ޕީކޭ ކޮޅަށް 8 ގޯލު ޖަހައި ނިއު ރޭޑިއަންޓް ދެ ވަނަ ޑިވިޝަން ސެމީ އަށް

Feb 6, 2024, 1:41 PM
ނިއު ރޭޑިއަންޓްގެ ވިފާގު (ވ) އާއި އަހްރޯރް ލަނޑު ޖެހުމަށް ފަހު އުފާފާޅުުކުރަނީ.--- ފޮޓޯ: އަބްދުﷲ އިޔާން/ އަދަދު

ނިއު ރޭޑިއަންޓްގެ ވިފާގު (ވ) އާއި އަހްރޯރް ލަނޑު ޖެހުމަށް ފަހު އުފާފާޅުުކުރަނީ.--- ފޮޓޯ: އަބްދުﷲ އިޔާން/ އަދަދު

އެމްޕީއެލް އެފްއޭއެމް ދެ ވަނަ ޑިވިޝަން ފުޓްބޯޅަ މުބާރާތުގެ ކުއާޓާ ފައިނަލްގައި ކްލަބް ޕީކޭ އަތުން 8-0 އިން މޮޅުވެ، ނިއު ރޭޑިއަންޓް ސްޕޯޓްސް ކްލަބް މުބާރާތުގެ ސެމީ ފައިނަލުން ފުރުސަތު ހޯދައިފިއެވެ.

ސެމީގައި ނިއު ކުޅެން ޖެހޭނީ މާދަމާ ހަވީރު ކުޅޭ ކުއާޓާ ފައިނަލް ތިން ވަަނަ މެޗުން ވިކްޓަރީ ސްޕޯޓްސް ކްލަބާއި ކުޑަހެންވޭރު ޔުނައިޓެޑް ކުޅޭ މެޗުން މޮޅުވާ ޓީމަކާ އެވެ. އެ ސެމީ ފައިނަލް އޮންނާނީ އަންނަ ހަފްތާގެ ހޯމަ ދުވަހު އެވެ.

އަންނަ އަހަރުގެ ފުރަތަމަ ޑިވިޝަނުން ފުރުސަތު ލިބެނީ، މި ފަހަރުގެ ދެ ވަނަ ޑިވިޝަން ފައިނަލަށް ދަތުރުކުރާ ދެ ޓީމަކަށެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗު ފަށައިގެން، ހަތަރު ވަނަ މިނިޓްގައި ނިއު އިން ލީޑުނެގީ އޭރިއާތެެރެއިން އިސްމާއިލް ވިފާގު (އިއްސެ) ގޯލުގެ ދުރު ކަނަށް ފޮނުވާލި ބޯޅައިންނެވެ. އޭގެ ތިން މިނިޓް ފަހުން، ނިއު އިން ދެ ވަނަ ލަނޑެއް ޖެހި އެެވެ. މިއީ އޭރިއާތެރެއިން ލިބުނު ފުރުސަތަކުން އެ ޓީމުގެ އުޒްބެކިސްތާން މިޑްފީލްޑަރު، އުމަރްޔޯނޯފް އަހްރޯރް ޖެހި ގޯލެކެވެ.

ނިއުގެ ކޯފީ (ކ) އާއި އަބޫ (މ) އަދި ނައްޒާމް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން / އަދަދު

މެޗުގެ 16 ވަަނަ މިނިޓްގައި ނިއު އިން ތިން ވަނަ ލަނޑު ޖެހި އެވެ. މިއީ އިއްސެ ދިން ބޯޅައަކުން ނިއުގެ ގާނާ ފޯވާޑް، ކޯފީ އޮވޫސޫ ޖެހި ގޯލެކެވެ. ކޯފީ މި ލަނޑު ޖެހީ ފުރަތަމަ ފޮނުވާލި ހަމަލާ ކްލަބް ޕީކޭގެ ކީޕަރު ތޮލާލް ހަސަން މަތަކުރުމުން އައި ރީބައުންސުންނެވެ. ނިއުގެ ހަތަރު ވަނަ ލަނޑު ވެސް ޖެހީ ކޯފީ އެވެ. މިއީ މެޗުގެ 25 ވަަނަ މިނިޓްގައި ނިއުގެ އަބްދުﷲ މިދުހަތު ފަހުމީ (ބިޗަޑް) ނަގައިދިން ހުރަހަކުން ކޯފީ ޖެހި ގޯލެކެވެ.

ނިއު އިން ވަނީ 35 ވަަނަ މިނިޓްގައި އެ ޓީމުގެ ފަސް ވަނަ ލަނޑު ޖަހައިފަ އެވެ. މި ލަނޑު ޖެހީ، އަހްރޯރް އެވެ. މިއީ އިއްސެ ޖެހި ޝޮޓެއް ބްލޮކްވެފައި އައި ވަގުުތު އަހްރޯރް ޖެހި ގޯލެކެވެ.

ފުރަތަމަ ހާފުގެ ފަހު މިނިޓްގައި ނިއުގެ ހަ ވަނަ ލަނޑު ޖެހީ އެ ޓީމުގެ ގާނާ މިޑްފީލްޑަރު އަބޫ ސަނޫނޫ އެވެ. މިއީ، އޭރިއާތެރެއިން ލިބުނު ފުރުސަތަކުން ގޯލުގެ ކައިރީ ކަނަށް ބޯޅަ ފޮނުވާލައިގެން އަބޫ ޖެހި ގޯލެކެވެ. ދެ ވަނަ ހާފް ފަށައިގެން ފަސް މިނިޓް ހިނގިތަނާ ނިއު އިން ހަތް ވަނަ ލަނޑު ޖެހި އެވެ. މި ލަނޑު ވެސް ކާމިޔާބުކުރީ އަބޫ އެވެ.

ނިއުގެ އަށް ވަނަ ލަނޑު ޖެހީ މެޗުގެ 77 ވަަނަ މިނިޓްގައި، އާދަމް ޝިޔާން މުހައްމަދު އެވެ. މިއީ އިއްސެ ނަގައިދިން ހުރަަހަކުން ޝިޔާން ބޮލުން ޖެހި ގޯލެކެވެ.

ޕީކޭ އިން މެޗު ނިންމާލީ އެއް ކުޅުންތެރިއަކު މަދުކޮށެވެ. އެއީ މެޗުގެ އިތުރު ވަގުތުގައި ދެ ޓީމުގެ މެދުގައި ހިނގިހަމަނުޖެހުމެއްގެ ތެރެއިން، ޕީކޭގެ އަބްދުލް ރަހްމާން ޝައްފާފް ޝާހަށް ވަނީ ރަތް ކާޑެއް ދައްކައިފަ އެވެ.

ނިއު އަކީ މި ފަހަރުގެ ދެ ވަނަ ޑިވިޝަނުގެ ސެމީ ފައިނަަލަށް ދަތުރުކުރި ދެ ވަނަ ޓީމެވެ. ފުރަތަމަ ޖާގަ ހޯދީ މަސް އޮޑި ސްޕޯޓްސް ކްލަބް އެވެ. ނިއު އާއި މަސް އޮޑި ސެމީ އަށް އައީ ކުޅުނު ހުރިހާ މެޗަކުން މޮޅުވެގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox