާމްކުރާނެ ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox