ލޫކާކޫގެ ގޯލުތަކާ އެކު ރޯމާ އަށް މޮޅެއް، ނަޕޯލީ ބަލިވެއްޖެ

Oct 9, 2023, 3:25 AM
ލަނޑު ޖެހުމަށް ފަހު ލުކާކޫ އުފާފާޅުކުރަނީ.

ލަނޑު ޖެހުމަށް ފަހު ލުކާކޫ އުފާފާޅުކުރަނީ.

ސާޑީނިއާ، އިޓަލީ (އޮކްޓޫބަރު 9) - އިޓާލިއަން ލީގުގެ އެންމެ ފަހުގެ ޗެމްޕިއަން ނަޕޯލީ އަމިއްލަ ދަނޑުގައި ފިއޮރެންޓީނާ އަތުން 3-1 އިން ބަލިވިއިރު، ރޮމެލޫ ލުކާކޫގެ މޮޅު ކުޅުމާ އެކު ކަލިއާރީ އަތުން ރޯމާ 4-1 އިން މޮޅުވެއްޖެ އެވެ.

ފިއޮރެންޓީނާ އަތުން ބަލިވުމުން ނަޕޯލީ ވަނީ ލީގުގެ ފަސް ވަނަ އަށް ވެއްޓިފަ އެވެ. މި ވަގުތު ލީގުުގެ އެއް ވަނައިގައި އޮތް އޭސީ މިލާނާއި ނަޕޯލީއާ ދެމެދު ހަތް ޕޮއިންޓުގެ ފަރަގެއް އެބައޮތެވެ. ސީޒަންގެ ފެށުން ރަނގަޅަށް ނުދިޔަ ކަމުގައިވިޔަސް މިހާރު ފޯމަށް އެޅެމުން އަންނަ ރޯމާ އޮތީ ލީގުގެ ދިހަ ވަނައިގަ އެވެ.

އަމިއްލަ ދަނޑުގައި ފިއޮރެންޓީނާ އަތުން ބަލިވި މެޗުގައި ނަޕޯލީގެ ހަމައެކަނި ގޯލު ޖަހައިދިނީ ލިބުނު ޕެނަލްޓީއަކުން ވިކްޓާ އޮސީމެން އެވެ. ފިއޮރެންޓީނާގެ ގޯލުތައް ޖަހައިދިނީ ޖޯސިފް ބްރެކާލޯ، ޖިއަކޯމޯ ބޮނަވެންޗޫރާ އަދި ނިކޮލަސް ގޮންޒާލޭޒް އެވެ.

ކަގްލިއާރީ އަތުން ރޯމާ މޮޅުވިއިރު، ރޯމާގެ ހަތަރު ގޯލުގެ ތެރެއިން ދެ ގޯލު ޖަހައިދިނީ ލުކާކޫ އެވެ. މިއީ މި ސީޒަންގައި ލުކާކޫ ކުލަބަށާއި ގައުމަށް ކުޅުނު 10 މެޗުގައި ޖެހި ނުވަ ވަނަ ގޯލެވެ.

މި މެޗުގައި ރޯމާގެ އަނެއް ދެ ގޯލު ޖަހައިދިނީ ހުސެމް އައުއާ އާއި އަންދްރޭ ބެލޮޓީ އެވެ. ކަލިއާރީގެ ހަމައެކަނި ގޯލު ޖަހައިދިނީ ލިބުނު ޕެނަލްޓީއަކުން ނަހިޓަން ނާންޑޭޒް އެވެ.

ރޭގެ މެޗަށް ފަހު ރޯމާގެ ފޯވާޑް ލުކާކޫ ބުނީ އޭނާ އަށް މި ސީޒަން ފެށުމުގެ ކުރިން ގިނަބައެއްގެ ފާޑުކިޔުން އަމާޒުވި ކަމަށާއި، އެ ހުރިހާ ކަންކަމަކަށް އޭނާ ޖަވާބުދޭނީ ދަނޑުމަތިން ކަމަށެވެ.

ޗެލްސީން ލޯން އެއްބަސްވުމެއްގެ ދަށުން ރޯމާ އަށް ކުޅެމުން އަންނަ ލުކާކޫ ވަނީ އެ ޓީމަށް ކުޅުނު ހަ މެޗުގައި ހަ މެޗުގައި ފަސް ގޯލު ޖަހައިފަ އެވެ.

އިޓާލިއަން ލީގުގައި ރޭ ލާޒިއޯ ވަނީ އެޓަލަންޓާ އަތުން އުނދަގޫ މޮޅެއް ހޯދާފަ އެވެ. މިހާތަނަށް ލީގުގައި ކުޅުނު އަށް މެޗުގެ ތެރެއިން ހަތަރު މެޗުން ބަލިވެފައިވާ ލާޒިއޯ މި މެޗުން މޮޅުވީ 3-2 އިންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox