ވިކްޓަރީ ނޫނީ ނިއު އަންނަ ސީޒަނުގެ ފުރަތަމަ ޑިވިޝަނުން ފެންނާނެ

Feb 9, 2024, 10:17 AM
މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގައި ނިއު އިން ކުޅުނު މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު

މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގައި ނިއު އިން ކުޅުނު މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު

މިހާރު ކުރިއަށްދާ އެމްޕީއެލް އެފްއޭއެމް ދެ ވަނަ ޑިވިޝަން ފުޓުބޯޅަ މުބާރާތުގެ ސެމީ ފައިނަލުގައި ނިއު ރޭޑިއަންޓް ސްޕޯޓްސް ކްލަބް އާއި ވިކްޓަރީ ސްޕޯޓްސް ކްލަބް ކުޅެން ޖެހުމުން، މި ދެ ޓީމުގެ ތެރެއިން، އެއް ޓީމަށް އަންނަ ސީޒަނު ފުރަތަމަ ޑިިވިޝަނުން ފުރުސަތު ލިބޭނެކަން ކަށަވަރުވެއްޖެ އެވެ.

ފަނަރަ ޓީމު ވާދަކުރި މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގެ ސެމީ ފައިނަލަށް ދިޔަ ޓީމުތައް މިހާރު ވަނީ ކަނޑައެޅިފަ އެވެ. އާދިއްތަ ދުވަހު ހަވީރު، ފުރަތަމަ ސެމީގައި މަސް އޮޑި ސްޕޯޓްސް ކްލަބުން ނުކުންނާނީ ޓެންޓް ސްޕޯޓްސް ކްލަބާ ދެކޮޅަށެވެ. އަދި ހޯމަ ދުވަހު ހަވީރު، ދެ ވަނަ ސެމީގައި ނިއު ރޭޑިއަންޓާއި ވިކްޓަރީ ވާދަކުރާނެ އެވެ.

މުބާރާތުގެ ގަވާއިދުގައިވާ ގޮތުން، އަންނަ ސީޒަނުގެ ފުރަތަމަ ޑިވިޝަނަށް ޕްރޮމޯޓްވާނީ ސެމީން މޮޅުވެ، ފައިނަލަށް ދަތުރުކުރާ ދެ ޓީމެވެ. އެހެންވުމާ އެކު، މިހާރު ނިއު އާއި ވިކްޓަރީ ތެރެއިން ޓީމަަކަށް މި އޮތީ ފުރަތަމަ ޑިވިޝަން ޔަގީންވެފަ އެވެ.

ވިކްޓަރީ އާއި ނިއު އިން ވެސް ދެ ވަނަ ޑިވިޝަނުގައި މި ކުޅެނީ ދެ ވަނަ ސީޒަނުގަ އެވެ. އެފްއޭއެމް އިން 2019 އާއި 2020 ވަނަ އަހަރު ދިން ސަސްޕެންޝަނާ އެކު، ދެ ވަނަ ޑިވިޝަނަށް ރެލިގޭޓްވި ވިކްޓަރީ އަށް، އަލުން ސަސްޕެންޝަނަށް ފަހު ކުޅެން ފެށުނީ މީގެ އެއް އަހަރު ކުރިން ބޭއްވި، މިދިޔަ ސީޒަނުގެ ދެ ވަނަ ޑިވިޝަން ފުޓްބޯޅަ މުބާރާތް ފެށެން ގާތްވެފައި ވަނިކޮށެވެ.

އެހެންވެ، މިދިޔަ ފަހަރު ދެ ވަނަ ޑިވިޝަނަށް ޕްރޮމޯޓްވާން މި ދެ ޓީމަށް މާ އެދެވޭ މަސައްކަތެއް ނުކުރެވުނެވެ. ވިކްޓަރީ ކެޓީ ގްރޫޕް ސްޓޭޖުންނެވެ. ނިއު ކެޓީ ސެމީ ފައިނަލުގައި ބުރު ސްޕޯޓްސް ކްލަބް އަތުންނެވެ.

އެކަމަކު، މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތަށް ދުރާލާ އެންމެ ރަނގަޅަށް ތައްޔާރުވި ޓީމުތަކުގެ ތެރޭގައި ނިއު އާއި ވިކްޓަރީ ހިމެނެ އެވެ. ވިކްޓަރީ އާއި ނިއު އިން މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގެ ސެމީ ފައިނަލުން ފުރުސަތު ހޯދީ މިހާތަަށް ކުޅުނު ފަސް މެޗުން ވެސް މޮޅުވެގެން، ސައްތަ އިން ސައްތަ ރެކޯޑަކާ އެކު އެވެ.

މީގެ ތިނެއް ނޫނީ ހަތަރު އަހަރު ކުރިން، ނިއު އާއި ވިކްޓަރީ ސަސްޕެންޑްކުރަން، އެންމެ ފުރަތަމަ އެފްއޭއެމުން ނިންމީ އެ ދެ ކްލަބުގެ މާލީ މައްސަލަތަކާ ހެދި އެވެ. އޭރު އެ ދެ ކްލަބުން ތުހުމަތުކުރި ގޮތުގައި މި ސަސްޕެންޝަނަކީ، އެފްއޭއެމްގެ ރައީސް ކަމުން ބައްސާމް އަދީލް ޖަލީލް ދުރުކުރަން އެ ދެ ކްލަބުން މަސައްކަތް ފެށުމުން އައި ކަމެއް ކަމަށެވެ.

އެފްއޭއެމް އިން ވަނީ ދެ އަހަރު ވަންދެން ނިއު އާއި ވިކްޓަރީގެ ސަސްޕެންޝަން ކޮންގްރެސްގެ ތާއީދާ އެކު ދަމަހައްޓައިފަ އެވެ. ސަސްޕެންޝަން އުވާލީ، އެ ދެ ކްލަބުން ދޭން ޖެހޭ ދަރަނިތައް އަދާކޮށް، އިދާރީ ގޮތުން ފުރިހަމަ ކުރަން ހުރި ކަންތައްތައް ކުރުމުންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox