ޗެތުރީ، އިންޑިއާ ގައުމީ ޓީމަށް ކުޅުން ހުއްޓާލަން ނިންމައިފި

May 16, 2024, 6:13 AM
މިދިޔަ އަހަރުގެ ސާފް ޗެމްޕިއަންޝިޕްގެ ފައިނަލަށް ފަހު ޗެތުރީ.--- ފޮޓޯ: އަދަދު

މިދިޔަ އަހަރުގެ ސާފް ޗެމްޕިއަންޝިޕްގެ ފައިނަލަށް ފަހު ޗެތުރީ.--- ފޮޓޯ: އަދަދު

ބެންގަލޫރު، އިންޑިއާ (މެއި 16) - އިންޑިއާގެ ލެޖެންޑަރީ ސްޓްރައިކަރު، ސުނިލް ޗެތުރީ، ގައުމީ ޓީމަށް ކުޅުން ހުއްޓާލަން ނިންމައިފި އެވެ.

އުމުރުން 39 އަހަރުގެ ޗެތުރީ، އިންޑިއާ ގައުމީ ޓީމަށް ކުޅޭނެ އެންމެ ފަހު މެޗަކީ، އަންނަ މަހު ކުވެއިތާ ދެކޮޅަށް ކުޅޭ ފީފާ ވޯލްޑް ކަޕް ކޮލިފައިން މެޗެވެ.

ވިއްސަކަށް އަހަރުވީ ގައުމީ ޓީމުގެ ކެރިއަރު ނިމުމަކަށް ގެންނަން ނިންމާފައިވާކަން ޗެތުރީ، އިއުލާނުކުރީ، މިއަދު ސޯޝަލް މީޑިއާގައި ހިއްސާކުރި ވީޑިއޯ މެސެޖެއްގަ އެވެ.

Advertisement

އިންޑިއާ ގައުމީ ޓީމަށް 2005 ވަނަ އަހަރުން ފެށިގެން ކުޅެމުން އަންނަ ޗެތުރީ، ވަނީ އެ ޓީމަށް 145 މެޗުން 94 ގޯލު ޖަހައިފަ އެވެ. ގައުމީ ޓީމަށް އެންމެ ގިނަ ގޯލު ޖަހައިދިން ކުޅުންތެރިންގެ ލިސްޓުގައި، މި ވަގުތު ކުޅޭ ކުޅުންތެރިންގެ ލިސްޓުގެ ތެރެއިން، ޗެތުރީ އަށް ވުރެ ކުރީގައި އޮތީ ކްރިސްޓިއާނޯ ރޮނާލްޑޯ އާއި ލިއޮނަލް މެސީ އެވެ.

ޗެތުރީ ބުނީ، ގައުމީ ޓީމަށް ކުޅުން އަބަދުވެސް ދެކުނީ ފަހުރެއްގެ ގޮތުގައި ކަމަށާއި އުފާވެރި އަދި ހިތާމަވެރި ތަޖުރިބާތަކެއް ގައުމީ ޓީމާ އެކު އެކި ފަހަރު މަތިން ކުރަން ޖެހުނަސް، އަަބަދުވެސް ގައުމު ތަމްސީލްކުރެވޭ އުފާކުރެވޭ ކަމަށެވެ.

"އެކަމަކު މިދިޔަ ދޮޅު މަހެއްހާ ދުވަހު އަހަންނަށް އަބަދުވެސް އިހުސާސްވީ، ދެން ކުޅެން ޖެހޭނީ އަހަރެންގެ ފަހު މެޗޭ. އެއީ ބުނަން ނޭނގޭ އުނދަގޫ އިހުސާސެއް،" ޗެތުރީ ބުންޏެވެ.

މިއީ ރިޓަޔާކުރަން ރަނގަޅު ވަގުތު ކަމަށާއި، ފަހު މެޗުގެ 15-20 ވަރަކަށް މެޗު ކުރިން، އެކަން އިއުލާނުކުރަން ނިންމީ އަމިއްލަ ސިކުނޑި ވެސް މި ކަމަށް ތައްޔާރުވާން އެދޭތީ ކަމަށް ޗެތުރީ ވަނީ ބުނެފަ އެވެ.

ރިޓަޔާކުރަން ނިންމި ނިންމުމާ ބެހޭގޮތުން، ޗެތުރީ އެންމެ ބޮޑު ކަމެއްގެ ގޮތުގައި ފާހަަގަކުރީ، މިއީ އަންނަން އޮތް ޖީލުތަކުގެ ސްޓްރައިކަރުންނަށް ފުރުސަތު ދޭންވީ ވަގުތުކަމުގައި ދެކޭ ކަމަށެވެ. އެހެންކަމުން، ދެން އަންނަ ފޯވާޑުން ވެސް ގައުމީ ޒިންމާ އިސްކޮށް، އިންޑިއާ ފުޓްބޯޅަ ކުރިއަރުވާނެ ކަމަށް އުންމީދުކުރާ ކަމަށް ޗެތުރީ ވަނީ ބުނެފަ އެވެ.

އިންޑިއާ ގައުމީ ޓީމާ އެކު ޗެތުރީ ހޯދާފައިވާ ކާމިޔާބީތަކަށް ބަލާއިރު، ސާފް ޗެމްޕިއަންޝިޕްގެ ޗެމްޕިއަންކަން ހަތަރު ފަހަރު ހޯދުމާއި 2008 ވަނަ އަހަރުގެ އޭއެފްސީ ޗެލެންޖް ކަޕް ކާމިޔާބުކުރުމާއި ތިން ފަހަރު ނެހްރޫ ކަޕްގެ ޗެމްޕިއަންކަން ހޯދުމާއި ދެ ފަހަރު އިންޓަ ކޮންޓިނެންޓަލް ކަޕް ހޯދުމުގެ އިތުރުން އެއް ފަހަރު، އިންޑިއާ ޓްރައިނޭޝަންސް ސީރީސް ކާމިޔާބު ކުރުން ހިމެނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox