ދެ ބައްރުގެ ބޮޑު ދެ ކަޕްއާ ހެދި ކްލަބްތަކަށް ގެއްލުން!

Jan 13, 2024, 12:23 PM
އެފްރިކަން ކަޕް އޮފް ނޭޝަން އާއި އޭޝިއަން ކަޕް މި މަހާއި އަންނަ މަހު ކުރިއަށްދާއިރު، ކްލަބްތަކުގެ މުހިންމު ކުޅުންތެރިން ގައުމީ ޓީމުތަކަށް ދާނެ.

އެފްރިކަން ކަޕް އޮފް ނޭޝަން އާއި އޭޝިއަން ކަޕް މި މަހާއި އަންނަ މަހު ކުރިއަށްދާއިރު، ކްލަބްތަކުގެ މުހިންމު ކުޅުންތެރިން ގައުމީ ޓީމުތަކަށް ދާނެ.

މި އަހަރަކީ ދުނިޔޭގެ ފުޓްބޯޅައިގެ ވަރުގަދަ ހަތަރު ބައްރުގެ (އޭޝިއާ، އެފްރިކާ، ޔޫރަޕް އަދި ދެކުނު އެމެރިކާގެ) ބޮޑެތި މުބާރާތްތައް ކުރިއަށްދާނެ ފަހަރެކެވެ. އެ ގޮތުން، އެފްރިކާގެ ކަޕް (އެފްރިކަން ކަޕް އޮފް ނޭޝަންސް) އާއި އޭޝިއަން ކަޕް، މިހާރު ފަށާފައިވާއިރު، ޔޫރަޕްގެ ކްލަބްތަކުގެ ކުޅުންތެރިން ގައުމީ ޓީމުތަކަށް ދޫކުރަން ޖެހުމުން ބޮޑެތި ގެއްލުންތަކާ ކްލަބްތަކުން ކުރިމަތިލާނެ އެވެ.

ޔޫރަޕްގެ ލީގުތަކުގެ ސަބަބުން އެންމެ ބޮޑު އަސަރެއް ކުރާނެ ކަމަށް ބެލެވެނީ ފްރެެންޗް ލީގާއި ޖަރުމަނު ލީގުގެ އިތުރުން އަދި އިނގިރޭސި ޕްރިމިއާ ލީގެވެ.

ޔޫރަޕްގެ ވަރުގަދަ ފަސް ލީގުގެ ތަފާސްހިސާބުތަކަށް ބަލާއިރު، 70 ކްލަބުން 168 ކުޅުންތެރިން، އޭޝިއަން ކަޕާއި އެފްރިކަން ކަޕް ކުޅެން ގައުމީ ޓީމުތަކަށް ވަނީ ގޮސްފަ އެވެ. އެއީ، ގިނަ ވެގެން ދޮޅު މަހެއްހާ ދުވަހުގެ މުއްދަތަށެވެ. މި ދެ މުބާރާތުގެ ސަބަބުން، އެންމެ ބޮޑަށް އަސަރުކުރާ ލީގަކީ ފްރެންޗް ލީގެވެ. ދެ ވަނަ އަށް އެންމެ ބޮޑަށް ކުޅުންތެރިން މަދުވާނީ އިނގިރޭސި ޕްރިމިއާ ލީގުގައި ކަމަށް ރިޕޯޓްތައް ބުނެ އެވެ.

އަހަރުގެ ކުރީކޮޅުގައި އެފްރިކަން ކަޕާއި އޭޝިއަން ކަޕް ބާއްވާ އެންމެ ބޮޑު ސަބަބަކީ ދުނިޔޭގެ އެކި ގައުމުތަކުގައި މި މުބާރާތްތައް، ބްރޯޑްކާސްޓް ކޮށްގެން ފައިސާ ހޯދަން ފަސޭހަތަކެއް ހުރުމުންނެވެ. ހާއްސަކޮށް، އަހަރު މެދުތެރޭގައި ބާއްވައިގެން ޔޫރޯ ފުޓްބޯޅަ މުބާރާތް/ކޮޕަ އެމެރިކާ ފަދަ ތަރުހީބު ބޮޑު މުބާރާތަކާ ދިމާވާން ބޭނުންނުވާތީ އެެވެ.

ޕްރިމިއާ ލީގުގެ ކްލަބްތަކަށް ބަލާއިރު، މެންޗެސްޓާ ސިޓީ އާއި ނިއުކާސަލް ޔުނައިޓެޑުން، މި ދެ މުބާރާތާ ހެދި އެއްވެސް ކުޅުންތެރިއަކު މަދެއް ނުވާނެ އެވެ.

އެކަމަކު، ލިވަޕޫލާއި މެންޗެސްޓާ ޔުނައިޓެޑް، އާސެނަލް، ޗެލްސީ އަދި ޓޮޓެންހަމް ހޮޓްސްޕާސް އިން މުހިންމު ކުޅުންތެރިންތަކެއް މަދުވާނެ އެވެ. އެ ގޮތުން، ލިވަޕޫލްގެ މުހައްމަދު ސަލާހު، ޓޮޓެންހަމްގެ ސޮން ހެއުން މިން އަދި މެންޗެސްޓާ ޔުނައިޓެޑްގެ އަންދްރޭ އޮނާނާ ހިމެނެ އެވެ.

ގިނަ ޓީމުތަކުގެ ކޯޗުން ވަނީ ސީޒަނުގެ ވަރުގަދަ ހިސާބެއްގައި، ޓީމުގެ މުހިންމު ކުޅުންތެރިންތަކަކަށް ބޮޑު މެޗުތަކެއް ގެއްލިގެންދިއުމުން، އޭގެ އަސަރު ޓީމަށް ކުރާނެކަން ފާހަގަކޮށްފަ އެެވެ. އެކަމަކު، ފުޓްބޯޅަ އަކީ މިހާރު ވަރަށް ބޮޑަށް، ވިޔަފާރި އަކަށް ވެފައި އޮތުމުން، މުބާރާތް އިސްތިހާރު ކުރުމާއި މާލީ ކަންކަމަށް ބަލާފައި މުބާރާތްތައް ރާވަން ޖެހޭނީ އެންމެ ފައިދާ ބޮޑުވާ ގޮތަށް ބަލައިފަން ގަބޫލުކުރެ އެވެ. މި ގޮތަށް ކަންކަން އޮތުމުން އެފްރިކަން ކަޕާއި އޭޝިއަން ކަޕް މި ދުވަސްވަރު ނޫން ދުވަސްތަކެއްގައި ބާއްވައިގެން ގެއްލުންވާނެ ކަމަށް ފުޓްބޯޅައިގެ ތަޖުރިބާކާރުން ވެސް ބުނެ އެވެ.

ފީފާގެ ގަވާއިދުގައިވާ ގޮތުން، ގައުމީ ޓީމެއްގެ ރަސްމީ މުބާރާތެއްގެ ފެށުމުގެ 14 ދުވަސް ކުރިން ކުޅުންތެރިން ގައުމީ ޓީމުތަކަށް ރިލީސްކުރަން ޖެހޭނެ އެވެ. އެހެން ނަމަވެސް ބައެއް ކްލަބްތަކުން އަންނަނީ ގައުމީ ޓީމުތަކާ ވާހަކަ ދައްކައިގެން ކުޅުންތެރިން ކްލަބްގެ މެޗުތައް ކުޅެފައި ގައުމީ ޓީމާ ގުޅޭ ގޮތަށް މަޝްވަރާ ކުރަމުންނެވެ. ފީފާ އިން ވަނީ މި ކަމުގެ އިހުތިޔާރުތައް، ކްލަބާއި ގައުމީ ފެޑެރޭޝަންތަކުގެ އަތްމައްޗަށް ދޫކޮށްލައިފަ އެވެ.

ފީފާ ކަލަންޑަރު ދުވަސްވަރެއްގައި ކުޅޭ ގައުމީ ޓީމުގެ މުބާރާތަކަށް، ކުޅުންތެރިން ކްލަބްތަކުން ވީއްލާއިރު، އެ މުއްދަތަށް ކުޅުންތެރިންނަށް ކްލަބްތަކުން ދޭން ޖެހޭ މުސާރައިގެ ކަންކަމުގައި ޓީމުތަކަށް ފީފާ އިން މާލީ އެހީތެރިކަން ދޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox