ރެސްކިއު ޑައިވަރުން ތަމްރީނުކުރުމުގެ ޕްރޮގްރާމު ފެށުން: ޒޫނާ ވިދާޅުވީ "މިއީ އެންމެ އުފާވެރި ދުވަސް" ކަމަށް

ރެސްކިއު ޑައިވަރުން ތަމްރީނުކުރުމުގެ ޕްރޮގްރާމު ފެށުމުގެ ރަސްމިއްޔާތުގައި ޒޫނާ ވާހަކަ ދައްކަނީ. -- ފޮޓޯ: ފިޝަރީޒު މިނިސްޓްރީ

ރެސްކިއު ޑައިވަރުން ތަމްރީނުކުރުމުގެ ޕްރޮގްރާމު ފެށުމުގެ ރަސްމިއްޔާތުގައި ޒޫނާ ވާހަކަ ދައްކަނީ. -- ފޮޓޯ: ފިޝަރީޒު މިނިސްޓްރީ

"ވަރަށް ވެސް އުފާވެރި ދުވަހެއް. އަސްލުގައި ތަމްރީނުކުރާ މީހެއްގެ ހައިސިއްޔަތުން އަޅުގަނޑު ދެކެން ބޭނުންވާ އެންމެ އުފާވެރި ދުވަސް މިއަދު މިއީ،" އިއްޔެ ހަވީރު ގދ. މަޑަވެއްޔަށް އިރު އޮއްސެމުން ދިޔައިރު، ކުރިޔަށް ގެންދިޔަ ރެސްކިއު ޑައިވަރުން ތަމްރީނު ކުރުމުގެ ޕްރޮގްރާމުގެ ފެށުމުގެ ރަސްމިއްޔާތުގައި، ޕާޑީގެ ކޯސް ޑައިރެކްޓަ ސަނަދު ހާސިލްކޮށްފައިވާ، ރާއްޖޭގެ އެންމެ ތަޖުރިބާކާރު އެއް ޑައިވަރު ޒޫނާ ނަސީމް ވިދާޅުވީ މިހެންނެވެ.

ޑައިވިން ދާއިރާގައި މެދުކެނޑުމެއް ނެތި 28 އަހަރު ހޭދަކޮށްފައިވާ އަދި މިހާރު ވެސް އެ ދާއިރާއިން މީހުން ތަމްރީނު ކުރަމުން ގެންދާ ޒޫނާ އެހެން އެ ވިދާޅުވީ މަސްވެރިން އެން ހޯދުމަށް ޑައިވްކުރާއިރު ރައްކާތެރިކަމުގެ މިންގަނޑުތަކަށް ނުބަލައި ޑައިވްކުރާތީވެ ހިނގާފައިވާ ހިތާމަވެރި ހާދިސާތައް ގިނަ ވުމުގެ ސަބަބުންނެވެ.

އެހެންވެ، ކޮންމެ މަސް ދޯންޏެއްގައި ރެސްކިއު ޑައިވަރެއް ބެހެއްޓުމަށް ސަރުކާރުން ނިންމި ނިންމުމަކީ ވަރަށް ރަނގަޅު ފެށުމެއް ކަމަށް އޭނާ ގަބޫލުކުރެ އެވެ.

"އަސްލު ރެސްކިއު ޑައިވަރެއްގެ ބޭނުމަކީ ދޯނިމަތީގައި ޑައިވްކޮށްގެން ކަމެއް ދިމާވާ ހިނދު އޭނާ އަށް އިތުރަށް ގެއްލުން ވިޔަ ނުދީ ފަރުވާ ދެވޭ ހިސާބަށް ގެންދެވެން ދެން އޭނާ ރައްކާތެރި ގޮތުގައި ބެެލެހެއްޓުން،" ޒޫނާ ވިދާޅުވި އެވެ.

"ޑައިވެއް ކޮށްގެން މައްސަލައެއް ދިމާވެއްޖިއްޔާ އޭނާއަށް ފަރުވާ ދިނުން ލަސްވެއްޖިއްޔާ އޭނާ މުޅި އުމުރު ނުކުޅެދޭ މީހަަކަށް ވެސް ވެދާނެ. އޭގެ ބަދަލުގައި އޭނާއަށް އަވަހަށް އެ ދޭންވާ ފަރުވާ ފޯރުކޮށް ދެވިއްޖެ ކަމަށް ވާނަމަ އޭނާ އެ ބަލިން ސަލާމަތްވުމުގެ ފުރުސަތު ވަރަށް ބޮޑު."

ރެސްކިއު ޑައިވަރަކާ ހަމައަށް ދެވެނީ ގިނަ ހަރުފަތްތަކެއް ގިރާކޮށްގެންނެވެ. އެ ޕްރޮގްރާމުގައި ބައިވެރިވާ މީހުން އޯޕަން ވޯޓާ ޑައިވިން، އެޑްވާންސް ޑައިވިން ކޯހުގެ އިތުރުން މީހުން ރަސްކިއު ކުރާނެ އުކުޅުތައް ދަސްކޮށްދޭނެ އެވެ. އަދި ފަސްޓްއެއިޑް ކޯސް ފުރިހަމަ ކުރަންޖެހޭނެ އެވެ.

ރެސްކިއު ޑައިވަރުން ތަމްރީނު ކުރުމުގެ ފުރަތަމަ ޕްރޮގްރާމުގައި ގދ. މަޑަވެލި، ދެއްވަދޫ، ގއ. ކޮލަމާފުށި، ވިލިނގިލިން ޖުމުލަ 25 މީހުން ތަމްރީނު ކުރާނެ އެވެ.

މިއީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. މި ޕްރޮގްރާމް ފަށަން ކެބިނެޓުން ނިންމީ ޑިސެމްބަރު މަހުގެ 24 ގަ އެވެ.

މި ޕްރޮގްރާމު އައްޑޫ ސިޓީ އާއި ލ. އަތޮޅުގައި ކުރިއަށް ގެންދިޔުމަށް މި ފެށޭ ހަފުތާގައި އިންސްޓްރަކްޓަރުން ފޮނުވުމުގެ އިންތިޒާމު ހަމަޖައްސަމުން ދާކަމަށް ފިޝަރީޒު މިނިސްޓްރީން ވަނީ ބުނެފަ އއެވެ.

ރެސްކިއު ޑައިވަރުން ތަމްރީނު ކުރުމުގެ ޕްރޮގްރާމު ފެށުމުގެ ރަސްމިއްޔާތުގައި ފިޝަރީޒް މިނިސްޓަރު އަހުމަދު ޝިޔާމް ވިދާޅުވީ ދިވެހިރާއްޖޭގެ މަސްވެރި ފްލީޓުގެ ކޮންމެ އުޅަނދެއްގައި މަދުވެގެން ރެސްކިއު ޑައިވަރު ލައިސަންސް އޮތް އެކަކު ބެހެއްޓުމަށް ރައީސް މުއިއްޒު ނިންމެވުމަކީ، މަސްވެރިކަމުގެ ސިނާއަތަށް އެ މަނިކުފާނުގެ އޮތް ޝައުގުގެ ބޮޑުކަން ހާމަކޮށްދޭ ކަމެއް ކަމަށެވެ.

މި ޕްރޮގްރާމު ފެށުމަށް ފަހު ކޯހުގައި ބައިވެރިވާ މީހުންނާއި އިންސްޓަކްޓަރުންނާއެކު ޝިޔާމް ޑައިވް ކުރެއްވި އެވެ. އޭނާ ޕްރޮފެޝަނަލް ޑައިވަރެކެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox