ނޭމާގެ ޓީމު މުމްބާއީއާ އެއް ގްރޫޕަކަށް: އޭނާ އިންޑިއާގައި ކުޅޭނެ

ނޭމާގެ ޓީމު މުމްބާއީއާ އެއް ގްރޫޕަކަށް: އޭނާ އިންޑިއާގައި ކުޅޭނެ

ދުނިޔޭގެ އެންމެ އަގުބޮޑު ފުޓްބޯޅަ ކުޅުންތެރިޔާ ކަމަށްވާ ބްރެޒިލްގެ ނޭމާ މިހާރު ކުޅޭ ސައޫދީ އަރަބިއްޔާގެ އަލް ހިލާލް އާއި އިންޑިއާގެ މުމްބާސީ ސިޓީ އެފްސީ، އޭއެފްސީ ޗެމްޕިއަންސް ލީގުގައި އެއް ގްރޫޕެއްގައި ލައްވާލައިފި އެވެ.

މާނައަކީ، ފުޓްބޯޅައިގެ މި ޖީލުގެ އެންމެ ހުނަރުވެރި އެއް ކުޅުންތެރިޔާގެ ކުޅުން އިންޑިއާ ސަޕޯޓަރުންނަށް ވާދަވެރި މެޗަކުން ހަމަލޮލުން ފެނުމެވެ. މި ދެ ޓީމުގެ އިތުރުން ގްރޫޕް ޑީ ގައި ދެން ހިމެނެނީ އީރާނުގެ ނަސާޖީ މަޒަންދަރަން އާއި އުޒްބެކިސްތާނުގެ ނަވްބަހޯރް އެވެ.

އަލް ހިލާލް އިން މުމްބާއީ ސިޓީއާ ދެކޮޅަށް އިންޑިއާގެ ވިޔަފާރި އާއި ފިލްމުގެ މައި މަރުކަޒު ކަމަށްވާ މުމްބާއީގައި މެޗު ކުޅޭނެ ތާރީހެއް އަދި ނޭގެ އެވެ.

Advertisement

މުމްބާއީ ސިޓީ އަކީ، ޔޫރަޕުގެ ޗެމްޕިއަން މެންޗެސްޓާ ސިޓީ ހިންގާ އަބޫ ދާބީގެ ސިޓީ ފުޓްބޯލް ގްރޫޕް ހިއްސާވާ ކްލަބެކެވެ. މައިނޯރިޓީ ހިއްސާދާރުންގެ ތެރޭގައި އިންޑިއާގެ މަޝްހޫރު ފިލްމީ ތަރި ރަންބީރު ކަޕޫރު ވެސް ހިމެނެ އެވެ.

ސްޕެއިނުގެ ބާސެލޯނާ އިން 2017 ވަނަ އަހަރު 222 މިލިއަން ޔޫރޯ އަށް ފްރާންސްގެ ޕީއެސްޖީ އަށް ބަދަލުވެ ފުޓްބޯޅައިގެ ޓްރާންސްފާ ރެކޯޑެއް ހެދި ނޭމާ އަށް އެ ކްލަބުގައި އަނިޔާގެ ސަބަބުން އެދެވޭ ކުޅުމެއް ނުދެއްކުނެވެ. އޭނާ ސައޫދީ ޓީމަށް ބަދަލުވީ ދާދި ފަހުންނެވެ.

މަޝްހޫރު އެތައް ކުޅުންތެރިން ބޮޑު އަގުގައި ގަތުމުގެ ސިލްސިލާއެއް ފަށާފައިވާ ސައުދީގެ ކްލަބްތަކުގެ ތެރެއިން ޕޯޗުގަލްގެ ކްރިސްޓިއާނޯ ރޮނާލްޑޯ ކުޅޭ އައް ނަސްރު، ޗެމްޕިއަންސް ލީގުގައި ހިމެނެނީ އީރާނުގެ ޕެސެޕޮލިސް އާއި ގަތަރުގެ އައް ޑުހެއިލް އަދި ތަޖިކިސްތާނުގެ އެފްސީ އިސްތިކްލޯލްއާ އެއް ގްރޫޕެއްގަ އެވެ. ފްރާންސްގެ ކަރިމް ބެންޒެމާގެ ކުޅޭ އައް އިއްތިހާދު ހިމެނެނީ އީރާނުގެ ސެޕަހަން އާއި އިރާގުގެ އަލް ގުވާ އަލް ޖަވިޔާ އާއި އުޒްބެކިސްތާނުގެ އޭޖީއެމްކޭއާ އެއް ގްރޫޕެއްގަ އެވެ.

އޭޝިއާގެ އެންމެ މަތީ ފަންތީގެ ކްލަބްތައް ވާދަކުރާ ޗެމްޕިއަންސް ލީގުން މުމްބާއީ ސިޓީގެ އިތުރުން ޖާގަ ލިބުނު ދެކުނު އޭޝިއާގެ ހަމައެކަނި ކްލަބަކީ ބަންގްލަދޭޝްގެ ބަޝުންދުރާ ކިންގްސް އެވެ. އެ ޓީމު ވަނީ ވެސްޓް ރީޖަންގެ ޕްރިލިމިނަރީ ބުރުން ޔޫއޭއީގެ ޝަރްޖާ އަތުން ބަލިވެ ގްރޫޕް ސްޓޭޖަށް ނުހޮވި ކަޓައިފަ އެވެ.

ރާއްޖޭގެ ޓީމުތަކަށް ފުރުސަތު ލިބެނީ އޭއެފްސީގެ ދެ ވަނަ ފަންތީގެ ކްލަބް މުބާރާތް ކަމަށްވާ އޭއެފްސީ ކަޕުންނެވެ. އޭއެފްސީ ކަޕުގައި ރާއްޖޭގެ ކްލަބްތަކުން ކުރިން ހޯދަމުން އައި ކާމިޔާބީތައް އެގޮތުގައި ހިފެހެއްޓުނު ނަމަ ރާއްޖެ އަށް ޗެމްޕިއަންސް ލީގުގެ ކޮލިފައިން ބުރުން ފުރުސަތު އޮތީހެވެ.

ކްރިކެޓަށް މަރުދޭ އިންޑިއާގައި، ފުޓްބޯޅައިގެ ސުޕަ ލީގެއް މީގެ އަހަރުތަކެއް ކުރިން ފެށުމާ އެކު ފުޓްބޯޅައިގެ ފޯރިވަނީ ގަދަވެފަ އެވެ. އެގޮތުން މަޝްހޫރު ބައެއް ތަރިން ރިޓަޔާމަންޓް އުމުރުގައި ސުޕަ ލީގުގައި ކުޅެފައިވެ އެވެ. އޭގެ ތެރޭގައި ބްރެޒިލްގެ ރޮބާޓޯ ކާލޯސް އާއި އިޓަލީގެ އަލެސަންދްރޯ ނެސްޓާ އާއި އަލެސަންދްރޯ ޑެލް ޕިއޭރޯ އާއި ފްރާންސްގެ ޑޭވިޑް ޓްރެޒެގޭ އަދި ރޮބާޓޯ ޕިރޭޒް ހިމެނެ އެވެ.

އިންޑިއާ އަކީ ފުޓްބޯޅައިގައި އޭޝިއާގެ ކުރީގެ ގަދަބާރެކެވެ. އެގޮތުން އޭޝިއަން ގޭމްސްގެ ފުޓްބޯޅަ އިވެންޓުން ދެ ފަހަރު ރަން މެޑެލް ހޯދި އެވެ. އޭޝިއަން ކަޕުގެ ދެ ވަނަ މަގާމް އެއް ފަހަރު އަދި އޮލިމްޕިކްސް ފުޓްބޯޅައިން ސެމީ ފައިނަލަށް އެއް ފަހަރު ދިޔަ އެވެ. އަދި 1950 ވަނަ އަހަރުގެ ވޯލްޑް ކަޕުން ވެސް ޖާގަ ޖޯދި އެވެ. ނަމަވެސް އޭގެ ބޭނުމެއް ނުހިފަ އެވެ.

ނޭމާ އަކީ ޕެލޭ އަށް ފަހު އެ ގައުމުގައި ކުޅޭނެ ބްރެޒިލްގެ އެންމެ މަތީ ފަންތީގެ ކުޅުންތެރިޔާ އެވެ. ޕެލޭ އެ ގައުމުގައި މެޗެއް ކުޅުނީ 1977 ވަނަ އަހަރު އެމެރިކާގެ ނިއު ޔޯލް ކޮސްމޯސްއާ އެކު އެވެ. ކަލްކަތާގެ އީޑަން ގާޑަންސްގައި މޯހަން ބަގާން އާ ދެކޮޅަށް ކުޅުނު އެ މެޗު 2-2 އިން އެއްވަރުވީ އެވެ.

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox