ފަސްއަހަރުގެ މެދުކެނޑުމަކަށްފަހު އޮފީސްތަކުގެ ޓެލެޑްރާމާ މުބާރާތް މިއަހަރު ބާއްވަނީ

މީގެ ކުރިން އެންސީއޭއިން ބޭއްވި އޮފީސްތަކުގެ ޓެލެޑްރާމާ މުބާރާތެއްގެ އިނާމުދިނުމުގެ ހަފުލާ -- ފޮޓޯ: މުނިއަވަސް

މީގެ ކުރިން އެންސީއޭއިން ބޭއްވި އޮފީސްތަކުގެ ޓެލެޑްރާމާ މުބާރާތެއްގެ އިނާމުދިނުމުގެ ހަފުލާ -- ފޮޓޯ: މުނިއަވަސް

ފަސް އަހަރުގެ މެދުކެނޑުމަކަށްފަހު އޮފީސްތަކުގެ ޓެލެޑްރާމާ މުބާރާތް މިއަހަރު ބޭއްވުމަށް ނިންމައި މުބާރާތުގައި ބައިވެރިވުމުގެ ފުރުސަތު ހުޅުވާލައިފި އެވެ.

އެންސީއޭއިން މިއަދު ގެޒެޓު ކުރި އިއުލާނުގައި ވަނީ މުބާރާތުގެ އުސޫލާއި ބައިވެރިވުމަށް އެދޭ ފޯމުގެ އިތުރުން ކޮންޓެންޓު ގައިޑު އާންމުކޮށްފަ އެވެ.

އެގޮތުން މުބާރާތްތަކުގައި ބައިވެރިވާ އޮފީސްތަކުން ޑްރާމާ ހަދަން ޖެހޭނީ އެ އޮފީހެއް، މުއައްސަސާއެއް ނުވަތަ ކުންފުންޏެއްގެ މައިގަނޑު މަސައްކަތާ ގުޅުން ހުރި އިޖުތިމާއީ މައްސަލައަކަށް ބިނާކޮށް އެ މައްސަލައަށް ހައްލެއް ހޯދޭނެ ތީމެއްގެ މައްޗަށް ކަމަށް އެންސީއޭއިން އާންމު ކުރި އުސޫލުގައި ބުނެފައިވެ އެވެ.

އަދި މުބާރާތުގައި ބައިވެރިކުރާ ޑްރާމާއަކީ ރާއްޖޭގެ ގާނޫނާއި ގަވާއިދާއި ރާއްޖޭގެ ތާރީހާއި އާދަކާދައާ ހިލާފު ނުވާ މުޖުތަމައުގައި ހިމެނޭ ދޭދޭ އަފުރާދުންގެ މެދުގައި މަސްލަހަތު ނުގެއްލޭފަދަ ތީމްއަކަށް ހަދާ ޑްރާމާއަކަށް ވާންޖެހޭނެ ކަމަށް އެންސީއޭގެ އުސޫލުގައި ބުނެފައިވެ އެވެ. އުފައްދާ ޑްރާމާއެއްގެ ތީމް ކުރިއަށްދާ ޝަރުއީ އެއްވެސް މައްސަލައަކަށް ބިނާކޮށްގެން ނުވާނެ ކަމަށް ވެސް އެ އުސޫލުގައި ބުނެފައިވެ އެވެ.

މި އަހަރުގެ ރޯދަ މަހު ދެއްކުމަށް ނިންމާފައިވާ އެ މުބާރާތުގައި ބައިވެރިވާން އެދޭ ފަރާތްތަކުން އަންނަ ފެބްރުއަރީ 1 ވަނަ ދުވަހުގެ މެންދުރުފަހު 1:30 ގެ ކުރިން މުބާރާތުގައި ބައިވެރިވުމުގެ ފޯމު އެންސީއޭއަށް ހުށަހަޅަންޖެހޭނެ އެވެ.

މުބާރާތުގައި ބައިވެރި ކުރާ ޑްރާމާތައް އެންސީއޭއަށް ހުށަހަޅަންޖެހެނީ މާޗު 10 ވަނަ ދުވަހުގެ މެންދުރުފަހު 1:00 ގެ ކުރިންނެވެ. ޑްރާމާއާއެކު ބައިވެރިންގެ މައުލޫމާތު ފޯމާއި އެއް މިނެޓަށްވުރެ ދިގުނޫން ޓްރެއިލާއަކާއި ނެޝަނަލް ބިއުރޯ އޮފް ކްލެސިފިކޭޝަނުން ކްލެސިފައި ކުރުމަށްފަހު ކްލެސިފިކޭޝަން ސެޓުފިކޭޝަން ސެޓުފިކެޓު ވެސް ހުށަހަޅަން ޖެހޭނެ ކަމަށް އެންސީއޭގެ އުސޫލުގައި ބުނެފައިވެ އެވެ.

އެންސީއޭ އޮފީސްތަކުގެ ޓެލެޑްރާމާ މުބާރާތުގައި ބައިވެރިވެވޭނީ ސަރުކާރު އޮފީސްތަކާއި އަމިއްލަ މުއައްސަސާތަކުގެ އިތުރުން ސަރުކާރު ހިއްސާވާ ކުންފުނިތަކަށެވެ. ނަމަވެސް މިނިސްޓަރީތަކާއި މިނިސްޓަރީތަކުގެ ދަށުން ހިނގާ އެއްވެސް އޮފީހަކަށް އެ މުބާރާތުގައި ބައިވެރިއެއް ނުވެވޭނެ އެވެ.

މުބާރާތަށް ހުށަހަޅާ ޑްރާމާތަކުގައި ބައިވެރިވާން ޖެހޭނީ ޑްރާމާ ތައްޔާރު ކުރާ އޮފީސްތަކުގައި ނުވަތަ ކުންފުނިތަކުގައި ފުލްޓައިމްކޮށް ނުވަތަ ޕާޓް ޓައިމްކޮށް މަސައްކަތް ކުރާ މުވައްޒަފުންނަށް އެކަންޏެވެ. ނަމަވެސް ޑްރާމާއެއްގެ ވާހަކަ އޮންނަ ގޮތުން ޑްރާމާގައި ކުޑަކުއްޖަކު ބައިވެރި ކުރަން ޖެހިއްޖެ ހާލަތެއްގައި ކުޑަކުއްޖަކު ބައިވެެރި ކުރުމަށް އެ އުސޫލުގައި ހުއްދަ ދީފައިވެ އެވެ. އެހެނަސް ޑްރާމާގައި އެ ކުއްޖާގެ ރޯލަކީ ޑްރާމާގެ 25 އިންސައްތައަށްވުރެ ބޮޑު ބަޔަކަށް ވެގެން ނުވާނެ ކަމަށް އެ އުސޫލުގައި ބުނެފައިވެ އެވެ.

މުބާރާތުގެ އެންމެ މޮޅު ޑްރާމާއަކަށް އޭސީއޭއިން ހުށަހަޅާފައި ވަނީ 50،000ރ. ރުފިޔާގެ ފައިސާގެ އިނާމެކެވެ. އެންމެ މޮޅު އަންހެން އަދި ފިރިހެން އެކްޓަރަށް އެންސީއޭއިން ހުށަހަޅާފައި ވަނީ 15،000ރ. ގެ ފައިސާގެ އިނާމެކެވެ. އޭގެއިތުރުން އެންމެ މޮޅު އަންހެން އަދި ފިރިހެން ސަޕޯޓިން އެކްޓަރަށް 10،000ރ. ހުށަހަޅާފައިވާއިރު، އެންމެ މޮޅު ނިއު ކަމާއަށް 5000ރ. ގެ ފައިސާގެ އިނާމެއް އެންސީއޭއިން ހުށަހަޅާފައިވެ އެވެ.

މުބާރާތުގެ ފަނޑިޔާރުކަން ކުރާނީ އެންސީއޭއިން އެކުލަވައިލާ ފަސް ފަނޑިޔާރުންގެ ޓީމަކުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox